完整藏文原文 · 德格版页 当前仅加载第 44 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་བདེ་བ་ལ་མི་ཆགས་པ་དང་། དུས་དང་དུས་མ་ཡིན་པར་སྐུལ་བ་དང་། བསམ་པ་ཡོངས་སུ་ཤེས་པ་སྟེ། རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སེམས་ཅན་རྣམས་ཡོངས་སུ་སྨིན་པར་བྱེད་ནུས་སོ། །རིགས་
D91.044.0248a01.01ཀྱི་བུ་གཞན་ཡང་བྱང་ཆུབ་སེམས་དཔའ་ཆོས་བཞི་དང་ལྡན་ན་སེམས་ཅན་རྣམས་ཡོངས་སུ་སྨིན་པར་བྱེད་ནུས་ཏེ། བཞི་གང་ཞེ་ན། བཀའ་བློ་བདེ་བ་དང་། སྙན་པར་སྨྲ་བ་དང་། ངང་ཚུལ་གྱིས་འཇམ་པ་དང་། བཞིན་འཛུམ་ཞིང་ཁྲོ་གཉེར་མེད་པ་སྟེ། རིགས་
D91.044.0248a02.01ཀྱི་བུ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སེམས་ཅན་རྣམས་ཡོངས་སུ་སྨིན་པར་བྱེད་ནུས་སོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཆོས་བཞི་དང་ལྡན་ན་སེམས་ཅན་རྣམས་ཡོངས་སུ་སྨིན་པར་བྱེད་ནུས་ཏེ། བཞི་གང་ཞེ་ན། ཁོང་ཁྲོ་བ་
D91.044.0248a03.01མེད་པའི་སེམས་དང་། སྙིང་རྗེ་ཆེན་པོའི་སེམས་དང་། ཕན་པའི་དངོས་པོའི་སེམས་དང་། བདག་ཤིན་ཏུ་དུལ་བའི་སེམས་ཏེ། རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སེམས་ཅན་རྣམས་ཡོངས་སུ་སྨིན་པར་བྱེད་ནུས་སོ། །རིགས་ཀྱི་
D91.044.0248a04.01བུ་གཞན་ཡང་བྱང་ཆུབ་སེམས་དཔའ་ཆོས་བཞི་དང་ལྡན་ན་སེམས་ཅན་རྣམས་ཡོངས་སུ་སྨིན་པར་བྱེད་ནུས་ཏེ། བཞི་གང་ཞེ་ན། བསམ་པ་དག་པ་དང་། གཡོ་མེད་ཅིང་སྒྱུ་དང་བྲལ་བ་དང་། བརྩོན་འགྲུས་བརྟན་པ་དང་། ལེགས་པར་བྱས་པ་དང་ཉེས་པར་
D91.044.0248a05.01བྱས་པ་བཟོད་པ་སྟེ། རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སེམས་ཅན་རྣམས་ཡོངས་སུ་སྨིན་པར་བྱེད་ནུས་སོ། །རིགས་ཀྱི་བུ་ཁྱོད་ཀྱིས་རྣམ་གྲངས་འདིས་ཀྱང་འདི་ལྟར། གང་བྱང་ཆུབ་སེམས་དཔའ་ཡོངས་སུ་མི་སྐྱོ་བས་སེམས་ཅན་
D91.044.0248a06.01རྣམས་ཡོངས་སུ་སྨིན་པར་བྱེད་ནུས་པར་རིག་པར་བྱའོ། །རིགས་ཀྱི་བུ་སྔོན་བྱུང་བ་འདས་པའི་དུས་བསྐལ་པ་གྲངས་མེད་པ་བས་ཀྱང་ཆེས་གྲངས་མེད་པ་ཡངས་པ་ཚད་མེད་པ། བསམ་གྱིས་མི་ཁྱབ་པར་གྱུར་པ་དེའི་ཚེ་དེའི་དུས་ན་བསྐལ་པ་དགའ་བྱེད་ལ་འཇིག་རྟེན་གྱི་ཁམས་
D91.044.0248a07.01