'phags pa rab tu zhi ba rnam par nges pa'i cho 'phrul gyi ting nge 'dzin zhes bya ba theg pa chen po'i mdo/
当前为德格木刻版 192a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 192a
- 可引用原文
- 7 行
- 全文规模
- 全经 504 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 55 函 · 德格 192a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བརྟགས་ན་དགེ་བའི་རྩ་བ་ཡང་མ་དམིགས་ནས། ཅི་དགེ་བའི་རྩ་བ་རྣམས་གཟུགས་ཀྱིས་བསགས་པ་ཞིག་གམ། འོན་ཏེ་ཚོར་བ་དང་འདུ་ཤེས་དང་འདུ་བྱེད་དང་། རྣམ་པར་ཤེས་པས་སམ། གཟུགས་ནི་བེམས་པོ། གཡོ་བ་མེད་པ། སེམས་པ་མེད་པ་སྟེ།དེས་ཀྱང་དགེ་བའི་རྩ་བ་མ་བསགས། ཚོར་བ་ནི་ཆུའི་ཆུ་བུར་ལྟ་བུ་ངན་པ། རྟེན་ཅིང་འབྲེལ་པར་བྱུང་བ། རེག་པ་འདུས་པ་ལས་བྱུང་བ་སྟེ། དེས་ཀྱང་དགེ་བའི་རྩ་བ་མ་བསགས། འདུ་ཤེས་ནི་སྨིག་རྒྱུ་ལྟ་བུ། མིག་དང་གཟུགས་དང་། སྣང་བ་དང་། ཡིད་ལ་བྱེད་པ་འདུས་པ་
ལས་བྱུང་བ་སྟེ། དེས་ཀྱང་དགེ་བའི་རྩ་བ་མ་བསགས། འདུ་བྱེད་ནི་དངོས་པོ་མེད་པ། {བརྫུན་,རྫུན་}པ། སླུ་བའི་ཆོས་ཅན་མ་རིག་པ་འདུས་པ་ལས་བྱུང་བ་སྟེ། དེ་དག་གིས་ཀྱང་དགེ་བའི་རྩ་བ་མ་བསགས། རྣམ་པར་ཤེས་པ་ནི་སྒྱུ་མ་ལྟ་བུ། གསོབ་གསོག་ཡང་དག་པ་མ་ཡིན་པ། འདུ་བྱེད་འདུས་པ་ལས་ངེས་པར་སྐྱེས་པ། ཚུལ་བཞིན་མ་ཡིན་པ་ཡིད་ལ་བྱེད་པ་འདུས་པ་ལས་བྱུང་བ་སྟེ། དེས་ཀྱང་དགེ་བའི་རྩ་བ་མ་བསགས་སོ་སྙམ་ནས་དེས་དེ་ལྟར་བརྟགས་པ་དང་། གང་གིས་དགེ་བའི་རྩ་བ་བསགས་པ་དེ་མི་དམིགས་སོ། །དེས་དེ་ལྟར་བརྟགས་ན་མི་དམིགས་ཏེ། མི་
དམིགས་སོ་སྙམ་པའི་རློམ་སེམས་ཀྱང་མེད་དོ། །གང་བྱང་ཆུབ་ཀྱི་སྙིང་པོ་ལ་འདུག་པ་དེ་ཡང་མི་དམིགས་ཏེ། མི་དམིགས་སོ་སྙམ་པའི་རློམ་སེམས་ཀྱང་མེད་དོ། །དེས་བྱང་ཆུབ་ཀྱང་མི་དམིགས་ཏེ། མི་དམིགས་སོ་སྙམ་པའི་རློམ་སེམས་ཀྱང་མེད་དོ། །འདི་ལ་སུ་ཞིག་མངོན་པར་རྫོགས་པར་འཚང་རྒྱ་བ་དེ་ཡང་མི་དམིགས་ཏེ། མི་དམིགས་སོ་སྙམ་པའི་རློམ་སེམས་ཀྱང་མེད་དོ། །དེས་དེ་ལྟར་སོ་སོར་བརྟགས་ནས་བྱང་ཆུབ་ཀྱི་རློམ་སེམས་ཀྱང་མེད། སེམས་ཅན་གྱི་རློམ་སེམས་ཀྱང་མེད། སངས་རྒྱས་ཀྱི་ཡེ་ཤེས་ཀྱི་རློམ་སེམས་ཀྱང་མེད་པ་དེ་བཟང་སྐྱོང་
བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྟེ། དེ་ཆོས་གང་ལ་ཡང་རློམ་སེམས་མེད་དོ། །དེ་ཅིའི་ཕྱིར་ཞེ་ན། དེ་ཆོས་གང་ཡང་སྐྱེ་བ་ཡང་མི་མཐོང་། འགག་པ་ཡང་མི་མཐོང་སྟེ། ཡང་དག་པ་ཇི་ལྟ་བ་བཞིན་དུ་ཞི་བའི་གནས་ཁོང་དུ་ཆུད་པས་དེའི་ཕྱིར་སངས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D129
- 德格版页
- 192a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0129 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。