完整藏文原文 · 德格版页 当前仅加载第 40 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་དེ་བཞིན་གཤེགས་པ་ཟླ་བའི་སྒྲོན་མའི་རྒྱལ་པོས་ཡང་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཇི་ལྟར་ཁྱེད་གནས་པ་མེད་པས་གནས་མེད་པ་ལ་གནས་ནས་ཆོས་ཐམས་ཅད་ཀྱི་ཚུལ་རྣམ་པར་གཞག་པའི་
D51.040.0127b01.01ཐབས་མཁས་པ་ལ་གནས་པ་དེ་བཞིན་དུ་རིགས་ཀྱི་བུ་ཆོས་ཐམས་ཅད་ཀྱང་དེ་བཞིན་ཏེ། དེ་བཞིན་གཤེགས་པ་འཇིག་རྟེན་པའི་རྗེས་སུ་འཐུན་པར་མཛད་པའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་བརྙེས་པར་སྟོན་པར་མཛད་དོ། །
D51.040.0127b02.01གལ་ཏེ་དེ་བཞིན་གཤེགས་པ་འཇིག་རྟེན་པའི་རྗེས་སུ་འཐུན་པར་མི་མཛད་ན་དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་མངོན་དུ་མཛད་པ་ཡང་མི་སྟོན་ཏོ། །རིགས་ཀྱི་བུ་ཆོས་རྣམས་ལ་ནི་གནས་མེད་དོ། །གནས་མེད་པ་
D51.040.0127b03.01ཡང་མ་ཡིན་ནོ། །གནས་དང་གནས་མེད་པ་ཞེས་བྱ་བ་གང་ཡིན་པ་དེ་དག་ཐམས་ཅད་ནི་འཇིག་རྟེན་པའི་རྗེས་སུ་འབྲང་བའོ། །འཇིག་རྟེན་པའི་རྗེས་སུ་འབྲང་བ་གང་ཡིན་པ་དེ་ལ་ནི་ཆོས་འགའ་ཙམ་ཡང་སྐྱེ་བར་བྱ་བ་འམ། ཁོང་དུ་ཆུད་པར་བྱ་བ་མེད་པས་དེའི་ཕྱིར་རིགས་ཀྱི་བུ་
D51.040.0127b04.01ནན་ཏན་བརྩོན་འགྲུས་བསྐྱེད་ནས་མྱུར་དུ་ཆོས་རྣམས་ལས་རྣམ་པར་གྲོལ་བ་འཐོབ་པར་བྱའོ། །བྱང་ཆུབ་སེམས་དཔའ་དེ་གཉིས་དེ་བཞིན་གཤེགས་པ་དེ་ལས་ཆོས་དེ་ལྟ་བུ་ཐོས་པ་དང་། ནམ་མཁའ་ལ་འཕགས་ནས་ཚིགས་སུ་བཅད་དེ་དེ་བཞིན་གཤེགས་པ་ལ་མངོན་པར་
D51.040.0127b05.01བསྟོད་པ། །ཆོས་ཀྱི་རྒྱལ་པོ་བསམ་མི་ཁྱབ། །ངོ་མཚར་ཆོས་ནི་རབ་ཏུ་བརྙེས། །ཐམས་ཅད་མཁྱེན་པ་རྐང་གཉིས་གཙོ། །སངས་རྒྱས་ཆོས་ནི་བླ་ན་མེད། །ཆོས་ཉིད་བླ་ན་མ་མཆིས་སླད། །དེ་བཞིན་གཤེགས་དང་མཚུངས་མ་མཆིས། །ཆོས་རྣམས་སྐྱེ་བ་མ་མཆིས་པས། །
D51.040.0127b06.01དེང་བདག་བཟོད་པ་འདི་ཐོབ་ལགས། །བདག་ནི་རྟག་ཏུ་སྐྱེ་བ་དང་། །སྐྱེ་བ་མ་མཆིས་རྟོག་མི་བགྱིད། །དེ་བཞིན་རྣམ་མི་རྟོག་ལ་ཡང་། །ཐམས་ཅད་བསམ་པར་མི་བགྱིད་དོ། །ཆོས་རྒྱལ་ཐུབ་པ་ཆེན་པོ་སྟེ། །ཡོན་ཏན་ཚིག་དང་རྟོག་སྤངས་པ། །རྣམ་པར་དག་པའི་ཆོས་
D51.040.0127b07.01