完整藏文原文 · 德格版页 当前仅加载第 55 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མི་བྱེད་པས་ཡང་དག་པའི་ལས་ཀྱི་མཐའ་ཞེས་བྱའོ། །གང་གཟུགས་ལ་ཀུན་ཏུ་ལོངས་སྤྱོད་པ་དང་ཀུན་ཏུ་ལོངས་སྤྱོད་པ་མ་ཡིན་པ་ཤེས་པ་དང་། དེ་ལ་གནས་པ་ཆོས་ཀྱི་དབྱིངས་མཉམ་པ་ཉིད་ཀྱི་ཚུལ་གྱིས་ཡང་དག་པ་དང་། ལོག་པའི་ཚོར་བ་མི་དམིགས་པ་
D129.055.0204a01.01དང་མི་དམིགས་པས་འཚོ་བ་དང་། ལས་འཇིག་པ་དེ་ནི་ཡང་དག་པའི་འཚོ་བ་ཞེས་བྱ་སྟེ། ཡང་དག་པ་ཞེས་བྱ་བ་དེ་ནི་མཉམ་པ་ཉིད་ཀྱི་ཚིག་གོ། །འཚོ་བ་ཞེས་བྱ་བ་དེ་ནི་འཕགས་པའི་ཆོས་འཛིན་པའི་ཚིག་གོ། །ལམ་ཞེས་བྱ་བ་དང་ལམ་མ་ཡིན་པ་ཞེས་བྱ་བ་དེ་ནི་མི་ཚོལ་བའི་དོན་གྱིས་ལམ་
D129.055.0204a02.01ཞེས་བྱའོ། །འཚོ་བ་དང་འཚོ་བ་མ་ཡིན་པའི་འདུ་ཤེས་ལ་རྣམ་པར་མི་རྟོག་པའི་དོན་གྱིས་འཚོ་བ་ཞེས་བྱའོ། །ཡང་དག་པ་ཞེས་བྱ་བ་དེ་ནི་མཉམ་པ་ཉིད་ལ་གནས་པ་ཞེས་བྱ་བའི་དོན་ཏེ། དེ་ནི་ཡང་དག་པའི་འཚོ་བ་ཞེས་བྱའོ། །ཆོས་ཀྱི་དབྱིངས་མཉམ་པ་ཉིད་ཀྱི་ཚུལ་གྱིས་གང་གཟུགས་ལ་
D129.055.0204a03.01ལུས་དང་ངག་དང་ཡིད་ཀྱི་རྩོལ་བ་མེད་པ་ནི་ཆོས་ཀྱི་དབྱིངས་ལ་རྩོལ་བ་མེད་པ་སྟེ། ཡང་དག་པ་ཞེས་བྱ་བ་དེ་ནི་མི་སྐྱེ་བ་ལ་གནས་པའི་ཆོས་རྣམས་བླང་བ་མེད་པ་དང་། དོར་བ་མེད་པའི་ཚིག་{བླ་དགས་,བླ་དྭགས་}སོ། །རྩོལ་བ་མེད་པ་ཞེས་བྱ་བ་དེ་ནི་ལུས་དང་ངག་དང་ཡིད་མི་དམིགས་པའི་ཚིག་གོ། །
D129.055.0204a04.01ལམ་ཞེས་བྱ་བ་དེ་ནི་བླང་བ་མེད་པ་དང་དོར་བ་མེད་པའི་ཚུལ་དང་། མི་ཚོལ་བའི་ཚུལ་གྱིས་འཕགས་པའི་དོན་ཚོལ་བ་སྟེ། དེ་ནི་ཡང་དག་པའི་རྩོལ་བ་ཞེས་བྱའོ། །གང་གཟུགས་ལ་དྲན་པས་མི་དམིགས་པ་མཉམ་པ་ཉིད་ནི་དྲན་པ་མེད་པ་དྲན་པ་མེད་པའི་ཚུལ་གྱིས་དྲན་པ་ལ་སྦྱོར་བ་སྟེ། ཡང་
D129.055.0204a05.01དག་པ་ཞེས་བྱ་བ་དེ་ནི་དམིགས་པ་མེད་པ་མཉམ་པ་ཉིད་སྒྲོ་བཏགས་པ་མེད་པའི་ཚིག་གོ། །དྲན་པ་ཞེས་བྱ་བ་དེ་ནི་ཕུང་པོ་དང་ཁམས་དང་སྐྱེ་མཆེད་རྗེས་སུ་དྲན་པའི་ཚིག་གོ། །སྟོང་པ་ཉིད་རྗེས་སུ་དྲན་པའི་ཚིག་དང་མཚན་མ་མེད་པ་དང་སྨོན་པ་མེད་པ་རྗེས་སུ་དྲན་པའི་ཚིག་དང་། དེ་ལྟར་དེ་བཞིན་
D129.055.0204a06.01གཤེགས་པའི་ཏིང་ངེ་འཛིན་ལྷུན་གྱིས་གྲུབ་པའི་རྗེས་སུ་དྲན་པའི་ཚིག་དེ་ནི་ཡང་དག་པའི་དྲན་པ་ཞེས་བྱའོ། །གང་གཟུགས་ལ་དབྱེར་མེད་པ་ཤེས་པ་ནི་མཉམ་པ་ཉིད་དང་ཏིང་ངེ་འཛིན་གྱི་ལས་ཡང་དག་པར་བསྒྲུབས་པ་སྟེ། གཟུགས་གང་དང་མཉམ་པ་ཚོར་བ་དང་འདུ་ཤེས་དང་འདུ་བྱེད་དང་
D129.055.0204a07.01