完整藏文原文 · 德格版页 当前仅加载第 34 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བྱས་ཤིང་དེར་རྒྱུའོ། །ཤི་འཕོས་ནས་ལྷ་མོ་སྒྱུ་འཕྲུལ་མ་ཆེན་མོའི་མངལ་དུ་ཞུགས་སོ། །དེ་ལ་ལེགས་པར་བརྗོད་པའི་ཕྱིར་འདི་{གོ་རིམས་,གོ་རིམ་}བཞིན་དུ་སྔོན་གྱི་གཏམ་བརྗོད་དོ། །དེའི་ཚེ་གྲོང་ཁྱེར་སེར་སྐྱར་དབྱར་ཟླ་འབྲིང་པོའི་རྒྱུ་སྐར་དུ་བརྗོད་པར་སྐྱེ་བོ་ཐམས་ཅད་རྒྱུ་སྐར་ལ་རྩེ་ཞིང་ལྷ་མོ་སྒྱུ་
D32.034.0218a01.01འཕྲུལ་ཆེན་པོ་ཡང་ཉའི་སྔུན་དུ་ཞག་བདུན་ནས་མེ་ཏོག་གི་ཕྲེང་བ་དང་སྤོས་ཀྱི་འབྱོར་པ་དང་ལྡན་པས་རྒྱུ་སྐར་ལ་རྩེ་ཞིང་ལོངས་སྤྱོད་དོ། །ཞག་བདུན་གྱི་མཐར་སྔ་དྲོ་ལངས་ནས་དྲི་བཟང་གི་ཆུས་ཁྲུས་བྱས་ཏེ། འབུམ་ཕྲག་བཞིའི་ལོངས་སྤྱོད་སྤེལ་ཏེ་སྦྱིན་པ་ཆེན་པོ་བཏང་ནས་རྒྱན་ཐམས་ཅད་ཀྱིས་བརྒྱན། ཁ་ཟས་བཟང་
D32.034.0218a02.01པོ་ཟོས་ཏེ། གསོ་སྦྱོང་ཡན་ལག་བརྒྱད་པ་ལ་གནས་སོ། །རྒྱན་དུ་བྱེད་པ་ལ་རིགས་པའི་དཔལ་གྱི་ཁང་པའི་ནང་དུ་ཞུགས་ནས་དཔལ་གྱི་མལ་ཆ་ལ་ཉལ་ཏེ་གཉིད་དུ་སོང་ནས་འདི་ལྟ་བུའི་རྨི་ལམ་མཐོང་ངོ་། །རྒྱལ་པོ་ཆེན་པོ་བཞི་པོས་མལ་སྟན་དང་བཅས་པ་ཉིད་བླངས་ནས་གངས་ཅན་གྱི་ནང་དུ་སོང་ངོ་། །དཔག་
D32.034.0218a03.01ཚད་དྲུག་ཅུ་པའི་མན་ཤི་ལའི་སྟེང་དུ་དང་དཔག་ཚད་བདུན་པའི་ཤིང་སཱ་ལ་ཆེན་པོའི་འོག་ཏུ་བཞག་ནས་ཕྱོགས་གཅིག་ཏུ་འཁོད་དོ། །དེ་ནས་དེའི་ལྷ་མོ་འོངས་ནས་ལྷ་མོ་སྒྱུ་འཕྲུལ་མ་ཆེན་མོ་མཚོ་མ་དྲོས་པར་ཁྲིད་དོ། །མིའི་དྲི་མ་བསལ་བའི་ཕྱིར་ཁྲུས་བྱས་ཏེ། ལྷའི་གོས་གྱོན་ནས་དྲི་བཟང་པོས་བྱུག་
D32.034.0218a04.01ཅིང་ལྷའི་མེ་ཏོག་འདོགས་སོ། །དེ་ནས་མི་རིང་བར་དངུལ་གྱི་རི་དེའི་ནང་ན་གསེར་གྱི་གཞལ་ཡས་ཁང་འདུག་གོ། །དེར་ཤར་དུ་མགོ་བསྟན་པའི་ལྷའི་མལ་ཆ་ལ་དེར་ཉོལ་ཞེས་ཟེར་ནས་ཉལ་ལོ། །དེ་ནས་བྱང་ཆུབ་སེམས་དཔའ་གླང་པོ་ཆེ་དཀར་པོ་ཅིག་ཏུ་གྱུར་ཏོ། །དེ་ནས་མི་རིང་བར་གསེར་གྱི་རི་ཅིག་ལ་དེར་
D32.034.0218a05.01འཛེག་ཅིང་དེ་ནས་མར་བབས་ནས། དངུལ་གྱི་རི་ལ་འཛེག་གོ། །བྱང་གི་ཕྱོགས་ནས་འོངས་ཏེ། དངུལ་གྱི་ཕྲེང་བ་དང་མཚུངས་པའི་གླང་པོ་ཆེའི་སྣས་པད་མ་དཀར་པོ་འཛིན་ཅིང་། གླང་པོ་ཆེའི་སྒྲ་སྒྲོགས་པས་གསེར་གྱི་གཞལ་ཡས་ཁང་དུ་ཞུགས་ཏེ། རང་གི་མལ་ཆ་ལ་ལན་གསུམ་དུ་བསྐོར་བ་བྱས་ནས་
D32.034.0218a06.01གློ་གཡས་པ་ཕུག་ནས་ལྟོར་ཞུགས་པ་བཞིན་དུ་གྱུར་ཏོ། །དེ་ལྟར་བྲེའི་སྐར་མ་མཆོག་ལ་ལྷུམས་སུ་ཞུགས་སོ། །ཉི་མ་གཉིས་པ་ལ་དེའི་སྔ་དྲོ་སད་དེ་ལྷ་མོས་རྒྱལ་པོ་ལ་རྨི་ལམ་རྣམས་སྨྲས་སོ། །རྒྱལ་པོས་བྲམ་ཟེ་དྲུག་ཅུ་རྩ་བཞི་བོས་ནས་མེ་ཏོག་ཕྲེང་བ་ལ་སོགས་པ་དང་། བཀྲ་ཤིས་དང་བསྟི་སྟང་
D32.034.0218a07.01