完整藏文原文 · 德格版页 当前仅加载第 30 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སེམས་དཔའ་ཆེན་པོས་རྨི་ལམ་ན། དེ་བཞིན་གཤེགས་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། འོད་འདོམ་གང་དང་ལྡན་པ་ནམ་མཁའ་ལ་མངོན་པར་འཕགས་ཏེ། དགེ་སློང་གི་དགེ་འདུན་ལ་ཆོས་སྟོན་ཅིང་། རྫུ་འཕྲུལ་གྱི་ཆོ་འཕྲུལ་སྟོན་པ་དང་། སྤྲུལ་པ་སྤྲུལ་པར་
D10.030.0225b01.01མཛད་ཅིང་། སྤྲུལ་པ་དེ་དག་གིས་ཀྱང་། འཇིག་རྟེན་གྱི་ཁམས་གཞན་དག་ཏུ་སངས་རྒྱས་ཀྱི་བྱ་བ་བྱེད་པ་དག་མཐོང་ན། རབ་འབྱོར་དེ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕྱིར་མི་ལྡོག་པའི་མཚན་ཉིད་དུ་རིག་པར་བྱའོ། །རབ་འབྱོར་གཞན་ཡང་བྱང་
D10.030.0225b02.01ཆུབ་སེམས་དཔའ་སེམས་དཔའ་ཆེན་པོས་རྨི་ལམ་ན། གྲོང་འཇོམས་པ་བྱུང་བའམ། གྲོང་ཁྱེར་འཇོམས་པ་བྱུང་བའམ། མེ་ཤོར་བར་གྱུར་པའམ། གཅན་གཟན་གདུག་པ་དག་མཐོང་ངམ། དེ་དག་ལས་གཞན་པའི་གཅན་གཟན་ཁྲོ་བོའི་རིགས་དག་མཐོང་ངམ།
D10.030.0225b03.01མགོ་གཅོད་པ་ཉེ་བར་གནས་པ་དག་མཐོང་ངམ། གང་དག་དེ་ལས་གཞན་པའི་འཇིགས་པ་དང་། དངང་བ་དག་མཐོང་ངམ། སྡུག་བསྔལ་བ་དང་། ཡིད་མི་བདེ་བ་དང་། འཁྲུགས་པ་དག་མཐོང་ངམ། བཀྲེས་པས་འཇིགས་པ་མཐོང་ངམ། སྐོམས་པས་འཇིགས་
D10.030.0225b04.01པ་མཐོང་ངམ། མ་ཤི་བ་མཐོང་ངམ། ཕ་ཤི་བ་མཐོང་ངམ། ཕུ་ནུ་ཤི་བ་མཐོང་ངམ། སྲིང་མོ་ཤི་བ་མཐོང་ངམ། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་དག་ཤི་བ་མཐོང་ན། མྱ་ངན་དང་། འཇིགས་པ་དང་། སྐྲག་པ་དང་། དངང་བར་
D10.030.0225b05.01མི་འགྱུར་ཞིང་། མི་སྐྲག་མི་དངང་ལ། དངང་བར་མི་འགྱུར་ཞིང་། རྨི་ལམ་དེ་རྨིས་པའི་འོག་ཏུ་སད་ནས་ཀྱང་འདི་སྙམ་དུ། ཀྱེ་མ་ཁམས་གསུམ་པ་འདི་དག་ཐམས་ཅད་ནི་རྨི་ལམ་ལྟ་བུ་སྟེ། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་
D10.030.0225b06.01རྒྱས་ནས་ཀྱང་། ཁམས་གསུམ་པའི་ཆོས་ཐམས་ཅད་རྨི་ལམ་ལྟ་བུའོ། །ཞེས་ཆོས་བསྟན་པར་བྱའོ་སྙམ་དུ་སེམས་ན། རབ་འབྱོར་དེ་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕྱིར་མི་ལྡོག་པའི་མཚན་ཉིད་དུ་རིག་པར་བྱའོ། །རབ་འབྱོར་གཞན་ཡང་
D10.030.0225b07.01