完整藏文原文 · 德格版页 当前仅加载第 44 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་མི་བལྟའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་འདི་ནི་དེའི་ཚེ་དེའི་དུས་ན་རྒྱལ་བུ་གཞོན་ནུ་ནོར་དཔལ་ཞེས་བྱ་བར་གྱུར་ཏོ། །རིགས་ཀྱི་བུ་དེ་ལྟར་སྔོན་བྱང་ཆུབ་སེམས་དཔའ་རྣམས་སེམས་ཅན་ཡོངས་སུ་སྨིན་པར་བྱ་བ་ལ་
D91.044.0251a01.01ཡོངས་སུ་མི་སྐྱོ་ཞིང་འདི་ལྟར་ཤིན་ཏུ་སྟོབས་དང་ལྡན་ཏེ་བརྩོན་འགྲུས་ཉེ་བར་སྟོན་ཏོ། །རིགས་ཀྱི་བུ་དེ་བས་ན་བྱང་ཆུབ་སེམས་དཔའ་སེམས་ཅན་ཡོངས་སུ་སྨིན་པར་བྱེད་འདོད་པས་ཅི་ནས་ཀྱང་བྱང་ཆུབ་སེམས་དཔའ་བརྩོན་འགྲུས་འབར་བ་ཞེས་བྱ་བ་དེ་ལྟར་བསླབ་པར་བྱའོ། །
D91.044.0251a02.01དེ་ཅིའི་ཕྱིར་ཞེ་ན། རིགས་ཀྱི་བུ་སེམས་ཅན་ཡོངས་སུ་སྨིན་པར་བྱེད་པ་ནི་བྱང་ཆུབ་སེམས་དཔའ་རྣམས་ཀྱི་ལས་ཡིན་ནོ། །རིགས་ཀྱི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ལས་ཡིན་ཏེ། སངས་རྒྱས་ཀྱི་ཆོས་ཐམས་ཅད་སྡུད་པར་
D91.044.0251a03.01འགྱུར་བའོ། །བཞི་གང་ཞེ་ན་འདི་ལྟ་སྟེ། བདུད་ཀྱི་ལས་ལས་ཤིན་ཏུ་འདའ་བ་བྱང་ཆུབ་སེམས་དཔའི་ལས་དང་། སངས་རྒྱས་ཀྱི་ཞིང་ཡོངས་སུ་སྦྱོང་བ་བྱང་ཆུབ་སེམས་དཔའི་ལས་དང་། ལུས་དང་ངག་དང་ཡིད་བརྒྱན་པ་བྱང་ཆུབ་སེམས་དཔའི་ལས་དང་། སངས་རྒྱས་ཀྱི་
D91.044.0251a04.01ཆོས་ཐམས་ཅད་ཡང་དག་པར་སྒྲུབ་པ་བྱང་ཆུབ་སེམས་དཔའི་ལས་ཏེ། རིགས་ཀྱི་བུ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ལས་ཡིན་ཏེ། སངས་རྒྱས་ཀྱི་ཆོས་ཐམས་ཅད་སྡུད་པར་འགྱུར་བའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་
D91.044.0251a05.01རྣམས་ཀྱི་བྱང་ཆུབ་སེམས་དཔའི་ལས་སངས་རྒྱས་ཀྱི་ཆོས་ཐམས་ཅད་ཡང་དག་པར་སྡུད་པར་འགྱུར་བ་བཞི་སྟེ། བཞི་གང་ཞེ་ན། བསམ་པ་ལ་འཇུག་པའི་ཡེ་ཤེས་དང་། དབང་པོ་ཡོངས་སུ་ཤེས་པའི་ཡེ་ཤེས་དང་། ནད་ཐམས་ཅད་ཞི་བར་བྱེད་པའི་སྨན་སྦྱིན་པའི་ཡེ་ཤེས་
D91.044.0251a06.01དང་། ཉོན་མོངས་པའི་ནད་ཐམས་ཅད་རབ་ཏུ་ཞི་བར་བྱེད་པ་མི་འཁྲུགས་པའི་ཡེ་ཤེས་ཏེ། རིགས་ཀྱི་བུ་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ལས་ཡིན་ཏེ། སངས་རྒྱས་ཀྱི་ཆོས་ཐམས་ཅད་ཡང་དག་པར་སྡུད་པར་འགྱུར་བའོ། །དེ་ནས་བྱང་ཆུབ་
D91.044.0251a07.01