完整藏文原文 · 德格版页 当前仅加载第 43 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་བས་ཀྱང་གང་དག་གོས་ངུར་སྨྲིག་དག་བགོས་ཏེ། ལེགས་པར་གསུངས་པའི་ཆོས་འདུལ་བ་ལ་དད་པས་ཁྱིམ་ནས་ཁྱིམ་མེད་པར་ལེགས་པ་ཁོ་ནར་རབ་ཏུ་འབྱུང་བར་བྱེད་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་
D67.043.0085a01.01ཆེ་བ་ཡིན་ནོ། །དེ་བས་ཀྱང་གང་དག་དེ་ལྟར་རབ་ཏུ་བྱུང་ནས་གདམས་ངག་ལ་ནན་ཏན་གྱིས་མཛེས་པར་བྱེད་པ་དང་། བསླབ་པའི་གཞི་ཇི་ལྟར་བཅས་པ་དག་ལ་སློབ་པར་བྱེད་པ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་བས་ཀྱང་གང་དག་འདུ་འཛིའི་གཏམ་ལ་འཇིགས་པར་
D67.043.0085a02.01ལྟ་ཞིང་དབེན་པ་འདོད་པས་དགོན་པ་ལ་མངོན་པར་ཕྱོགས་ཏེ་གོམ་པ་བདུན་འདོར་བར་བྱེད་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་བས་ཀྱང་གང་དག་ཆོས་ཐམས་ཅད་སྟོང་པའོ། །ཞེས་མོས་པར་བྱེད་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་
D67.043.0085a03.01བ་ཡིན་ནོ། །དེ་བས་ཀྱང་གང་དག་ཆོས་ཟབ་མོ་རྣམས་ལ་རྗེས་སུ་འཐུན་པའི་བཟོད་པ་ཐོབ་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་བས་ཀྱང་གང་དག་རྣམ་པར་ཐར་པའི་སྒོ་གསུམ་པོ་དག་མངོན་སུམ་དུ་བྱས་ནས་རྒྱུན་ཏུ་ཞུགས་པའི་འབྲས་བུ་རྗེས་སུ་ཐོབ་པར་བྱེད་པ་ནས།
D67.043.0085a04.01དགྲ་བཅོམ་པ་ཉིད་ཀྱི་བར་དུ་རྗེས་སུ་ཐོབ་པར་བྱེད་པ་དེ་དག་ཆེས་ཤིན་ཏུ་དཀའ་བ་བྱེད་པ་དང་། ངོ་མཚར་ཆེ་བ་ཡིན་ནོ། །དེ་ཅིའི་ཕྱིར་ཞེ་ན། བྱམས་པ་འདི་ལྟ་སྟེ། འཕགས་པའི་ཆོས་འདུལ་བ་ལ་དད་ཅིང་དང་བ་དང་། རབ་ཏུ་བྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་དང་།
D67.043.0085a05.01འབྲས་བུ་འཐོབ་པ་དེ་ནི་ཤིན་ཏུ་དཀའ་བ་ཡིན་པའི་ཕྱིར་རོ། །བྱམས་པ་དེ་ལ་ཡང་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་ནུབ་པར་འགྱུར་བའི་དུས་ལ་བབ་པའི་ཚེ་ན་བྱང་ཆུབ་སེམས་དཔའི་ཐེག་པ་པ་ལེགས་པར་གསུངས་པའི་ཆོས་འདུལ་བ་འདི་ལ་རབ་ཏུ་བྱུང་ནས་བྱང་ཆུབ་སེམས་དཔའི་
D67.043.0085a06.01ལས་སྤངས་ཏེ་བྱིས་པའི་ལས་ལ་རབ་ཏུ་གནས་པ་ཁ་ཅིག་འབྱུང་བར་འགྱུར་ཏེ། བྱམས་པ་དེ་ལ་བྱང་ཆུབ་སེམས་དཔའ་རྣམས་ཀྱི་ལས་གང་ཞེ་ན། ཉི་ཤུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལས་ཡིན་ཏེ། དེ་དག་ཡོངས་སུ་མ་རྫོགས་ན་བྱང་ཆུབ་སེམས་དཔའ་བྱང་ཆུབ་ཀྱི་སྙིང་པོར་འགྲོ་
D67.043.0085a07.01