完整藏文原文 · 德格版页 当前仅加载第 34 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
འབའ་ཞིག་མ་ཡིན་པར་བལྟ་བར་བྱའོ། །ལྷག་པར་ཚོལ་བ་ནི་གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ། །མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྫོགས་པར་བྱའོ། །
D32.034.0197a01.01དཔེར་ན་གཞན་ཡང་རྒོད་གཡག་ཞེས་བྱ་བ་སྲོག་ལ་མི་ལྟ་བར་རང་གི་མཇུག་མའི་རྔ་མ་ཉིད་བསྲུང་བ་དེ་བཞིན་དུ། ཁྱོད་ཀྱིས་ཀྱང་འདི་ནས་བཟུང་ནས་སྲོག་ལ་མི་ལྟ་བར་ཚུལ་ཁྲིམས་བསྲུངས་ན་ཁྱོད་ཀྱིས་སངས་རྒྱས་ཐོབ་པར་འགྱུར་རོ། །གཉིས་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བརྟན་
D32.034.0197a02.01པར་བྱས་ཏེ་གནས་པར་བྱའོ། །དེའི་ཕྱིར་གསུངས་པ། འདི་ཙམ་འབའ་ཞིག་མ་ཡིན་གྱི། །གང་ཞིག་བྱང་ཆུབ་ཐོབ་བྱེད་ཆོས། །གཞན་ལ་ཡང་ནི་བཙལ་བར་བྱ། །གང་ཞིག་ཆོས་ནི་ཐོབ་བྱེད་པ། །དེ་ཡི་ཚེ་ན་ཚོལ་བ་མཐོང་། །གཉིས་པ་ཚུལ་ཁྲིམས་ཕ་རོལ་ཕྱིན། །སྔོན་གྱི་སྐྱེས་
D32.034.0197a03.01བུ་ཆེན་པོ་ཡིས། །བསྙེན་དང་བརྟེན་པར་བྱས་པས་སོ། །རེ་ཞིག་གཉིས་པ་འདི་ཡིས་ནི། །བརྟན་པོར་བྱས་ནས་གཟུང་བར་བྱ། །གལ་ཏེ་བྱང་ཆུབ་ཐོབ་འདོད་ན། །ཚུལ་ཁྲིམས་ཕ་རོལ་ཕྱིན་པར་གྱིས། །ཇི་ལྟར་རྒོད་གཡག་རྔ་མ་ནི། །གང་དང་གང་གིས་བཟུང་བ་ན། །ལྟོས་པ་མེད་པར་
D32.034.0197a04.01སྲོག་འདོར་རོ། །རྔ་མ་ལ་དགའ་ཁྲོ་བ་མེད། །དེ་བཞིན་དུ་ནི་ས་གཞི་རུ། །ཚུལ་ཁྲིམས་ཡོངས་སུ་རྫོགས་པ་དང་། །རྟག་ཏུ་ཚུལ་ཁྲིམས་ཀུན་སྲུང་བྱེད། །རྒོད་གཡག་རྔ་མ་བསྲུང་བ་བཞིན། །གཞན་ཡང་སངས་རྒྱས་སུ་བྱེད་པའི་ཆོས་འདི་འབའ་ཞིག་མ་ཡིན་པར་བལྟ་བར་བྱའོ། །ལྷག་
D32.034.0197a05.01པར་ཚོལ་བ་ན་གསུམ་པ་ངེས་འབྱུང་གི་ཕ་རོལ་ཏུ་ཕྱིན་པ་མཐོང་ནས་འདི་ལྟ་བུའི་སེམས་སུ་གྱུར་ཏོ། །མཁས་པ་བློ་གྲོས་བཟང་པོ་དཀའ་ཐུབ་པ་ཁྱོད་ཀྱིས་འདི་ནས་བཟུང་ནས་ངེས་པར་འབྱུང་བའི་ཕ་རོལ་ཏུ་ཕྱིན་པ་ཡང་རྫོགས་པར་བྱའོ། །ཇི་ལྟར་བཙོན་རར་ཡུན་རིང་པོར་བཅིངས་ནས་བཞག་
D32.034.0197a06.01པའི་མི་དེ་ལ་འདོད་པར་མི་བྱེད་དོ། །གཞན་ཡང་ཤིན་ཏུ་སྡུག་བསྔལ་བའི་སེམས་དེ་ལ་དེ་བཞིན་དུ་གནས་པར་འདོད་པ་མེད་དོ། །དེ་ལྟར་འདི་ལྟར་ཁྱོད་ཀྱིས་ཀྱང་སྐྱེ་བ་ཐམས་ཅད་དུ་བཙོན་རར་བཅིངས་པ་བཞིན་བྱས་ནས་སྐྱེ་བ་ཐམས་ཅད་དུ་ཤིན་ཏུ་སྡུག་བསྔལ་བའི་སེམས་ཀྱིས་གྲོལ་བར་འདོད་
D32.034.0197a07.01