完整藏文原文 · 德格版页 当前仅加载第 44 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ།
D91.044.0248b01.01སངས་རྒྱས་བཅོམ་ལྡན་འདས་དྲི་མ་མེད་པར་སྣང་བ་ཞེས་བྱ་བ་འཇིག་རྟེན་དུ་བྱུང་ངོ་། །རིགས་ཀྱི་བུ་འཇིག་རྟེན་གྱི་ཁམས་ཞི་བ་དེ་ཡང་འབྱོར་པ། རྒྱས་པ། བདེ་བ། ལོ་ལེགས་པ། ཉམས་དགའ་བ། ལྷ་དང་མིས་རབ་ཏུ་གང་བར་གྱུར་ཏོ། །རིགས་ཀྱི་བུ་དེ་
D91.044.0248b02.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པར་སྣང་བ་དེའི་ཉན་ཐོས་ཀྱང་ཉན་ཐོས་ཆེན་པོ་བྱེ་བ་ཕྲག་དགུ་བཅུ་རྩ་དྲུག་འདུས་པར་གྱུར་ཏོ། །དེའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་བྱང་ཆུབ་སེམས་དཔའ་སེམས་དཔའ་ཆེན་
D91.044.0248b03.01པོ་བརྒྱད་ཁྲི་བཞི་སྟོང་འདུས་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པར་སྣང་བ་དང་། བྱང་ཆུབ་སེམས་དཔའ་དེ་དག་གི་ཚེའི་ཚད་ནི་ལོ་བརྒྱད་ཁྲི་བཞི་སྟོང་ཐུབ་པར་གྱུར་ཏོ། །རིགས་ཀྱི་བུ་དེའི་ཚེ་རྒྱལ་བུ་གཞོན་ནུ་ནོར་དཔལ་ཞེས་བྱ་བ་གཟུགས་
D91.044.0248b04.01བཟང་བ། མཛེས་པ། བལྟ་ན་སྡུག་པ། མདོག་བཟང་པོ་རྒྱས་པ། མཆོག་དང་ལྡན་པ་ཞིག་བྱུང་སྟེ། བཙས་ནས་ལོ་བཅུ་དྲུག་ལོན་པ་དང་། དེ་གཟུགས་བཟང་བ་དང་། ལོངས་སྤྱོད་དང་སྐྱིད་པས་དྲེགས་ཤིང་ང་རྒྱལ་སྐྱེས་ཏེ་རྒྱགས་ནས། བཅོམ་
D91.044.0248b05.01ལྡན་འདས་དེ་བཞིན་གཤེགས་པ་དྲི་མ་མེད་པར་སྣང་བ་དེའི་གན་དུ་མི་འགྲོ། སྟེན་པར་མི་བྱེད། སྙེན་པར་མི་བྱེད། རིམ་གྲོ་མི་བྱེད་དོ། །རིགས་ཀྱི་བུ་དེ་ནས་བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པར་སྣང་བ་དེ་འདི་སྙམ་དུ་དགོངས་ཏེ། མ་ལ་
D91.044.0248b06.01རྒྱལ་བུ་གཞོན་ནུ་ནོར་དཔལ་འདི་ནི་དགེ་བའི་རྩ་བ་ཡོངས་སུ་སྨིན་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་སྐལ་བ་ཡོད་ན་དེ་གཟུགས་དང་། ལོངས་སྤྱོད་དང་སྐྱིད་པས་རྒྱགས་དྲེགས་ཏེ། ང་རྒྱལ་གྱིས་དེ་བཞིན་
D91.044.0248b07.01