完整藏文原文 · 德格版页 当前仅加载第 44 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་མྱ་ངན་ལས་འདས་པ་ཞེས་བྱ་བ་དེ་གཉི་ག་ཡང་མཐའ་སྟེ། རྣམ་པར་རིག་པ་མེད་པ་ནི་དབུ་མའི་ལམ་མོ། །རིགས་ཀྱི་བུ་དེ་ལྟར་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་དྲན་པ་ཉེ་བར་གཞག་པ་ལ་གནས་པའི་བྱང་ཆུབ་སེམས་དཔའ་དེ་ནི་ཆོས་ཀྱི་དབྱིངས་དབྱེར་མེད་པའི་
D91.044.0230a01.01ཕྱིར་དྲན་པ་ལ་གནས་ཏེ། དེ་ཆོས་ཐམས་ཅད་ཆོས་ཀྱི་དབྱིངས་སུ་འདུ་བར་རབ་ཏུ་ཤེས་སོ། །ཆོས་ཀྱི་དབྱིངས་གང་ཡིན་པ་དེ་ཉིད་སེམས་ཅན་གྱི་ཁམས་སོ། །དེ་ཆོས་ཀྱི་དབྱིངས་དབྱེར་མེད་པས་སེམས་ཅན་གྱི་ཁམས་དབྱེར་མེད་པར་ཁོང་དུ་ཆུད་དོ། །ཆོས་ཀྱི་དབྱིངས་གང་ཡིན་པ་དང་
D91.044.0230a02.01སེམས་ཅན་གྱི་ཁམས་གང་ཡིན་པ་དེ་གཉི་ག་ཡང་ནམ་མཁའི་དབྱིངས་དང་མཚུངས་པར་རབ་ཏུ་ཤེས་སོ། །དེས་ཆོས་ཐམས་ཅད་དབྱིངས་གཅིག་ཏུ་ཤེས་ནས་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས་ཀྱང་ཆོས་ལ་མངོན་པར་ཆགས་ཤིང་ལྟ་བར་ཡང་མི་འགྱུར་རོ། །དེ་ནམ་མཐོང་བ་དེ་ནི་
D91.044.0230a03.01ཆོས་རྣམས་ལ་ཐ་དད་དུ་མི་བྱེད་དོ། །དེས་ཆོས་རྣམས་མཐོང་ཡང་ཤའི་མིག་གིས་མཐོང་བ་མ་ཡིན། ལྷའི་མིག་གིས་མཐོང་བ་མ་ཡིན། ཤེས་རབ་ཀྱི་མིག་གིས་མཐོང་བ་མ་ཡིན་ནོ། །དེ་ཅིའི་ཕྱིར་ཞེ་ན། དེའི་མིག་མཚན་མར་འདུ་ཤེས་པ་མ་ཡིན་ཏེ། དེའི་ཕྱིར་དེ་ཤའི་མིག་གིས་
D91.044.0230a04.01མཐོང་བ་མ་ཡིན་ནོ། །དེའི་མིག་མངོན་པར་འདུ་བྱེད་པར་ལྷུང་བ་མ་ཡིན་ཏེ། དེའི་ཕྱིར་དེ་ལྷའི་མིག་གིས་མཐོང་བ་མ་ཡིན་ནོ། །དེའི་མིག་སྤྲོས་པ་ལ་སྤྱོད་པ་མ་ཡིན་ཏེ། དེའི་ཕྱིར་དེ་ཤེས་རབ་ཀྱི་མིག་གིས་མཐོང་བ་མ་ཡིན་ནོ། །ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས་པ་དེ་
D91.044.0230a05.01ཆོས་ཐམས་ཅད་ཇི་ལྟ་བ་བཞིན་དུ་མཐོང་ནས་ཆོས་གང་ལ་ཡང་མི་གནས་སོ། །དེས་ཆོས་ཐམས་ཅད་མི་གནས་པར་ཤེས་ནས་ཆོས་རྗེས་སུ་དྲན་པ་དེས་སྔོན་གྱི་སྨོན་ལམ་མི་གཏོང་བ་འདི་ནི་རིགས་ཀྱི་བུ་བྱང་ཆུབ་སེམས་དཔའི་ཆོས་རྣམས་ལ་ཆོས་ཀྱི་རྗེས་སུ་དྲན་པ་སངས་རྒྱས་ཀྱིས་གནང་བའོ། །
D91.044.0230a06.01གང་ཅུང་ཟད་ཆོས་ཟབ་མོ་ལ་སོ་སོར་རྟོག་ཀྱང་ཐམས་ཅད་མཁྱེན་པ་ཉིད་ཀྱི་བྱང་ཆུབ་ཀྱི་སེམས་རྗེས་སུ་དྲན་པ་དེ་ཡང་མི་འདོར་བ་འདི་ནི་རིགས་ཀྱི་བུ་བྱང་ཆུབ་སེམས་དཔའི་ཆོས་རྣམས་ལ་ཆོས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པའི་སྤྱོད་པ་ཡོངས་སུ་དག་པའོ། །དྲན་པ་ཉེ་བར་གཞག་
D91.044.0230a07.01