完整藏文原文 · 德格版页 当前仅加载第 34 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པ་དང་། ཞལ་ཤོལ་བ་མེད་པ་དང་། སྐུ་ལུས་ཀྱི་བྱ་བ་བྱེད་པ་མེད་དོ། །བསམ་གཏན་གྱི་བདེ་བ་དང་། ལམ་གྱི་བདེ་བ་དང་། འབྲས་བུའི་བདེ་བ་ཉིད་ཀྱིས་ཉིན་མཚན་འདའོ། །གཞན་ཡང་དེའི་འོ་ཐུག་གསོལ་ནས་གསེར་གྱི་སྡེར་མ་ཕྱག་ཏུ་བཞེས་ཏེ། གལ་ཏེ་བདག་ནི་དེ་རིང་
D32.034.0232b01.01སངས་རྒྱས་སུ་འགྱུར་ནུས་ན་སྡེར་མ་འདི་ཆུའི་སྟེང་དུ་གྱེན་དུ་འགྲོ་བར་གྱུར་ཅིག །མ་ཡིན་ན་ཐུར་ལ་འགྲོ་བར་གྱུར་ཅིག་ཅེས་ཆུ་ལ་དོར་རོ། །དེས་ཆུའི་རྒྱུན་གྱི་རླབས་ཆུ་ཀླུང་གི་དབུས་སུ་སོང་ནས་དབུས་དབུས་ཀྱི་གནས་ཉིད་དུ་རྟ་མགྱོགས་པོར་འགྲོ་བ་བཞིན་དུ། ཁྲུ་བརྒྱད་ཅུའི་ཚད་ཙམ་གྱི་སྟེང་དུ་
D32.034.0232b02.01སོང་ཞིང་། ཆུ་ལན་ཅིག་འཁྱིལ་བས་བྱིང་ནས་ཀླུའི་རྒྱལ་པོ་ནག་པོའི་གནས་སུ་སོང་ངོ་། །དེ་ནས་སངས་རྒྱས་གསུམ་པོ་རྣམས་ཀྱིས་བཤོས་གསོལ་བའི་གསེར་གྱི་སྡེར་མ་ཆེན་པོ་སིལ་སིལ་ཞེས་སྒྲ་སྒྲོགས་པར་བྱེད་ཅིང་ཕྱོགས་གཅིག་ཏུ་དེ་རྣམས་ཐམས་ཅད་ཀྱི་འོག་ཏུ་གྱུར་ནས་གནས་སོ། །ཀླུའི་རྒྱལ་
D32.034.0232b03.01པོ་ནག་པོས་དེའི་སྒྲ་ཐོས་ནས་ཁ་སང་སངས་རྒྱས་གཅིག་ཐོབ་པར་གྱུར་ཅིང་། སླར་ཡང་དེ་རིང་སངས་རྒྱས་ཉིད་ཐོབ་པར་གྱུར་ནས་མང་པོས་བསྟོད་པར་བྱེད་པར་གྱུར་ཏོ། །བྱང་ཆུབ་སེམས་དཔས་ནི་ཆུ་ཀླུང་གི་འགྲམ་ཤིང་སཱ་ལའི་ཚལ་དུ་ཉིན་མོ་བཞུགས་ནས་སྲོད་ཀྱི་དུས་སུ་མེ་ཏོག་ཀུ་མུ་ད་ཁ་འབྱེ་བའི་དུས་
D32.034.0232b04.01ལ་ལྷ་རྣམས་ཀྱིས་བརྒྱན་པར་བྱས་ནས། ཞེང་ལ་གླང་གི་སྐད་བརྒྱད་ཀྱིས་ཐོས་པའི་ཚད་དུ་ལམ་བྱེད་པ་ལ་སེང་གེ་བཞིན་དུ་སྒྲ་བསྒྲགས་ནས། བྱང་ཆུབ་ཀྱི་ཤིང་ལ་སྔུན་པར་ཕྱོགས་པས་བཞུད་དོ། །ཀླུ་དང་གནོད་སྦྱིན་དང་འདབ་{བཟངས་,བཟང་}ལ་སོགས་པ་རྣམས་ཀྱིས་ལྷའི་སྤོས་དང་མེ་ཏོག་ལ་སོགས་པ་དང་།
D32.034.0232b05.01ལྷའི་གླུ་དབྱངས་ལ་སོགས་པས་མཆོད་དོ། །སྟོང་ཕྲག་བཅུའི་འཇིག་རྟེན་གྱི་ཁམས་རྣམས་དྲི་བཟང་པོར་གྱུར་ཅིང་མེ་ཏོག་གི་ཕྲེང་བར་གྱུར་ནས་ཐམས་ཅད་ལེགས་སོ་ཞེས་བརྗོད་པར་གྱུར་ཏོ། །དེའི་ཚེ་རྩྭ་འཚོང་བཀྲ་ཤིས་ཞེས་བྱ་བས་རྩྭ་བླངས་ནས་ལམ་གྱི་སྔོན་དུ་འོངས་ཏེ་སྐྱེས་བུ་ཆེན་པོའི་རྣམ་འགྱུར་རྟོགས་
D32.034.0232b06.01ནས་རྩྭ་སྤར་མོ་བརྒྱད་ཕུལ་ལོ། །བྱང་ཆུབ་སེམས་དཔས་རྩྭ་བླངས་ནས་བྱང་ཆུབ་ཀྱི་སྙིང་པོ་དང་ཉེ་བར་གཤེགས་ཏེ་ལྷོ་ཕྱོགས་ཀྱི་ཆར་ཞལ་བྱང་དུ་མངོན་པར་ཕྱོགས་པས་འཁོད་དོ། །དེ་མ་ཐག་པར་ལྷོ་ཕྱོགས་ཀྱི་ཁོར་ཡུག་གིས་བྱིང་ནས་འགྲོ་བ་ནི་འོག་མནར་མེད་པའི་བར་དུ་གྱུར་པ་བཞིན་ནོ། །ལྷོ་
D32.034.0232b07.01