完整藏文原文 · 德格版页 当前仅加载第 40 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཙན་དན་སྤོས་ཀྱི་འོད་ཟེར་ཞེས་བྱ་བ་འཇིག་རྟེན་དུ་བྱུང་སྟེ། བསྐལ་པའི་མིང་ནི་གློག་གི་འོད་ཅེས་བྱའོ། །འཇིག་རྟེན་གྱི་ཁམས་ནི་རབ་ཏུ་སྣང་བ་ཞེས་བྱ་སྟེ། དེའི་ཚེ་
D51.040.0106a01.01ཞིང་དེས་གཞི་ལག་མཐིལ་ལྟར་མཉམ་ཞིང་མི་གཙང་བ་རྣམ་པ་སྣ་ཚོགས་དང་། གྱོ་མོ་དང་། གསེག་མ་དང་། ཚེར་མ་དང་། སྡོང་དུམ་ལ་སོགས་པ་མེད་དེ་གསེར་དང་། དངུལ་གྱི་བྱེ་མ་གཅལ་དུ་བཀྲམ་པས་འཇིག་རྟེན་གྱི་ཁམས་དེ་གང་གིས་མཐོང་བ་རབ་ཏུ་དགའ་བར་
D51.040.0106a02.01གྱུར་ཏོ། །དེའི་ཚེ་གླིང་བཞི་པོ་རྣམས་ཡངས་ཤིང་རྒྱ་ཆེ་བས་ཐམས་ཅད་ཀྱང་དཔག་ཚད་འབུམ་ཕྲག་གཉིས་གཉིས་ཀྱིས་འཁོར་བར་གྱུར་ཏེ། གླིང་རེ་རེ་ན་ཡང་གྲོང་ཁྱེར་ཆེན་པོ་བཞི་ཁྲི་བརྒྱད་སྟོང་ཡོད་དེ། །གྲོང་ཁྱེར་རེ་རེའི་ཚད་ཀྱང་ཞེང་དུ་དཔག་ཚད་བཅུ་དང་། སྲིད་དུ་
D51.040.0106a03.01དཔག་ཚད་བཅུ་གཉིས་ཡོད་དེ། ཐ་མའི་ར་བ་ཡང་ཤིན་ཏུ་མཐོ་ཞིང་བཀོད་པ་དང་ལྡན་པར་གྱུར་ཏོ། །གྲོང་ཁྱེར་རེ་རེ་ན་ཡང་མི་བྱེ་བ་ཕྲག་བརྒྱད་བརྒྱད་གནས་ཏེ། དེ་ཡང་གྲོང་རྡལ་ཁྲི་དང་། སྐྱེད་མོས་ཚལ་སྟོང་གིས་བསྐོར་ནས་རབ་ཏུ་བརྒྱན་པར་གྱུར་ཏོ། །གཞན་ཡང་ཞིང་
D51.040.0106a04.01ཁམས་དེ་ན་མེ་ཏོག་གི་ལྗོན་ཤིང་དང་། འབྲས་བུའི་ལྗོན་ཤིང་དང་། སྤོས་ཀྱི་ལྗོན་ཤིང་དང་། གོས་ཀྱི་ལྗོན་ཤིང་དང་། རོ་མཆོག་ཏུ་གྱུར་པའི་ལྗོན་ཤིང་དང་། རྡོ་རྗེའི་ལྗོན་ཤིང་རྣམ་པ་སྣ་ཚོགས་ཀྱི་བཀོད་པ་དང་། རྫིང་དང་། རྫིང་བུ་དང་། ཆུ་མིག་དང་། འབབ་ཆུ་རྣམས་
D51.040.0106a05.01ཀྱང་གཡས་གཡོན་གྱི་འགྲམ་དྲང་ཞིང་མཛེས་པ་དང་། ཡོན་ཏན་བརྒྱད་དང་ལྡན་པའི་ཆུས་རབ་ཏུ་གང་བ་དང་། དེ་ན་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་ཁ་དོག་སྣ་ཚོགས་ཀྱི་འོད་དང་ལྡན་པས་ཀུན་ཏུ་ཁྱབ་པར་གྱུར་ཏོ། །དེ་བཞིན་གཤེགས་
D51.040.0106a06.01པ་ཙན་དན་སྤོས་ཀྱི་འོད་ཟེར་དེའི་སྐུའི་ཚེའི་ཚད་ནི་ལོ་བྱེ་བ་ཁྲག་ཁྲིག་ཕྲག་དྲུག་ཅུ་རྩ་བརྒྱད་ཐུབ་པར་གྱུར་ཏོ། །ཉན་ཐོས་ཀྱི་འཁོར་ནི་བྱེ་བ་ཁྲག་ཁྲིག་ཕྲག་དྲུག་ཅུ་མངའ་བར་གྱུར་ཏོ། །དེའི་ཚེ་མི་རྣམས་བྱད་བཞིན་སྡུག་ཅིང་མཛེས་པ་དང་། རབ་ཏུ་བདེ་བ་དང་ལྡན་པ་དང་། འདོད་
D51.040.0106a07.01