完整藏文原文 · 德格版页 当前仅加载第 44 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
བར་དུ་གཅོད་པ་མང་པོས་བགྲོད་ཅེས་བྱ་བ་དེ་ནི་བདུད་ཀྱི་ལས་འདུན་པ་ཟློག་པའི་བར་ཆད་ཀྱི་ཚིག་{བླ་དགས་,བླ་དྭགས་}སོ། །སྐྱེས་བུ་ཞེས་བྱ་བ་དེ་ནི་བྱང་ཆུབ་སེམས་དཔའི་ཚིག་{བླ་དགས་,བླ་དྭགས་}སོ། །རྐང་པ་ཡ་གཅིག་ནི་གྲོང་ཁྱེར་གྱི་སྒོའི་ཐེམ་པ་ལ་བཞག །རྐང་པ་ཡ་གཅིག་ནི་སྒོའི་ཕྱི་རོལ་དུ་བཞག་
D91.044.0242b01.01ཅེས་བྱ་བ་དེ་ནི་འདི་ལྟར་བྱང་ཆུབ་སེམས་དཔའི་འདུས་བྱས་དང་འདུས་མ་བྱས་དང་འདྲེས་པའི་སེམས་དང་སེམས་ལས་བྱུང་བ་རྣམས་འཇུག་པའོ། །བུ་གཅིག་པ་དྲན་ནས་གྲོང་ཁྱེར་ཆེན་པོ་དེར་ཞུགས་པ་ལས་ཕྱིར་ཕྱོགས་ཏེ་སླར་ལོག་ཅེས་བྱ་བ་དེ་ནི་འདི་ལྟར་བྱང་ཆུབ་སེམས་དཔའ་
D91.044.0242b02.01སེམས་ཅན་ཐམས་ཅད་ལ་བུ་གཅིག་པ་བཞིན་དུ་བྱམས་པ་ཉེ་བར་གནས་པར་འགྱུར་བའོ། །དེ་ཟག་པ་ཟད་པའི་སྤྱི་བོར་ཕྱིན་ཀྱང་ཟག་པ་ཡང་མི་སྤོང་ལ་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕྱིར་ཕྱོགས་ཤིང་ལྡོག་པར་ཡང་འགྱུར་ཏེ། རིགས་ཀྱི་བུ་བྱང་ཆུབ་སེམས་དཔའ་རྣམས་
D91.044.0242b03.01ཅི་འདྲ་བའི་ཐབས་མཁས་པས་སེམས་ཅན་རྣམས་ལ་ཆེར་སྙིང་རྗེ་བ་ལ་ལྟོས། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་གཙུག་ན་རིན་པོ་ཆེས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འདི་ལྟར་
D91.044.0242b04.01བྱང་ཆུབ་ལག་མཐིལ་དུ་ཐོབ་པ་ཡང་མི་འཚལ་བར་འཁོར་བ་ཉིད་ཀྱི་རྗེས་སུ་འཇུག་ཅིང་སེམས་ཅན་ཡོངས་སུ་སྨིན་པར་བགྱིད་པས་ཡོངས་སུ་མི་སྐྱོ་བ་ནི་ངོ་མཚར་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་དུ་ཞིག་དང་ལྡན་པ་འཁོར་བ་ན་ཡོངས་སུ་མི་སྐྱོ་བ་
D91.044.0242b05.01ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཉི་ཤུ་དང་ལྡན་ན་འཁོར་བ་ན་ཡོངས་སུ་མི་སྐྱོ་བ་ཡིན་ཏེ། ཆོས་ཉི་ཤུ་གང་ཞེ་ན་འདི་ལྟ་སྟེ། དགེ་བའི་རྩ་བས་ཡང་དག་པར་ཟིན་པའི་བྱམས་པ་ཆེན་པོ་དང་།
D91.044.0242b06.01བྱམས་པ་ཆེན་པོས་ཡང་དག་པར་ཟིན་པའི་སྙིང་རྗེ་ཆེན་པོ་དང་། སྙིང་རྗེ་ཆེན་པོས་ཡང་དག་པར་ཟིན་པའི་སེམས་ཅན་ཡོངས་སུ་སྨིན་པར་བྱེད་པ་དང་། སེམས་ཅན་ཡོངས་སུ་སྨིན་པར་བྱེད་པས་ཡང་དག་པར་ཟིན་པའི་བརྩོན་འགྲུས་དང་། བརྩོན་འགྲུས་ཀྱིས་ཡང་དག་པར་ཟིན་
D91.044.0242b07.01