完整藏文原文 · 德格版页 当前仅加载第 40 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
{བཅྭ་,བཅོ་}བརྒྱད་དག །དེ་བཞིན་གཤེགས་ལ་མངའ་བས་ན། །འཇིག་རྟེན་རྣམས་ནི་གསལ་མཛད་ཅིང་། །མུ་སྟེགས་རྣམས་ནི་ཕམ་པར་མཛད། །ཆོས་རྣམས་ཐམས་ཅད་རབ་མཁྱེན་པས། །དེ་སླད་མཐའ་མེད་མཆོག་ཅེས་བགྱི། །ཉམས་པ་མི་མངའི་འདྲེན་པ་ལ། །བདག་ནི་ཐེ་
D51.040.0071a01.01ཚོམ་ཞུ་བ་ལགས། །དྲི་མེད་མཁྱེན་པ་མཐའ་མེད་པ། །མཁྱེན་པ་མི་གཡོ་རྒྱ་མཚོ་བཞིན། །མཁྱེན་པ་ཡུལ་ལ་ཐོགས་མི་མངའ། །བདག་ནི་ཐེ་ཚོམ་ཞུ་བ་ལགས། །བཅོམ་ལྡན་ལེགས་པར་བསྒོམས་པས་ན། །ལམ་ལ་ཐེ་ཚོམ་ཡོང་མི་མངའ། །བདེར་གནས་འདྲེན་པ་ཆེན་པོ་ལ། །བདག་ནི་ཐེ་ཚོམ་
D51.040.0071a02.01ཞུ་བ་ལགས། །ཆུ་བོ་དག་ནི་རབ་རྒལ་ཅིང་། །མཚམས་སྦྱོར་འཆིང་བ་ཡོངས་བཅད་པ། །གདུག་པའི་ཟུག་རྔུ་འབྱིན་པ་ལ། །བདག་ནི་ཐེ་ཚོམ་ཞུ་བ་ལགས། །མ་རིག་སྒོ་ངའི་སྦུབས་བཅོམ་ཞིང་། །ཉོན་མོངས་གདུང་བ་ཉེར་ཞི་བ། །ཤིན་ཏུ་བསིལ་ལ་རབ་གནས་ལ། །བདག་ནི་ཐེ་ཚོམ་ཞུ་བ་ལགས། །
D51.040.0071a03.01འཇིགས་མེད་ཡེ་ཤེས་བླ་མེད་དང་། །ཡེ་ཤེས་ཆགས་དང་ཐོགས་མེད་པ། །ཆོས་ཀྱི་རྒྱ་མཚོའི་མཁྱེན་པ་རྣམས། །དེ་བཞིན་གཤེགས་པས་མངོན་སུམ་བརྙེས། །སངས་རྒྱས་ཡོན་ཏན་ཚད་མེད་པས། །མངོན་སུམ་མཁྱེན་པ་ཡོངས་སུ་རྫོགས། །ཟག་པ་ཐམས་ཅད་ཟད་གྱུར་ཅིང་། །ཉོན་མོངས་ལྟ་བ་རབ་
D51.040.0071a04.01བཅོམ་པ། །བཅོམ་ལྡན་ཡོན་ཏན་ཚད་མེད་པ། །མང་པོ་དག་ནི་རབ་ཏུ་བསགས། །བསམ་གྱིས་མི་ཁྱབ་ཆོས་རྗེ་ལ། །བདག་ནི་ཐེ་ཚོམ་ཞུ་བ་ལགས། །བཅོམ་ལྡན་མཆོག་གི་མཁྱེན་པ་ཡིས། །འཇིག་རྟེན་ཀུན་ནི་གསལ་བར་མཛད། །ཆོས་ཀྱི་སྣང་བ་སྟོན་མཛད་པས། །ཡོན་ཏན་རྒྱ་མཚོ་མཐའ་
D51.040.0071a05.01མི་མངའ། །འདྲེན་པའི་ཆོས་ཀྱི་འོད་ཟེར་གྱིས། །འཇིག་རྟེན་ཀུན་ཏུ་གསལ་བར་མཛད། །དེ་སླད་འཇིག་རྟེན་སངས་རྒྱས་ཀྱི། །ཆོས་ཀྱི་འོད་ཟེར་སྣང་བ་ལགས། །ཆོས་ཀྱི་རྒྱ་མཚོ་ཐམས་ཅད་མཁྱེན། །སྤོབས་པ་དག་ནི་བླ་ན་མེད། །བརྩོན་འགྲུས་བསམ་གྱིས་མི་ཁྱབ་ཅིང་། །རྣམ་དག་ལྟ་བ་རབ་སྤངས་པ། །
D51.040.0071a06.01སངས་རྒྱས་སྤྱན་ནི་མཐའ་མེད་པས། །མཁྱེན་པའི་ཡུལ་ལ་མཐའ་མི་མངའ། །འཇིག་རྟེན་མཚུངས་མེད་གཙོ་བོ་ལ། །བདག་ནི་ཐེ་ཚོམ་ཞུ་བ་ལགས། །ཆོས་རྒྱལ་ཐུབ་པ་ཆེན་པོ་ཡིས། །སེམས་ཅན་ཐེ་ཚོམ་གཅོད་པར་མཛད། །འདྲེན་པ་ལ་ནི་བདག་ཞུ་ན། །མོས་པ་ཇི་བཞིན་བཀས་བཤད་
D51.040.0071a07.01