完整藏文原文 · 德格版页 当前仅加载第 30 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་རྒྱ་ཆེན་པོ་དག་མངོན་པར་འདུ་བྱེད་པར་འགྱུར་རོ། །དགེ་བའི་རྩ་བ་རྒྱ་ཆེན་པོ་དག་མངོན་པར་འདུ་བྱས་པས་རྣམ་པར་སྨིན་པ་རྒྱ་ཆེན་པོ་ཡོངས་སུ་འཛིན་པར་འགྱུར་རོ། །རྣམ་པར་སྨིན་པ་རྒྱ་ཆེན་པོ་ཡོངས་སུ་བཟུང་བས། སེམས་ཅན་དེ་དག་ཉིད་ཀྱི་
D10.030.0112a01.01དོན་དུ་རྣམ་པར་སྨིན་པ་ལས། རྣམ་པར་སྨིན་པ་རྒྱ་ཆེན་པོ་ཡོངས་སུ་འཛིན་པར་འགྱུར་ཞིང་། སེམས་ཅན་དེ་དག་ཉིད་ལ་ཕྱི་དང་ནང་གི་དངོས་པོ་ཐམས་ཅད་ཡོངས་སུ་གཏོང་བར་འགྱུར་ཏེ། དེ་དག་དགེ་བའི་རྩ་བ་དེས་གང་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D10.030.0112a02.01རྫོགས་པའི་སངས་རྒྱས་དག་མངོན་སུམ་དུ་གྱུར་ཅིང་། ཆོས་སྟོན་པའི་སངས་རྒྱས་ཀྱི་ཞིང་གཞན་དག་ལ་དམིགས་པར་ཡང་འགྱུར་ཏེ། དེ་དག་གིས་སངས་རྒྱས་ཀྱི་ཞིང་དེར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ཐོས་ནས་ཀྱང་སྲོག་ཆགས་བརྒྱ་ཕྲག་མང་པོ་དང་། སྲོག་ཆགས་སྟོང་
D10.030.0112a03.01ཕྲག་མང་པོ་དང་། སྲོག་ཆགས་འབུམ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་པ་དང་། ཡང་དག་པར་སྟོན་པ་དང་། ཡང་དག་པར་གཟེངས་སྟོད་པ་དང་། ཡང་དག་པར་རབ་ཏུ་དགའ་བར་བྱེད་པར་འགྱུར་རོ། །ཤཱ་རིའི་
D10.030.0112a04.01བུས་གསོལ་པ། བཅོམ་ལྡན་འདས་འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་གང་མ་མཁྱེན་པའི་ཆོས་དེ་གང་ཡང་མི་མངའ་ཆོས་ཉིད་དང་། དེ་བཞིན་ཉིད་གང་མཁྱེན་པར་མ་གྱུར་པ་དེ་གང་ཡང་མི་མངའ། ཆོས་བསྟན་པ་གང་
D10.030.0112a05.01མཁྱེན་པར་མ་གྱུར་པ་དེ་གང་ཡང་མི་མངའ། སེམས་ཅན་རྣམས་ཀྱི་སྤྱོད་པ་གང་མཁྱེན་པར་མ་གྱུར་པ་དེ་གང་ཡང་མི་མངའ་སྟེ། འདི་ལྟར་འདས་པའི་བྱང་ཆུབ་སེམས་དཔའ་རྣམས་ཀྱང་ཐུགས་སུ་ཆུད། འདས་པའི་སངས་རྒྱས་ཀྱི་ཞིང་རྣམས་ཀྱང་ཐུགས་སུ་ཆུད། འདས་པའི་
D10.030.0112a06.01དེ་བཞིན་གཤེགས་པ་རྣམས་ཀྱི་ཉན་ཐོས་དག་ཀྱང་ཐུགས་སུ་ཆུད། མ་བྱོན་པའི་དེ་བཞིན་གཤེགས་པ་རྣམས་ཀྱི་བྱང་ཆུབ་སེམས་དཔའ་དག་ཀྱང་ཐུགས་སུ་ཆུད། མ་བྱོན་པའི་དེ་བཞིན་གཤེགས་པ་རྣམས་ཀྱི་སངས་རྒྱས་ཀྱི་ཞིང་རྣམས་དང་། ཉན་ཐོས་དག་ཀྱང་ཐུགས་སུ་ཆུད།
D10.030.0112a07.01