完整藏文原文 · 德格版页 当前仅加载第 34 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
སྔས་བྱས་ནས་ཉལ་ལོ། །འཕགས་པ་བུ་བདག་བློན་པོ་འདུན་པ་ཡིན་ནོ་ཞེས་སྨྲས་སོ། །ད་ནི་ངེས་པར་འབྱུང་བ་ཆེན་པོས་འཐོན་པར་འདོད་དོ། །བདག་གི་རྟ་གཅིག་ལ་སྒ་གྱིས་ཤིག །དེས་ལྷ་ལེགས་སོ་ཞེས་བརྗོད་ནས་རྟའི་སྒ་ཁྱེར་ཏེ་རྟ་རར་སོང་ནས་དྲི་བཟང་པོ་དང་ལྡན་པའི་འབྲུ་མར་གྱི་མར་མེ་སྤར་
D32.034.0226b01.01བ་སུ་མ་ནའི་མེ་ཏོག་ཅན་གྱི་དར་གྱི་བླ་རེས་ཀྱི་འོག་ན་ཤིན་ཏུ་དགའ་བའི་ས་ཕྱོགས་ལ་སྡོད་པའི་རྟའི་རྒྱལ་པོ་བསྔགས་ལྡན་མཐོང་ངོ་། །ད་ནི་བདག་གིས་འདི་ཉིད་ཀྱི་སྒ་བྱ་བར་རིག་ནས་བསྔགས་ལྡན་ལ་སྒ་སྒྲོན་ནོ། །དེས་སྒ་སྒྲོན་པར་ཤེས་ནས་འདི་སྒ་སྒྲོན་པ་ན་གློ་བསྡམས་སོ། །ཉི་མ་གཞན་ལ་སྐྱེད་མོས་
D32.034.0226b02.01ཚལ་དུ་རྩེད་མོ་ལ་འགྲོ་བའི་དུས་སུ་སྒ་འདི་ལྟར་མ་བྱས་སོ། །བདག་གི་སྲས་འཕགས་པ། ད་ནི་ངེས་པར་འབྱུང་བ་ཆེན་པོས་འཐོན་པར་འདོད་པར་གྱུར་ཏོ་སྙམ་ནས་སེམས་དགའ་བས་རྟ་སྐད་ཚེར་ཚེར་འདོན་པ་དེའི་སྒྲ་གྲོང་ཁྱེར་ཐམས་ཅད་དུ་གྲག་པར་བྱེད་པ་སླར་ཡང་ལྷ་རྣམས་ཀྱིས་དེའི་སྒྲ་བཀག་ནས་སུས་ཀྱང་
D32.034.0226b03.01མི་ཐོས་པར་བྱས་སོ། །བྱང་ཆུབ་སེམས་དཔས་ཀྱང་བློན་པོ་འདུན་པ་རྟའི་གནས་སུ་བཏང་ནས་རེ་ཞིག་བུ་ལ་བལྟ་བར་བསམས་སོ། །གྲགས་འཛིན་མའི་གནས་སུ་གཤེགས་ཏེ་སྒོ་ཕྱེ་ནས་དེ་མ་ཐག་པར་ཉལ་སའི་ནང་དུ་དྲི་བཟང་པོ་དང་ལྡན་པའི་འབྲུ་མར་གྱི་མར་མེ་སྤར་བ་གྲགས་འཛིན་མ་སུ་མ་ནའི་མེ་ཏོག་དང་།
D32.034.0226b04.01མལ་ལི་ཀའི་མེ་ཏོག་ལ་སོགས་པའི་མེ་ཏོག་མལ་གྱི་སྟེང་དུ་ཁལ་གཅིག་ཙམ་བཀྲམ་པའི་སྟེང་དུ་བུའི་མགོའི་སྟེང་དུ་ལག་པ་བཞག་ནས་གཉིད་དུ་སོང་བ་ལ་བྱང་ཆུབ་སེམས་དཔས་སྒོའི་ཐེམ་པའི་སྟེང་དུ་ཞབས་ཡ་གཅིག་བཞག་སྟེ་འཁོད་པས་གཟིགས་སོ། །གལ་ཏེ་བདག་གིས་ལྷ་མོའི་ལག་པ་ནས་འཐེན་
D32.034.0226b05.01ནས་རང་གི་བུ་བསླང་བར་བསམས་ཏེ། ལྷ་མོ་གཉིད་སད་ན་བདག་ཉིད་འགྲོ་བའི་བར་གཅོད་དུ་འགྱུར་ཞིང་སངས་རྒྱས་སུ་གྱུར་ནས་བུ་བལྟའོ་སྙམ་དུ་སེམས་ཏེ་ཁང་{བཟངས་,བཟང་}ནས་བབས་སོ། །སླར་ཡང་སློབ་དཔོན་ཁ་ཅིག་འདི་ལྟར་སྨྲ་སྟེ། དེའི་ཚེ་བྱང་ཆུབ་སེམས་དཔའ་གཤེགས་པའི་སྔོན་རོལ་གྱི་ཉི་མ་
D32.034.0226b06.01བདུན་གྱི་གོང་དུ་སྐྱེས་སོ་ཞེས་ཟེར་རོ། །དེ་འདྲ་གཞན་དུ་མ་བཤད་པས་དེའི་ཕྱིར་འདི་ཁོ་ན་གཟུང་བར་བྱའོ། །འདི་ལྟར་བྱང་ཆུབ་སེམས་དཔའ་ཁང་{བཟངས་,བཟང་}ནས་བབས་ནས་རྟའི་ར་བ་ཉིད་དུ་གཤེགས་ཏེ་འདི་ལྟར་གསུངས་སོ། །བུ་བསྔགས་ལྡན་ཁྱོད་ཀྱིས་ད་ནི་ནུབ་གཅིག་བསྒྲལ་བར་གྱིས་ཤིག །
D32.034.0226b07.01