完整藏文原文 · 德格版页 当前仅加载第 40 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་བྱང་ཆུབ་སེམས་དཔའ་རྣམས། །ཐེག་པ་འདི་ལ་གཞོལ་བྱེད་ན། །དྲང་པོར་འགྲོ་ཞིང་གཞན་སྤྱོད་མེད། །ལུས་དང་སེམས་ནི་ངལ་མི་འགྱུར། །འཇིག་རྟེན་རྣམས་ནི་གསལ་བྱེད་པས། །ལྷ་མི་ལྷ་མ་ཡིན་རྣམས་ཀྱི། །ཐེག་ཆེན་བླ་མེད་འདི་ལ་ནི། །སེམས་བསྐྱེད་རབ་
D51.040.0084b01.01ཏུ་གཞོལ་བར་བྱ། །རང་སངས་རྒྱས་དང་ཉན་ཐོས་ཀྱི། །ཐེག་པ་ཟིལ་གནོན་གང་འདོད་པ། །ཐེག་ཆེན་བླ་མེད་འདི་ལ་ནི། །སེམས་བསྐྱེད་རབ་ཏུ་གཞོལ་བར་བྱ། །འགྲོ་བ་མེད་ཅིང་འོང་བ་མེད། །གནས་པ་མེད་ཅིང་སྔོན་མཐའ་མེད། །ཕྱི་དང་དབུས་ཀྱི་མཐའ་ཡང་མེད། །ཐོབ་
D51.040.0084b02.01མེད་མཐོང་བ་མེད་པས་ན། །དུས་གསུམ་དག་ནི་མཉམ་པ་ཉིད། །ཇི་ལྟར་ནམ་མཁའ་དག་པ་ལྟར། །ཐེག་པ་འདི་ཡང་དེ་བཞིན་ཏེ། །ཉོན་མོངས་དག་ནི་རབ་ཏུ་སྤངས། །ཐེག་པ་འདི་ནི་ལྟོས་པ་མེད། །སྒྲིབ་མེད་ཐོགས་པ་མེད་པས་ན། །ཐམས་ཅད་ཡོངས་སུ་སྐྱོབ་པར་ནུས། །
D51.040.0084b03.01གཞོལ་བར་བྱེད་ཀྱང་མངོན་ཞེན་མེད། །ཐེག་པ་འདི་ནི་ཚད་མེད་པས། །མཚན་མ་ཐམས་ཅད་ཡོད་མ་ཡིན། །རང་བཞིན་དག་ནི་མི་དམིགས་པར། །འཇིགས་མེད་བསམ་གྱིས་མི་ཁྱབ་ཡིན། །གང་ཞིག་ཐེག་པ་འདི་ཞོན་ནས། །འཇིགས་པ་མེད་པ་ཐོབ་པས་ནི། །དེ་ཡིས་
D51.040.0084b04.01སངས་རྒྱས་ཆོས་དག་ལ། །སྒྲིབ་མེད་ཐོགས་པ་མེད་པར་འགྱུར། །ཐེག་པ་འདི་ལ་གང་ཞོན་པ། །འཇིག་རྟེན་ཀུན་ནི་སྣང་བྱེད་པར། །ཉི་མའི་འོད་ཟེར་བརྒྱ་སྟོང་ལྟར། །ཐམས་ཅད་དུ་ནི་གསལ་བར་བྱེད། །ཐེག་པ་འདི་ནི་མི་འཇིགས་ཤིང་། །ཟིལ་གྱིས་གནོན་པ་མེད་པས་
D51.040.0084b05.01ན། །ཡོན་ཏན་ཚོགས་ནི་དཔག་མེད་ལྡན། །བླ་མེད་འདི་ལ་གཞོལ་བར་བྱ། །ཐེག་པ་འདི་ནི་འཇིག་རྟེན་འདས། །ཁམས་དང་ལས་ནི་ངེས་པར་འབྱུང་། །མུན་ནག་དག་ནི་རབ་ཏུ་སྤངས། །ཟག་པ་མེད་ལ་གཞོལ་བར་བྱེད། །ཐེག་འདི་བྱང་ཆུབ་སེམས་དཔའ་རྣམས། །འབའ་ཞིག་
D51.040.0084b06.01ཡོངས་སུ་འཛིན་པས་ན། །དེ་ལས་གཞན་པའི་སེམས་ཅན་རྣམས། །དེར་ནི་ཤོང་བར་མི་འགྱུར་རོ། །བློ་དང་ལྡན་པ་གང་ཞིག་གིས། །བསྐལ་པ་སྟོང་ཕྲག་ཚད་མེད་དུ། །ཐབས་མཁས་ནན་ཏན་སྒྲུབ་བྱེད་པ། །དེས་གདོད་ཐེག་པ་འདི་བཞོན་འགྱུར། །ཉན་ཐོས་ཀྱི་ནི་ཚོགས་རྣམས་དང་། །
D51.040.0084b07.01