完整藏文原文 · 德格版页 当前仅加载第 55 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ལས་བརྟེན་ཏེ་མིའི་འཇིག་རྟེན་འབྱུང་བར་འགྱུར། སངས་རྒྱས་ལས་བརྟེན་ཏེ་སྐྱིད་པ་དང་། ནོར་ཆེ་བ་དང་མཛོད་མང་བ་དང་། ལུས་ཤིན་ཏུ་འཇམ་པར་འགྱུར། གླང་པོ་ཆེས་འགྲོ་བར་འགྱུར། རྟས་འགྲོ་བ་དང་། དཔུང་བུ་ཆུང་གིས་འགྲོ་བར་འགྱུར་རོ། །འཇམ་དཔལ་བྱང་ཆུབ་སེམས་
D129.055.0197b01.01དཔའ་གང་ལ་ལ་གཞན་གྱི་ཁྱིམ་རྣམས་སུ་བྱང་ཆུབ་སེམས་དཔའ་ལ་ཕྲག་དོག་དང་། སེར་སྣ་བྱེད་ན་དེས་དེའི་ཚེ་གཞི་དེ་ལས་འཇིགས་པ་ཆེན་པོ་གསུམ་ཤེས་པར་བྱ་སྟེ། གསུམ་གང་ཞེ་ན། སེམས་ཅན་དམྱལ་བར་སྐྱེ་བའི་འཇིགས་པ་དང་། དམུས་ལོང་གི་འཇིགས་པ་དང་། ཡུལ་མཐའ་
D129.055.0197b02.01འཁོབ་ཏུ་སྐྱེ་བའི་འཇིགས་པ་དང་། འཇིགས་པ་གསུམ་མོ། །འཇམ་དཔལ་གལ་ཏེ་བྱང་ཆུབ་སེམས་དཔས་བསོད་སྙོམས་བླངས་ཏེ། རིད་པ་དང་ཕོངས་པ་དང་སྤྲང་པོ་དང་། སློང་བ་རྣམས་ལ་བགོས་ཏེ་བྱིན་ན་དེ་དགེ་བའི་རྩ་བ་དེས་ཚེ་བརྗེས་ནས་འཁོར་ལོས་སྒྱུར་བའི་རྒྱལ་པོ་རྫུ་འཕྲུལ་ཆེན་པོ་
D129.055.0197b03.01དང་ལྡན་པར་འགྱུར་རོ། །འཇམ་དཔལ་གལ་ཏེ་བྱང་ཆུབ་སེམས་དཔའ་ཁྱིམ་པ་ལ་ཆོས་སྟོན་ཅིང་སྙིང་རྗེ་བས་དོན་དུ་འདོད། ཕན་པར་འདོད། སེམས་ཅན་དེ་དག་ལ་བདེ་བ་དང་། གྲུབ་པར་འདོད་ཀྱི་རྙེད་པ་དང་། བཀུར་སྟི་དོན་དུ་མི་གཉེར་ན་དེ་དགེ་བའི་རྩ་བ་དེས་ཤེས་རབ་རྣོ་བར་འགྱུར་
D129.055.0197b04.01འཁོར་ལོས་སྒྱུར་བའི་རྒྱལ་པོ་རྫུ་འཕྲུལ་ཆེན་པོ་དང་ལྡན་པར་འགྱུར། བརྒྱ་བྱིན་རྫུ་འཕྲུལ་ཆེན་པོ་དང་ལྡན་པར་འགྱུར། ཚངས་པ་རྫུ་འཕྲུལ་ཆེན་པོ་དང་ལྡན་པར་འགྱུར། མིའི་དམ་པ་སངས་རྒྱས་སུ་འགྱུར་རོ། །འཇམ་དཔལ་གལ་ཏེ་བྱང་ཆུབ་སེམས་དཔའ་སྡུག་བསྔལ་བའི་སེམས་
D129.055.0197b05.01ཅན་མཐོང་ན་སྙིང་རྗེ་སྐྱེད་ཅིང་། བདེ་བའི་སེམས་ཅན་མཐོང་ན་མཆོག་ཏུ་དགའ་བ་སྐྱེད་ན་དེ་ཚེ་བརྗེས་ནས་དགེ་བའི་རྩ་བ་དེས་ལུས་གསེར་གྱི་མདོག་ཅན་དུ་འགྱུར་རོ།། །།བམ་པོ་གསུམ་པ་སྟེ་ཐ་མ། དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་
D129.055.0197b06.01པས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་དུ་འཕགས་པའི་ལམ་བརྗོད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། འདུ་བྱེད་ཡོད་པ་ལ་འཕགས་པའི་ལམ་བརྗོད་པར་འགྱུར་རོ། །འཕགས་པའི་ལམ་ཡང་གནས་པ་མེད་པའོ། །གནས་མེད་པ་ལ་
D129.055.0197b07.01