完整藏文原文 · 德格版页 当前仅加载第 30 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པར་བྱའོ། །ཞེས་བརྩོན་པར་མི་བྱའོ། །རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་གནས་པར་བྱའོ། །ཞེས་བརྩོན་པར་མི་བྱའོ། །དེ་ཅིའི་ཕྱིར་ཞེ་ན། གཟུགས་ནི་གང་ལ་ཡང་མི་གནས་ལ་རྣམ་པ་ཐམས་ཅད་མཁྱེན་
D10.030.0298a01.01པ་ཉིད་ཀྱི་བར་ཡང་གང་ལ་ཡང་མི་གནས་པའི་ཕྱིར་ཏེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་མི་གནས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ། །རབ་འབྱོར་འདི་ལྟ་སྟེ། དཔེར་
D10.030.0298a02.01ན། མི་ཞིག་ཤིང་ཨ་མྲའི་འབྲས་བུ་དག་གམ་ཤིང་པ་ན་སའི་འབྲས་བུ་དག་ཟ་འདོད་པར་གྱུར་ན། དེ་ཨ་མྲའི་འབྲས་བུའམ། པ་ན་སའི་འབྲས་བུ་དག་བསྐྱེད་པར་བྱའོ། །བསྐྱེད་ནས་ཀྱང་དུས་དུས་སུ་ཆུ་བཅུ་བར་བྱ་ཡུར་མ་ཡུར་བར་བྱའོ། །དེའི་རིམ་
D10.030.0298a03.01གྱིས་ཡལ་ག་འགེལ་ཅིང་འཕེལ་བར་གྱུར་པ་ན། ཚོགས་པ་རྙེད་པས། ཨ་མྲའི་འབྲས་བུ་དག་གམ། པ་ན་སའི་འབྲས་བུ་དག་འབྱོར་ཅིང་ཚོགས་པར་འགྱུར་བས། དེ་ཨ་མྲའི་འབྲས་བུ་དག་གམ་པ་ན་སའི་འབྲས་བུ་དག་ཟ་བར་འགྱུར་རོ། །
D10.030.0298a04.01རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས་ཀྱང་ཕ་རོལ་ཏུ་ཕྱིན་པ་དྲུག་ལ་བསླབས་ནས་སེམས་ཅན་རྣམས་སྦྱིན་པས་རྗེས་སུ་གཟུང་བར་བྱའོ། །ཚུལ་
D10.030.0298a05.01ཁྲིམས་དང་། བཟོད་པ་དང་། བརྩོན་འགྲུས་དང་། ཏིང་ངེ་འཛིན་དང་། ཤེས་རབ་ཀྱིས་རྗེས་སུ་གཟུང་བར་བྱ་ཞིང་སེམས་ཅན་རྣམས་འཁོར་བ་ལས་ཡོངས་སུ་དགྲོལ་བར་བྱའོ། །རབ་འབྱོར་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་
D10.030.0298a06.01གྱི་དྲིང་མི་འཇོག་པར་འགྲོ་བར་འདོད་པ་དང་། སངས་རྒྱས་ཀྱི་ཞིང་ཡོངས་སུ་དག་པར་བྱ་བར་འདོད་པ་དང་། བྱང་ཆུབ་ཀྱི་སྙིང་པོ་ལ་འདུག་པར་འདོད་པ་དང་། ཆོས་ཀྱི་འཁོར་ལོ་བསྐོར་བར་འདོད་པ་ཕ་རོལ་ཏུ་ཕྱིན་པ་དྲུག་ལ་བསླབ་པར་བྱའོ། །གསོལ་པ་བཅོམ་
D10.030.0298a07.01