完整藏文原文 · 德格版页 当前仅加载第 43 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི། བདག་ནི་{རི་དགས་,རི་དྭགས་}ལྟར་ཀུན་དུ་རྒྱུ་བར་བགྱིད་པ་དང་། བཅོམ་ལྡན་འདས་བདག་ནི་བསོད་སྙོམས་ལ་སྦྱོར་བའི་རྗེས་སུ་བརྩོན་པར་མི་བགྱིད་ཀྱི། བདག་ནི་སངས་རྒྱས་ཀྱི་ཡོན་ཏན་ཡོངས་སུ་ཚོལ་བ་ལ་བརྩོན་པར་བགྱིད་པ་དང་། བཅོམ་ལྡན་འདས་བདག་ནི་རྨུགས་པ་དང་། གཉིད་ཀྱིས་
D67.043.0088b01.01ཉལ་བར་མི་བགྱིད་ཀྱི། བདག་ནི་ནམ་གྱི་ཆ་སྟོད་དང་། ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་བགྱིད་པ་དང་། བཅོམ་ལྡན་འདས་བདག་ནི་འདུ་འཛིའི་སྤྱོད་པ་ལ་བརྩོན་པར་མི་བགྱིད་ཀྱི། བདག་ནི་དབེན་པ་ལ་དགའ་བར་བགྱིད་པ་དང་། བཅོམ་ལྡན་འདས་བདག་ནི་ཡོན་
D67.043.0088b02.01ཏན་ཅུང་ཟད་ཙམ་གྱིས་ཆོག་ཤེས་པར་མི་བགྱིད་ཀྱི། བདག་ནི་ཡོན་ཏན་ཡོངས་སུ་ཚོལ་བས་ངོམས་མི་འཚལ་བར་བགྱིད་པ་དང་། བཅོམ་ལྡན་འདས་བདག་ནི་ཁྱིའི་ཆོས་རྣམས་ལ་ཀུན་ཏུ་སྤྱོད་པར་མི་བགྱིད་ཀྱི། བདག་ནི་སེང་གེའི་སྒྲ་སྒྲོགས་པར་བགྱིད་པ་དང་། བཅོམ་ལྡན་འདས་
D67.043.0088b03.01བདག་ནི་ཅུང་ཟད་བཤེས་པ་དང་ལྡན་པར་མི་བགྱིད་ཀྱི། བདག་ནི་མཛའ་བཤེས་ཤིན་ཏུ་བརྟན་པར་བགྱིད་པ་དང་། བཅོམ་ལྡན་འདས་བདག་ནི་བགྱིས་པ་མི་གཟོ་བར་མི་བགྱིད་ཀྱི། བདག་ནི་བགྱིས་པ་གཟོ་བ་དང་། བགྱིས་པ་ཚོར་བར་བགྱིད་པ་དང་། བཅོམ་ལྡན་འདས་བདག་ནི་སྦྱིན་པའི་
D67.043.0088b04.01ལན་གྱིས་མཛའ་བཤེས་སུ་མི་བགྱིད་ཀྱི། བདག་ནི་ལྷག་པའི་བསམ་པས་མཛའ་བཤེས་སུ་བགྱིད་པ་དང་། བཅོམ་ལྡན་འདས་བདག་ནི་ལྷག་པའི་བསམ་པ་བཅོས་མར་མི་བགྱིད་ཀྱི། བདག་ནི་ལྷག་པའི་བསམ་པ་བརྟན་པར་བགྱིད་པ་དང་། བཅོམ་ལྡན་འདས་བདག་ནི་དམན་པ་ལ་མོས་པར་
D67.043.0088b05.01མི་བགྱིད་ཀྱི། བདག་ནི་སངས་རྒྱས་ཀྱི་སྐུ་ཡོངས་སུ་སྒྲུབ་པ་ལྷུར་བླང་བ་རྒྱ་ཆེན་པོ་ལ་མོས་པར་བགྱིད་པ་དང་། བཅོམ་ལྡན་འདས་བདག་ནི་དེ་བཞིན་གཤེགས་པ་ལ་གུས་པ་མ་མཆིས་པ་དང་། བསླབ་པ་ལ་གུས་པ་མ་མཆིས་པར་མི་བགྱིད་ཀྱི། བདག་ནི་དེ་བཞིན་གཤེགས་པ་ལ་གུས་པ་
D67.043.0088b06.01དང་བཅས་པ་དང་། བསླབ་པ་ལ་གུས་པ་དང་བཅས་པར་བགྱིད་པ་དང་། བཅོམ་ལྡན་འདས་བདག་ནི་སེམས་ཀྱང་གཞན་ལ། སྨྲ་བ་ཡང་གཞན་པའི་ལྕེ་གཉིས་སུ་མི་བགྱིད་ཀྱི། བདག་ནི་ཇི་སྐད་སྨྲས་པ་དེ་བཞིན་དུ་བགྱིད་པ་དང་། བཅོམ་ལྡན་འདས་བདག་ནི་ཚུལ་འཆོས་པའི་བྱང་ཆུབ་
D67.043.0088b07.01