完整藏文原文 · 德格版页 当前仅加载第 40 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། །ཆོས་རྣམས་ཐམས་ཅད་མཐར་ཕྱིན་པ། །བཅོམ་ལྡན་འདས་ཀྱིས་བཀས་བཤད་གསོལ། །ཇི་ལྟར་བྱང་ཆུབ་སེམས་དཔའ་རྣམས། །ཆོས་ཀྱི་སྣང་བ་ཐོབ་གྱུར་ནས། །གོ་ཆ་ཆེན་པོ་མི་སྤོང་ཞིང་། །དེ་ཡི་དབང་གིས་གཞོལ་འགྱུར་ལགས། །ཇི་ལྟར་བྱང་ཆུབ་
D51.040.0075a01.01སེམས་དཔའ་རྣམས། །ཐེག་ཆེན་འདི་ལ་འཚལ་ནས་ནི། །བརྩོན་འགྲུས་ལྡོག་པར་མི་འགྱུར་ཞིང་། །དེ་ཡི་དབང་གིས་གཞོལ་འགྱུར་ལགས། །ཇི་ལྟར་བྱང་ཆུབ་སེམས་དཔའ་རྣམས། །བསམ་པ་དག་ནི་རབ་བརྟན་ཞིང་། །འདི་ལྟར་ཤེས་རབ་སྟོབས་དག་གིས། །ཤིན་ཏུ་
D51.040.0075a02.01འདུལ་བ་ཐོབ་འགྱུར་ལགས། །ཇི་ལྟར་ཆོས་ཀྱི་དབྱིངས་རྣམས་ཀྱི། །ཚུལ་ལ་མཁས་པས་ཐོབ་པར་འགྱུར། །ཆོས་ཀྱི་རྒྱལ་པོ་བསམ་མི་ཁྱབ། །བཅོམ་ལྡན་འདས་ཀྱིས་བཀས་བཤད་གསོལ། །ཇི་ལྟར་མྱུར་བ་ཁོ་ནར་ནི། །བྱང་ཆུབ་སྙིང་པོར་བགྲོད་གྱུར་ནས། །སུ་ཡང་སྐོར་བར་མི་འགྱུར་
D51.040.0075a03.01བ། །ཚངས་པའི་འཁོར་ལོ་སྐོར་འགྱུར་ལགས། །ཇི་ལྟར་གཡོ་བ་མ་མཆིས་པར། །སྔོན་གྱི་སྨོན་ལམ་ཇི་ལྟ་བཞིན། །སེམས་ཅན་ཐམས་ཅད་ཀུན་ལ་ནི། །ཆོས་རྣམས་ཡང་དག་སྟོན་འགྱུར་ལགས། །ཆོས་རྣམས་ཡང་དག་བསྟན་པས་ན། །འཁོར་བ་ལས་ནི་གྲོལ་འགྱུར་ལགས། །ཇི་ལྟར་བགྱིས་ན་སེམས་ཅན་
D51.040.0075a04.01རྣམས། །གཏན་དུ་བདེ་བ་འཐོབ་འགྱུར་ལགས། །སེམས་ཅན་རྣམས་ལ་སྨན་སླད་དུ། །འཇིག་རྟེན་འདྲེན་ལ་བདག་ཞུ་ན། །ཐམས་ཅད་མཁྱེན་ཅིང་གཟིགས་པ་པོའི། །ཐུགས་རྗེས་བདག་ལ་བཀས་བཤད་གསོལ། །ཆོས་ནི་གང་དང་གང་དག་གིས། །བྱང་ཆུབ་སེམས་དཔའ་སྨིན་བགྱིད་པ། །
D51.040.0075a05.01ཆོས་ཀྱི་རྒྱ་མཚོ་ཐམས་ཅད་ཀྱིས། །ཏིང་འཛིན་ཕྱག་རྒྱ་མཛད་དུ་གསོལ། །སངས་རྒྱས་ཆོས་ལ་རབ་མོས་ཤིང་། །བྱང་ཆུབ་ཆེ་ལ་གང་ལྟ་བ། །ཆོས་ཀྱི་སྒྲ་འདི་ཐོས་གྱུར་ན། །ལུས་ཀུན་ཁྱབ་པར་དགའ་བར་འགྱུར། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་
D51.040.0075a06.01བློ་གྲོས་མཐའ་ཡས་ལ་བཀའ་སྩལ་པ། བློ་གྲོས་མཐའ་ཡས་ཁྱོད་ཀྱིས་སྔོན་སངས་རྒྱས་ཚད་མེད་པ་རྣམས་ལ་མཆོད་ཅིང་རིམ་གྲོ་བྱས་པ་དང་། དགེ་བའི་རྩ་བ་རྣམས་བསྐྱེད་ཅིང་ཡོན་ཏན་གཞལ་དུ་མེད་པ་བསགས་པས་ན་ཆོས་ཟབ་མོ་འདི་ལ་རབ་ཏུ་གདུང་བས་མོས་པར་གྱུར་པ་དང་། བསམ་པ་རྒྱ་ཆེན་པོས་
D51.040.0075a07.01