完整藏文原文 · 德格版页 当前仅加载第 43 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིད་པ་དང་། བཅོམ་ལྡན་འདས་བདག་ནི་ཆོས་གོས་དང་བསོད་སྙོམས་ཀྱི་སླད་དུ་ཚུལ་འཆོས་པར་མི་བགྱིད་ཀྱི། བདག་ནི་ཚུལ་འཆོས་པ་མ་མཆིས་པ་དང་། འཕགས་པའི་རིགས་བཞིས་ཆོ་ག་ཤེས་པར་བགྱིད་པ་དང་། བཅོམ་ལྡན་འདས་བདག་ནི་བྱིས་པའི་སྤྱོད་པ་ལ་
D67.043.0088a01.01སློབ་པར་མི་བགྱིད་ཀྱི། བདག་ནི་སངས་རྒྱས་ཀྱི་སྤྱོད་པ་ལ་སློབ་པར་བགྱིད་པ་དང་། བཅོམ་ལྡན་འདས་བདག་ནི་གཞན་དག་གིས་བགྱིས་པ་དང་། མ་བགྱིས་པ་དག་ལ་སོ་སོར་རྟོག་པར་མི་བགྱིད་ཀྱི། བདག་ནི་བདག་ཉིད་དུལ་བ་དང་། ཞི་བར་སྦྱོར་བའི་རྗེས་སུ་བརྩོན་པས་གནས་པར་
D67.043.0088a02.01བགྱིད་པ་དང་། བཅོམ་ལྡན་འདས་བདག་ནི་ལྟུང་བ་འགའ་ཡང་གླེང་བར་མི་བགྱིད་ཀྱི། བདག་ནི་ངག་གི་ལས་ཀྱི་མཐའ་སྡོམ་པར་བགྱིད་པ་དང་། བཅོམ་ལྡན་འདས་བདག་ནི་བསླབ་པ་ཐག་རིང་དུ་མི་བགྱིད་ཀྱི། བདག་ནི་སོ་སོར་ཐར་པ་ལ་སློབ་པར་བགྱིད་པ་དང་། བཅོམ་ལྡན་འདས་བདག་
D67.043.0088a03.01ནི་སངས་རྒྱས་དང་། ཆོས་དང་། དགེ་འདུན་གྱི་བསྔགས་པས་འཚོ་བར་སེམས་པར་མི་བགྱིད་ཀྱི། བདག་ནི་སངས་རྒྱས་ཀྱི་བསྔགས་པ་རྗོད་ཅིང་དེ་ལ་དགའ་བའི་སེམས་སྐྱེད་པར་བགྱིད་པ་དང་། བདག་ནི་ཆོས་ཀྱི་བསྔགས་པ་རྗོད་ཅིང་ཆོས་ཀྱི་རྗེས་སུ་འཐུན་པའི་ཆོས་སྒྲུབ་པ་ལ་གནས་པར་
D67.043.0088a04.01བགྱིད་པ་དང་། བདག་ནི་དགེ་འདུན་གྱི་བསྔགས་པ་རྗོད་ཅིང་ཕྱིར་མི་ལྡོག་པའི་དགེ་འདུན་ལ་རྟེན་པར་བགྱིད་པ་དང་། བཅོམ་ལྡན་འདས་བདག་ནི་གཞན་གྱིས་མཐོང་བ་བསྐྱེད་པའི་སླད་དུ་ཚུལ་འཆོས་པས་མཆི་མ་འབྱིན་པར་མི་བགྱིད་ཀྱི། བདག་ནི་ཆོས་ཀྱི་ཤུགས་ཀྱིས་མཆི་མ་འབྱིན་པར་བགྱིད་པ་
D67.043.0088a05.01དང་། བཅོམ་ལྡན་འདས་བདག་ནི་བགྱི་བ་སྣ་ཚོགས་ཀྱི་འདུ་འཛིས་སྦགས་ཏེ་གནས་པར་མི་བགྱིད་ཀྱི། བདག་ནི་ཆོས་ཡོངས་སུ་ཚོལ་བ་ལ་མངོན་པར་བརྩོན་པར་བགྱིད་པ་དང་། བཅོམ་ལྡན་འདས་བདག་ནི་འཇིག་རྟེན་པའི་བགྱི་བ་ལ་དགའ་བར་མི་བགྱིད་ཀྱི། བདག་ནི་འཇིག་རྟེན་ལས་
D67.043.0088a06.01འདས་པའི་ཆོས་ཡོངས་སུ་ཚོལ་བ་ལ་དགའ་བར་བགྱིད་པ་དང་། བཅོམ་ལྡན་འདས་བདག་ནི་སོག་འཇོག་གི་ཟས་དང་ལྡན་པར་མི་བགྱིད་ཀྱི། བདག་ནི་ཚུལ་འཆོས་པ་མ་མཆིས་པར་ཀུན་དུ་སྤྱོད་པར་བགྱིད་པ་དང་། བཅོམ་ལྡན་འདས་བདག་ནི་གནས་དང་ཡུལ་གཅིག་ཡོངས་སུ་འཛིན་པར་མི་བགྱིད་
D67.043.0088a07.01