完整藏文原文 · 德格版页 当前仅加载第 43 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ། །ཀུན་གྱིས་དགོན་པར་རབ་དགོན་དུ། །བླ་མེད་བྱང་ཆུབ་བརྙེས་པར་གྱུར། །དེ་ཕྱིར་སངས་རྒྱས་རྣམས་ཀྱིས་ནི། །བསྟེན་པའི་དགོན་པ་དེ་སློབས་ལ། །ཁྱིམ་གནས་སྲེད་པ་སྤོང་བྱོས་དང་། །དེས་ནི་བདེ་ལེགས་ཉིད་དུ་འགྱུར། །
D67.043.0100a01.01གང་ཞིག་ཁྱིམ་ན་གནས་ནས་ནི། །སྟོང་གསུམ་ཐམས་ཅད་རིན་ཆེན་གྱིས། །རབ་ཏུ་བཀང་སྟེ་འཇིག་རྟེན་གྱི། །མགོན་ལ་ཡོན་དུ་འབུལ་བྱེད་ལ། །མཁས་པ་གང་ཞིག་ཡིད་བྱུང་ཞིང་། །ཉེས་པ་ཤེས་ནས་ཁྱིམ་སྤངས་ཏེ། །སངས་རྒྱས་རྗེས་སུ་སློབ་བྱེད་ལ། །རབ་ཏུ་འབྱུང་བ་ཚོལ་བྱེད་ཅིང་། །
D67.043.0100a02.01རབ་ཏུ་འབྱུང་བ་བཙལ་ནས་ཀྱང་། །གཡེལ་བ་མེད་པས་འདོད་རྣམས་དང་། །ཁྱིམ་གྱི་གནས་ལ་མི་ལྟ་བར། །གོམ་པ་བདུན་ནི་འདོར་བྱེད་ན། །བསོད་ནམས་ཕུང་པོ་དེ་ལ་ནི། །སྔ་མས་རིན་གྱི་ཆར་མི་ཆོག །དེ་ཕྱིར་སངས་
D67.043.0100a03.01རྒྱས་བསྔགས་པ་ཡི། །རབ་ཏུ་འབྱུང་ཕྱིར་མྱུར་དུ་དེང་། །གང་ལ་ཆགས་པ་ཡོད་མིན་པའི། །ཤེས་པས་རྟག་ཏུ་ངོམས་མེད་ན། །ཆགས་པ་ཀུན་ལས་རྣམ་འདས་པའི། །སངས་རྒྱས་དམ་པ་ཉིད་འཐོབ་འགྱུར། །མྱུར་དུ་དགོན་པར་གནས་བྱེད་ན། །འདོད་
D67.043.0100a04.01པའི་སྲེད་པ་སྤོང་འགྱུར་ཏེ། །ཉེས་པ་ཇི་བཞིན་རྣམ་རིག་ནས། །དེ་དག་ལས་ནི་སེམས་ལྡོག་འགྱུར། །ཁྱིམ་ནི་མྱུར་དུ་སྤངས་ནས་སུ། །དགོན་པ་ལ་ནི་གནས་གྱུར་པ། །མཁས་པ་ཡང་དག་མཐོང་བ་རྣམས། །སངས་རྒྱས་རྣམས་ཀྱི་རྗེས་སུ་སློབ། །
D67.043.0100a05.01གང་དག་བྱང་ཆུབ་ཕྱིར་བརྩོན་པ། །དེ་དག་དབེན་པ་སྟེན་བྱེད་ཅིང་། །དེ་དག་དགོན་པར་དགའ་འགྱུར་ཞིང་། །དེ་དག་ཁྱིམ་ལ་དགའ་མི་འགྱུར། །དེ་ནི་སངས་རྒྱས་རྣམ་དག་གི །སྤྱོད་ཡུལ་གནས་དང་སྤྱོད་པ་སྟེ། །གང་ཞིག་ལམ་འདིར་འཇུག་འགྱུར་བ། །
D67.043.0100a06.01དེ་ལ་བྱང་ཆུབ་རྙེད་དཀའ་མིན། །ཆགས་ལ་སོགས་པས་གཟིར་བ་ཡི། །སེམས་ཅན་གྲོལ་བྱེད་སུ་འདོད་པ། །དེ་ནི་ཁྱིམ་ན་གནས་པ་ཡིས། །སྐྲག་ཅིང་དགོན་པ་ཀུན་ཏུ་བསྟེན། །གང་ཞིག་བདུད་ལས་རྒྱལ་བ་དང་། །འཆི་མེད་གོ་འཕང་རྟོགས་པ་དང་། །འཁོར་ལོ་
D67.043.0100a07.01