完整藏文原文 · 德格版页 当前仅加载第 34 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཐོང་། །དེ་རྣམས་དེ་རིང་ཀུན་མཐོང་བས། །ངེས་པར་ཁྱོད་ནི་སངས་རྒྱས་འགྱུར། །སྒོ་ཆུང་དང་ནི་རི་ཡི་རྣམས། །དེ་ཡི་ཚེ་ན་མི་མཐོང་མེད། །དེ་རིང་ནམ་མཁའ་བཞིན་དུ་མཐོང་། །ངེས་པར་ཁྱོད་ནི་སངས་རྒྱས་འགྱུར། །རུམ་དུ་གནས་དང་འཐོན་པ་ནི། །སྐད་ཅིག་ཙམ་
D32.034.0196a01.01གྱིས་མ་ཡིན་ནོ། །དེ་རིང་དེ་རྣམས་སོ་སོར་མཐོང་། །ངེས་པར་ཁྱོད་ནི་སངས་རྒྱས་འགྱུར། །བརྩོན་འགྲུས་བརྟན་པར་བྱས་ནས་ནི། །ངེས་པར་འབྱུང་བ་ལྡོག་མི་བྱ། །བདག་གིས་འདི་རྣམས་ལེགས་ཤེས་པས། །ངེས་པར་ཁྱོད་ནི་སངས་རྒྱས་འགྱུར། །བྱང་ཆུབ་སེམས་དཔས་སྟོབས་བཅུ་
D32.034.0196a02.01དང་ལྡན་པའི་མར་མེ་མཛད་དང་སྟོང་ཕྲག་བཅུའི་ཁོར་ཡུག་གི་ལྷ་རྣམས་ཀྱི་གསུང་ཐོས་ནས། ཡིད་བདེ་བ་ཆེར་སྐྱེས་ཏེ་བདག་ཉིད་སྤྲོ་བར་གྱུར་ནས་བསམས་པ། སངས་རྒྱས་རྣམས་ཀྱི་དོན་ཡོད་པའི་གསུང་ཞེས་བྱ་བ་ནི་སངས་རྒྱས་རྣམས་ཀྱི་གསུང་ལས་གཞན་དུ་མི་འགྱུར་བ་ཡིན་ནོ། །ཇི་ལྟར་
D32.034.0196a03.01ཡང་ནམ་མཁའ་ལ་རྡོ་འཕངས་ན་ལྷུང་བར་འགྱུར་བ་དང་། སྐྱེས་ནས་འཆི་བར་འགྱུར་བ་དང་། སྐྱ་རེངས་ཤར་ན་ཉི་མ་འཆར་བར་འགྱུར་བ་དང་། གནས་ནས་སེང་གེ་ལངས་ནས་སྒྲ་ཕྱུང་སྟེ་འགྲོ་བ་དང་། སྦྲུམ་མ་ཡོངས་སུ་སྨིན་ནས་སྐྱེ་བར་འགྱུར་བར་ངེས་སོ། །ངེས་པར་དེ་བཞིན་དུ་འདི་ལྟར་སངས་རྒྱས་
D32.034.0196a04.01རྣམས་ཀྱི་གསུང་ནི་ངེས་ཤིང་དོན་ཡོད་པར་འདོད་དོ། །ངེས་པར་བདག་ནི་སངས་རྒྱས་སུ་འགྱུར་རོ། །དེའི་ཕྱིར་གསུངས་པ། སངས་རྒྱས་ཀྱི་ནི་གསུང་ཐོས་ནས། །སྟོང་ཕྲག་བཅུ་དང་གཉིས་ཀ་ཡི། །ཚིམ་ཞིང་དགྱེས་ལ་རབ་ཏུ་དགའ། །བདག་གིས་དེ་ཚེ་འདི་ལྟར་བསམས། །གཉིས་ནི་
D32.034.0196a05.01མི་གསུང་སངས་རྒྱས་ནི། །རྒྱལ་བ་དོན་ཡོད་པ་ཡི་གསུང་། །སངས་རྒྱས་རྣམས་ནི་གཞན་མི་གསུང་། །བདག་ནི་ངེས་པར་སངས་རྒྱས་འགྱུར། །ཇི་ལྟར་མཁའ་ལ་རྡོ་འཕངས་པ། །ངེས་པར་ས་ལ་ལྷུང་བར་འགྱུར། །དེ་བཞིན་དུ་ནི་སངས་རྒྱས་ཀྱི། །གསུང་ནི་ངེས་པར་འགྱུར་བ་བཞིན། །
D32.034.0196a06.01ཇི་ལྟར་སེམས་ཅན་ཐམས་ཅད་ནི། །ངེས་པར་འཆི་བར་འགྱུར་བའོ། །དེ་བཞིན་དུ་ནི་སངས་རྒྱས་ཀྱི། །གསུང་ནི་ངེས་པར་འགྱུར་བ་བཞིན། །ཇི་ལྟར་ནམ་ནི་ཟད་པ་ན། །ངེས་པར་ཉི་མ་འཆར་བར་འགྱུར། །དེ་བཞིན་དུ་ནི་སངས་རྒྱས་ཀྱི། །གསུང་ནི་ངེས་པར་འགྱུར་བ་བཞིན། །ཇི་ལྟར་སེང་གེའི་
D32.034.0196a07.01