完整藏文原文 · 德格版页 当前仅加载第 43 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཉི་མའི་སྙིང་པོ་ཡིན་ཏེ། འོད་སྲུང་སངས་རྒྱས་ཀྱི་ཞིང་དེ་སེམས་ཅན་དག་པ་དགེ་བའི་རྩ་བ་བསྐྱེད་པ་རྣམས་ཀྱི་གནས་སུ་གྱུར་ཅིང་ཇི་ཙམ་དུ་མཛེས་པར་གྱུར་པ་ལ་ལྟོས། དེ་སྐད་ཅེས་བཀའ་སྩལ་པ་དང་། བཅོམ་
D67.043.0102b01.01ལྡན་འདས་ལ་གནས་བརྟན་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་མེ་ཏོག་སྣ་ཚོགས་དེའི་སྐུ་ཚེའི་ཚད་ཡུན་ཇི་སྲིད་ཅིག་ཏུ་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་དེ་བཞིན་གཤེགས་པ་དགྲ་
D67.043.0102b02.01བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་སྣ་ཚོགས་དེ་ནི་བསྐལ་པ་བརྒྱད་ཀྱི་བར་དུ་བཞུགས་པར་གྱུར་ཏོ། །འོད་སྲུང་དེ་བཞིན་གཤེགས་པ་མེ་ཏོག་སྣ་ཚོགས་དེ་ཡོངས་སུ་མྱ་ངན་ལས་འདས་ནས་དམ་པའི་ཆོས་ནི་བསྐལ་པ་གཅིག་གི་བར་དུ་གནས་པར་
D67.043.0102b03.01གྱུར་ཏོ། །དེའི་སྐུ་གདུང་རྣམས་ཀྱང་རྒྱས་པར་གྱུར་ཅིང་དེ་དག་ལྷ་རྣམས་ཁོ་ནས་མཆོད་པར་གྱུར་ཏེ། དེ་ན་མི་ཁྱིམ་པར་གནས་པ་ནི་འགའ་ཡང་མེད་དོ། །འོད་སྲུང་དེ་ན་དགེ་སློང་ཆོས་དང་། ཆོས་བཟང་གཉིས་བྱ་བ་ཉུང་བ་དང་། བདག་གི་དོན་ལ་སྦྱོར་བའི་རྗེས་སུ་
D67.043.0102b04.01བརྩོན་པར་གནས་ཤིང་བཅོམ་ལྡན་འདས་དེའི་སྐུ་གདུང་རྣམས་ལ་ཡང་མཆོད་པ་མི་བྱེད། རི་མོར་མི་བྱེད་ལ། དེ་བཞིན་གཤེགས་པ་དེའི་མཆོད་རྟེན་གྱི་དྲུང་དུ་ཡང་མི་འགྲོའོ། །འོད་སྲུང་དེ་ནས་ལྷ་འབུམ་ཕྲག་རབ་ཏུ་མང་པོ་དང་། དགེ་སློང་ལས་དང་པོ་པ་གང་
D67.043.0102b05.01དག་ཡིན་པ་དེ་དག་དགེ་སློང་ཆོས་དང་། ཆོས་བཟང་གཉིས་ལ་འདི་གཉིས་ནི་དེ་བཞིན་གཤེགས་པའི་སྐུ་གདུང་རྣམས་ལ་མཆོད་པ་ཡང་མི་བྱེད། དེ་བཞིན་གཤེགས་པའི་མཆོད་རྟེན་བསྐོར་བར་ཡང་མི་བྱེད་པ་ལས་ན་མ་དད་པ་དང་མ་གུས་པ་ཡིན་ནོ་ཞེས་ཁ་ཟེར་བར་
D67.043.0102b06.01གྱུར་ཏོ། །འོད་སྲུང་དེ་ནས་དགེ་སློང་ཆོས་དང་། ཆོས་བཟང་གཉིས་ཀྱིས་དགེ་སློང་དང་། ལྷ་འབུམ་ཕྲག་རབ་ཏུ་མང་པོ་འདུས་པར་གྱུར་པའི་དགེ་སློང་གི་འཁོར་དང་། ལྷའི་འཁོར་མང་པོ་དེ་དག་ལ་སྨྲས་པ། གྲོགས་པོ་དག་འདི་ཇི་སྙམ་དུ་སེམས། ཇི་ལྟར་ན་དེ་
D67.043.0102b07.01