完整藏文原文 · 德格版页 当前仅加载第 34 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
བཟུང་ནས་ཐོག་མ་དང་ཐ་མའི་བར་བསམ་པར་བྱའོ། །ཐོག་མ་དང་ཐ་མ་ནས་བཟུང་ནས་དབུས་ཀྱི་བར་བལྟ་བར་བྱའོ། །ལུས་ཡོངས་སུ་གཏོང་བ་ནི་ཕ་རོལ་ཏུ་ཕྱིན་པ་ཞེས་བྱ་བའོ། །ཕྱིའི་ལོངས་སྤྱོད་ཡོངས་སུ་གཏོང་བ་ནི་ཉེ་བའི་ཕ་རོལ་ཏུ་ཕྱིན་པ་ཞེས་བྱ་བའོ། །སྲོག་ཡོངས་སུ་གཏོང་བ་ནི་
D32.034.0200b01.01དོན་དམ་པའི་ཕ་རོལ་ཏུ་ཕྱིན་པ་ཞེས་བྱ་བའོ། །ཕ་རོལ་ཏུ་ཕྱིན་པ་བཅུ་པོ་དང་། ཉེ་བའི་ཕ་རོལ་ཏུ་ཕྱིན་པ་བཅུ་པོ་དང་། དོན་དམ་པའི་ཕ་རོལ་ཏུ་ཕྱིན་པ་བཅུ་པོའོ། །མེའི་སྟེངས་སུ་འབྲུ་མར་བསྐོལ་བ་བཞིན་དུ་ཁོར་ཡུག་གི་ནང་དུ་རྒྱ་མཚོ་ཆེན་པོ་རི་བོ་མཆོག་རབ་ཀྱིས་བསྲུབ་པ་བཞིན་དུ་དྲན་
D32.034.0200b02.01པར་བྱ་སྟེ། དེའི་ཕ་རོལ་ཏུ་ཕྱིན་པ་བཅུ་དྲན་པར་བྱས་ནས་ཆོས་ཀྱི་གཟིས་འབུམ་ཕྲག་གཉིས་དང་སྟོང་ཕྲག་བཞི་བཅུ་ལྷག་པའི་ས་ཆེན་པོ་འདིའི་སྟུགས་ལ་གླང་པོ་ཆེས་རྐང་པས་གནོན་ཅིང་སྨྱུག་མ་འཆག་པ་བཞིན་དུའོ། །བུར་ཤིང་གི་འཁྲུལ་འཁོར་བཞིན་དུ་བཙིར་བ་དང་སྒྲ་ཆེན་པོ་སྒྲོགས་པ་
D32.034.0200b03.01བཞིན་དུ་ཡང་དག་པར་སྒྲོགས་སོ། །རབ་ཏུ་གཡོས་སོ། །ཡང་དག་པར་རབ་ཏུ་གཡོས་ཏེ་རྫ་མཁན་གྱི་འཁོར་ལོ་བཞིན་ནོ། །འབྲུ་མར་གྱི་འཁྲུལ་འཁོར་བཞིན་དུ་ཡོངས་སུ་བསྐོར་རོ། །དེའི་ཕྱིར་གསུངས་པ། འདི་ཡི་འཇིག་རྟེན་དེ་རྣམས་ཉིད། །གང་ཞིག་བྱང་ཆུབ་ཐོབ་བྱེད་ཆོས། །
D32.034.0200b04.01འདི་ནི་སྟེང་དང་གཞན་ནའང་མེད། །བརྟན་པར་བྱ་སྟེ་སེམས་ལ་ཞོག །རང་བཞིན་གྱིས་ནི་གཡོ་མེད་པར། །འདི་ཡི་ཆོས་ནི་དྲན་པར་བྱེད། །ཆོས་ཀྱི་གཞི་ཡི་ས་གཞི་ནི། །འཇིག་རྟེན་སྟོང་ཕྲག་རབ་ཏུ་གཡོས། །སེམས་མེད་པ་ཡི་ས་གཞི་ནི། །བུར་ཤིང་འཁྲུལ་འཁོར་བཞིན་དུ་བཙིར། །
D32.034.0200b05.01འབྲུ་མར་འཁྲུལ་འཁོར་བཞིན་དུ་འཁོར། །དེ་ལྟར་ས་ནི་རབ་ཏུ་གཡོས། །ས་ཆེན་པོ་འདི་གཡོས་པས་དགའ་བ་ཅན་གྱི་གྲོང་ཁྱེར་ན་གནས་པའི་མི་རྣམས་ལྡང་བར་མ་ནུས་ཏེ། བསྐལ་པའི་མཐའ་ཡི་རླུང་གིས་བསྐྱོད་པའི་སའི་ཤིང་ཆེན་པོ་གཡོས་པ་བཞིན་བརྒྱལ་བ་དང་བག་མེད་པས་
D32.034.0200b06.01འགྱེལ་བར་གྱུར་ཏོ། །བུམ་པ་ལ་སོགས་པའི་སྣོད་ནི་འཛད་པ་དང་ཕན་ཚུན་དུ་ཕྲད་པའི་སྒྲ་དང་ཕྱེ་མ་དང་དུམ་བུར་གྱུར་ཏོ། །སྐྱེ་བོ་ཐམས་ཅད་འཇིགས་པར་གྱུར་ནས་སྟོན་པའི་དྲུང་དུ་ཉེ་བར་སོང་ངོ་། །བཅོམ་ལྡན་འདས་ཅི་ལགས་འདིའི་ཀླུ་འཁྲུགས་པའམ་འདིའི་འབྱུང་པོའམ་གནོད་སྦྱིན་
D32.034.0200b07.01