完整藏文原文 · 德格版页 当前仅加载第 55 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་མི་ཉམས་པ་ལགས། ཇི་ལྟར་ན་དེ་བཞིན་གཤེགས་པའི་སྤྱོད་པས་བྱུང་བ་ལགས། ཇི་ལྟར་ན་དེ་བཞིན་གཤེགས་པའི་ཡེ་ཤེས་ལ་བརྩོན་
D129.055.0180b01.01འགྲུས་སྦྱངས་པ་ལགས། ཇི་ལྟར་ན་ཤེས་རབ་ཆེ་བ་ལགས། ཇི་ལྟར་ན་ཡེ་ཤེས་ཆེན་པོ་ལ་མཁས་པ་ལགས། ཇི་ལྟར་ན་ཚུལ་ཁྲིམས་རྣམ་པར་དག་པ་ལགས། ཇི་ལྟར་ན་ཇི་ལྟར་ཐོས་པའི་ཆོས་རྣམས་མི་བསྐྱུད་པས་དྲན་པ་དང་ལྡན་པ་ལགས། ཇི་ལྟར་ན་དགེ་བའི་རྩ་བ་ཇི་ལྟར་
D129.055.0180b02.01བགྱིས་པ་བཞིན་དུ་སྐྱེས་པས་ཚེ་རབས་དྲན་པ་ལགས། ཇི་ལྟར་ན་སེམས་ཅན་གཞན་ལ་སྐུལ་བས་སྔོན་གྱི་གནས་པ་ལ་མཁས་པ་ལགས། ཇི་ལྟར་ན་དབང་པོའི་ཁྱད་པར་ལ་མཁས་པས་བློ་དང་ལྡན་པ་ལགས། ཇི་ལྟར་ན་མཚན་དང་ལྡན་པ་ལགས། ཇི་ལྟར་ན་སངས་རྒྱས་ལ་
D129.055.0180b03.01ལྟ་བ་དང་ཆོས་ཉན་པ་དང་དགེ་འདུན་ལ་བསྙེན་བཀུར་བགྱིད་པ་དང་མི་འབྲལ་བ་ལགས། ཇི་ལྟར་ན་འཇིག་རྟེན་གྱི་ཁམས་གཞན་ན་བཞུགས་པའི་སངས་རྒྱས་བཅོམ་ལྡན་འདས་རྣམས་མཐོང་ཞིང་། འཇིག་རྟེན་གྱི་ཁམས་མཐའ་ཡས་མུ་མ་མཆིས་པར་དེ་དག་གི་ཆོས་ཀྱང་ཐོས་ལ་ཐམས་
D129.055.0180b04.01ཅད་ཀྱང་ཀུན་ཏུ་འཛིན་ཀུན་ཆུབ་པར་བགྱིད། གཞན་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་ལགས། ཇི་ལྟར་ན་མི་དགེ་བའི་རྩ་བ་ཐམས་ཅད་སྲེག་པས་མེ་ལྕེ་ལྟ་བུ་ལགས། ཇི་ལྟར་ན་ཆོས་དཀར་པོ་ཐམས་ཅད་ཁོང་དུ་ཆུད་པས་ཟླ་བ་ལྟ་བུ་ལགས། ཇི་ལྟར་ན་མ་རིག་པའི་མུན་པ་
D129.055.0180b05.01ཐམས་ཅད་སེལ་བས་ཉི་མ་ལྟ་བུ་ལགས། ཇི་ལྟར་ན་དགེ་བའི་རྩ་བ་ཐམས་ཅད་ཀྱིས་འཕགས་པས་རི་བོའི་དབང་པོའི་རྒྱལ་པོ་ལྟ་བུ་ལགས། ཇི་ལྟར་ན་ཟབ་མོ་ལ་བཟོད་པ་མི་ཕྱེད་པས་རྡོ་རྗེ་ལྟ་བུ་ལགས། ཇི་ལྟར་ན་ལྷུན་པོ་བརྩེགས་པ་དང་མཚུངས་ཤིང་འདྲ་བས་མི་འཇིགས་པ་ཐོབ་པ་
D129.055.0180b06.01ལགས། ཇི་ལྟར་ན་སྤོབས་པ་ཐོགས་པ་མ་མཆིས་པས་དབྱངས་ཤིན་ཏུ་ཡོངས་སུ་དག་པ་ལགས། ཇི་ལྟར་ན་ཚིག་ཐམས་ཅད་རབ་ཏུ་དབྱེ་བ་རྣམ་པར་ངེས་པ་ལ་མཁས་པས་ཐོས་པ་མང་བ་ལགས། ཇི་ལྟར་ན་ཁྲོ་གཉེར་མ་མཆིས་ལ་བཞིན་འཛུམ་ཞིང་ཤིན་ཏུ་གསལ་བ་ལགས།
D129.055.0180b07.01