完整藏文原文 · 德格版页 当前仅加载第 40 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་གྱིས་མ་བརླབས་ན། །གོ་ཆ་ཆེན་པོ་འདི་བགོས་པ། །འདེག་པའི་འོས་སུ་མི་འགྱུར་རོ། །སངས་རྒྱས་བྱང་ཆུབ་སེམས་དཔའ་རྣམས། །རྫུ་འཕྲུལ་སྟོབས་ཀྱིས་བྱིན་བརླབས་པ། །སེམས་ཅན་དང་ནི་ས་ཆེན་པོ། །བརྟེན་འདེག་འོས་སུ་གྱུར་པ་ཡིན། །གོ་ཆ་ཆེན་པོ་གང་བགོས་
D51.040.0097b01.01པ། །སེམས་ཅན་འཚེ་བ་མི་བྱེད་པས། །གོ་ཆ་དག་ནི་གོང་ན་མེད། །ཐེག་པ་དག་གིས་གཞོལ་བར་བྱ། །གོ་ཆ་ཆེན་པོ་གང་བགོས་པ། །སེམས་ཅན་གནོད་པ་མི་བྱེད་པས། །གོ་ཆ་དག་ནི་བསམ་མི་ཁྱབ། །ཐེག་པ་དག་གིས་གཞོལ་བར་བྱ། །གོ་ཆ་ཆེན་པོ་གང་བགོས་པ། །
D51.040.0097b02.01སེམས་ཅན་དག་ལ་འཁོན་མི་འཛིན། །སེམས་ཅན་ནད་ནི་བསལ་བའི་ཕྱིར། །ཐེག་པ་དག་གིས་གཞོལ་བར་བྱ། །ལམ་མཆོག་དག་ནི་ཕུན་ཚོགས་པ། །བླ་མེད་མཆོག་ཏུ་སྦྱོང་བས་ན། །མི་འཚེ་འཁོན་འཛིན་མེད་པ་དང་། །གནོད་མི་བྱེད་པ་ཡང་དག་གནས། །ཤེས་རབ་ཆེན་
D51.040.0097b03.01པོའི་གོ་བགོས་ཏེ། །ཤེས་རབ་བསྔོ་བའི་ཐེག་ཞོན་པ། །གོ་ཆ་འཛིན་པར་མི་འགྱུར་བས། །བསྔོ་བའི་ནང་ན་མཆོག་ཏུ་འགྱུར། །བྱང་ཆུབ་སེམས་དཔའ་སྐྱབས་བྱེད་པས། །ཤེས་རབ་སྣང་བ་ལ་གནས་ཏེ། །ཤེས་རབ་ཆོས་རྣམས་རབ་བརྟགས་ནས། །བླ་ན་མེད་པར་གཞོལ་བར་
D51.040.0097b04.01འགྱུར། །བྱང་ཆུབ་སེམས་དཔའ་ལམ་མཆོག་དང་། །གོ་ཆ་དང་ནི་ཐེག་ཆེན་དག །ཤེས་རབ་འོད་ལས་བྱུང་བས་ན། །དེ་ཕྱིར་སེམས་ནི་རྣམ་པར་དག །ཕ་རོལ་ཕྱིན་ལ་རབ་ཞོན་ནས། །བྱང་ཆུབ་ཆེན་པོར་བགྲོད་བྱེད་ཅིང་། །ཤེས་རབ་ཡོངས་སྡུད་ཤེས་རབ་གཙང་། །ཤེས་
D51.040.0097b05.01རབ་དག་ནི་སྔོན་དུ་འགྲོ། །ཕ་རོལ་ཕྱིན་པ་ཐམས་ཅད་ཀྱི། །ཤེས་རབ་འདི་ནི་སྔོན་དུ་འགྲོ། །ཤེས་རབ་ཡོངས་སྡུད་ཤེས་རབ་གཙང་། །བླ་མེད་ཡེ་ཤེས་ལེན་པར་བྱེད། །བྱང་ཆུབ་སེམས་དཔའ་བསམ་མི་ཁྱབ། །ཤེས་རབ་སྣང་བ་སྐྱེད་བྱེད་ཅིང་། །ཤེས་རབ་སྒྲོན་ཆེན་
D51.040.0097b06.01སྦར་བྱེད་པས། །བདེ་བར་རབ་ཏུ་གཞོལ་བར་འགྱུར། །ཤེས་རབ་སྣང་བ་བསྐྱེད་པའི་ཕྱིར། །དེས་ན་ཤེས་རབ་མིག་ཀྱང་འབྱེད། །སངས་རྒྱས་བླ་མེད་ཡེ་ཤེས་དག །གསལ་མཐོང་རབ་ཏུ་གཞོལ་བར་འགྱུར། །བྱང་ཆུབ་སེམས་དཔའ་དཔའ་བོ་དག །གོ་ཆ་དཔག་ཏུ་
D51.040.0097b07.01