完整藏文原文 · 德格版页 当前仅加载第 43 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
ཟས་ཀྱི་བྱ་བ་མཛད་པ་ལགས་ནས་ལྷུང་བཟེད་བཞག་སྟེ། ཕྱག་བཅབས་ནས་རྒྱལ་པོ་མུ་ཁྱུད་དང་། སྐྱེ་བོ་ཕལ་པོ་ཆེ་དེ་དག་ལ་ཆོས་ཀྱི་གཏམ་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་
D67.043.0099b01.01རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །འོད་སྲུང་དེ་ནས་ཁྱེའུ་ཆོས་དང་། ཆོས་བཟང་གཉིས་ཀྱིས་ཕ་མ་ལ་གསོལ་བ་བཏབ་ནས་དད་པས་ཁྱིམ་ནས་ཁྱིམ་མེད་པར་ལེགས་པ་ཁོ་ནར་རབ་ཏུ་འབྱུང་བའི་ཕྱིར་མངོན་པར་བྱུང་ངོ་། །
D67.043.0099b02.01དེ་གཉིས་རང་གི་གྲོང་ཁྱེར་ཆེན་པོ་ནས་མངོན་པར་འབྱུང་བའི་ཚེ་ཚིགས་སུ་བཅད་པ་འདི་དག་སྨྲས་སོ། །རབ་འབྱུང་སངས་རྒྱས་རྣམས་ཀྱིས་བསྔགས། །ངེས་འབྱུང་དེ་བཞིན་གཤེགས་པས་བསྔགས། །ཁྱིམ་གནས་ཉོན་མོངས་གནས་པ་སྟེ། །དཀར་
D67.043.0099b03.01ཆོས་རྣམ་པར་འཇིག་པར་བྱེད། །གང་ཞིག་དཀར་པོའི་ཆོས་རྣམས་ནི། །ཉམས་པར་མི་འགྱུར་འཕེལ་འདོད་པ། །རབ་ཏུ་འབྱུང་བར་བྱ་བའི་ཕྱིར། །འཇིག་རྟེན་མགོན་ཐང་མྱུར་དུ་སོང་། །བསྐལ་པ་བྱེ་བར་རབ་སྤྱད་ཀྱང་། །འདོད་པ་རྣམས་ལ་ངོམས་པ་
D67.043.0099b04.01མེད། །ཁྱིམ་ན་གནས་པ་འདོད་རྣམས་ཀྱིས། །མི་ངོམས་བཞིན་དུ་འཆི་བར་འགྱུར། །ཇི་ལྟར་རྒྱ་མཚོ་ཆུ་ཀླུང་རྣམས། །འབབ་པས་ངོམས་པར་མི་འགྱུར་བ། །དེ་བཞིན་བྱིས་པ་འདོད་རྣམས་ལ། །བསྟེན་པས་ནམས་ཀྱང་ངོམས་མི་འགྱུར། །དཔེར་ན་མེ་ནི་
D67.043.0099b05.01རྩྭ་དག་དང་། །ཤིང་གིས་ནམས་ཀྱང་ངོམས་པ་མེད། །དེ་བཞིན་བྱིས་པ་འདོད་རྣམས་ལ། །བསྟེན་པས་ངོམས་པར་འགྱུར་བ་མེད། །འཇིག་རྟེན་རྣམ་པར་འདྲེན་རྣམས་ཀྱིས། །འདོད་པ་འདི་དག་ཆགས་པར་གསུངས། །དེ་ཕྱིར་ཆགས་པ་ཡོངས་སྤངས་
D67.043.0099b06.01ཏེ། །རབ་ཏུ་འབྱུང་ཕྱིར་མངོན་བྱུང་ཤིག །འཇིག་རྟེན་མགོན་པོ་བླ་ན་མེད། །སྔ་མ་འགའ་ཡང་གང་གི་ཕྱིར། །ཁྱིམ་གྱི་གནས་ན་གནས་མཛད་ནས། །བླ་མེད་བྱང་ཆུབ་བརྙེས་པ་མེད། །སྔོན་གྱི་སངས་རྒྱས་འཇིག་རྟེན་མགོན། །གང་སུ་མྱ་ངན་འདས་
D67.043.0099b07.01