完整藏文原文 · 德格版页 当前仅加载第 44 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུར་འགྱུར་རོ། །དེས་དོན་གྱི་དབང་འདི་མཐོང་བས་བསོད་ནམས་ཀྱི་ཚོགས་སོགས་པ་ལ་ཆོག་མི་ཤེས་པར་འགྱུར་རོ། །དེ་བསོད་ནམས་མ་ཡིན་པའི་འདུ་བྱེད་རྣམས་མངོན་པར་འདུ་མི་བྱ་བའི་ཕྱིར་ཇི་ལྟར་བདག་ལ་མི་དགེ་བའི་ཆོས་རྣམས་ཐམས་ཅད་ཀྱི་ཐམས་ཅད་དུ་བག་ཆགས་སུ་
D91.044.0229a01.01ཡང་མི་འགྱུར་བར་བྱའོ་སྙམ་ནས་བརྩོན་པར་བྱེད་དོ། །དེ་མི་གཡོ་བའི་འདུ་བྱེད་རྣམས་རབ་ཏུ་ཤེས་ནས་མི་གཡོ་བའི་སྙོམས་པར་འཇུག་པ་སྐྱེད་ཀྱང་ཏིང་ངེ་འཛིན་དེ་ལ་སྙིང་པོར་འདུ་ཤེས་པར་ཡང་མི་འགྱུར་ལ་ཏིང་ངེ་འཛིན་གྱི་དབང་གིས་ཀྱང་མི་སྐྱེ་སྟེ། བསོད་ནམས་ཀྱི་ཚོགས་བསགས་པ་དང་།
D91.044.0229a02.01སེམས་ཅན་ཡོངས་སུ་སྨིན་པར་བྱ་བའི་ཕྱིར་སྨོན་ལམ་གྱི་དབང་གིས་འདོད་པའི་ཁམས་སུ་ཡང་སྐྱེའོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ཐབས་མཁས་པ་ཆོས་རྣམས་ལ་ཆོས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་ལ་གནས་ཤིང་བྱང་ཆུབ་ཏུ་སྒྲུབ་པའི་ཆོས་གང་ཡིན་པ་དེ་
D91.044.0229a03.01དག་སྒོམ་ལ། བྱང་ཆུབ་ཀྱི་མི་འཐུན་པའི་ཕྱོགས་ཀྱི་ཆོས་གང་ཡིན་པ་དེ་དག་སྤོང་ཡང་དགེ་བའི་ཆོས་མངོན་པར་འདུ་བྱེད་པས་རྟག་པར་ལྟ་བར་ཡང་མི་ལྟུང་། མི་དགེ་བའི་ཆོས་སྤོང་ཡང་ཆད་པར་ལྟ་བར་ཡང་མི་ལྟུང་སྟེ། གང་ལ་ཆད་པ་མེད་ཅིང་རྟག་པ་མེད་པ་དེ་ནི་བྱང་ཆུབ་སེམས་དཔའི་རྟག་
D91.044.0229a04.01པ་དང་ཆད་པ་ཡོངས་སུ་སྤངས་པའི་དབུ་མའི་ལམ་མོ། །དེ་ཡང་གང་ཞེ་ན་འདི་ལྟ་སྟེ། གང་ཚུལ་བཞིན་མ་ཡིན་པར་ཡིད་ལ་བྱེད་པ་དང་། མ་རིག་པ་དེ་གཉི་ག་ཡང་མཐའ་སྟེ། གང་དེ་གཉིས་ཀྱི་དབུ་མ་དེ་ནི་བཏགས་པ་མེད་ཅིང་གདགས་པར་འགྱུར་བ་མ་ཡིན་ཏེ། འདི་ནི་ཆོས་རྣམས་ཀྱི་
D91.044.0229a05.01དབུ་མའི་ལམ་ཞེས་བྱའོ། །དེ་བཞིན་དུ་མ་རིག་པ་དང་མ་རིག་པ་མེད་པ་དང་། འདུ་བྱེད་རྣམས་དང་འདུ་བྱེད་མེད་པ་རྣམས་དང་། རྣམ་པར་ཤེས་པ་དང་རྣམ་པར་ཤེས་པ་མེད་པ་དང་། མིང་དང་གཟུགས་དང་མིང་དང་གཟུགས་མེད་པ་དང་། སྐྱེ་མཆེད་དྲུག་དང་སྐྱེ་མཆེད་དྲུག་མེད་པ་
D91.044.0229a06.01དང་། རེག་པ་དང་རེག་པ་མེད་པ་དང་། ཚོར་བ་དང་ཚོར་བ་མེད་པ་དང་། སྲེད་པ་དང་སྲེད་པ་མེད་པ་དང་། ལེན་པ་དང་ལེན་པ་མེད་པ་དང་། སྲིད་པ་དང་སྲིད་པ་མེད་པ་དང་། སྐྱེ་བ་དང་སྐྱེ་བ་མེད་པ་དང་། རྒ་ཤི་དང་རྒ་ཤི་མེད་པ་དང་། མྱ་ངན་དང་སྨྲེ་སྔགས་འདོན་པ་དང་། སྡུག་བསྔལ་
D91.044.0229a07.01