完整藏文原文 · 德格版页 当前仅加载第 30 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཡོངས་སུ་གཏོང་བར་བྱེད་དོ། །དེ་ཡོངས་སུ་གཏོང་བར་བྱེད་པ་ན། འདི་སྙམ་དུ་བདག་གིས་ཅི་ཡང་བཏང་བ་མེད་དོ། །དེ་ཅིའི་ཕྱིར་ཞེ་ན། འདི་ལྟར་དངོས་པོ་འདི་དག་ནི་རང་བཞིན་གྱིས་སྟོང་པ་ཡིན་པའི་ཕྱིར་རོ་སྙམ་དུ་སེམས་ཏེ། རབ་འབྱོར་
D10.030.0292a01.01དེ་ལྟར་ཉེ་བར་རྟོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཡིན་ནོ། །དེ་སེམས་ཅན་དེ་དག་ཉིད་ཀྱི་དོན་དུ་འཆལ་པའི་ཚུལ་ཁྲིམས་ཀྱི་སྐབས་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་བདག་བླ་ན་མེད་
D10.030.0292a02.01པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་ལ་སྲོག་གཅོད་པར་བྱེད་པ་དང་། ལོག་པར་ལྟ་བར་གྱུར་པའི་བར་དང་། ཉན་ཐོས་ཀྱི་སའམ། རང་སངས་རྒྱས་ཀྱིས་དོན་དུ་གཉེར་བར་བྱེད་པ་ནི་བདག་གི་མི་བྱའོ་སྙམ་དུ་སེམས་པའི་ཕྱིར་ཏེ། རབ་འབྱོར་དེ་
D10.030.0292a03.01ལྟར་ཉེ་བར་རྟོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་སེམས་ཅན་དེ་དག་ཉིད་ཀྱི་དོན་དུ་འཁྲུག་པའི་སེམས་འགའ་ཙམ་ཡང་སྐྱེད་པར་མི་བྱེད་དེ། རབ་འབྱོར་དེ་ལྟར་ཉེ་བར་རྟོག་པའི་བྱང་ཆུབ་སེམས་དཔའ་
D10.030.0292a04.01སེམས་དཔའ་ཆེན་པོ་ནི་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེས་སེམས་ཅན་དེ་དག་ཉིད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་གྱི་བར་དུ་ལེ་ལོའི་སེམས་སྐྱེད་པར་མི་བྱེད་དེ། རབ་འབྱོར་དེ་ལྟར་ཉེ་
D10.030.0292a05.01བར་རྟོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་སེམས་ཅན་དེ་དག་ཉིད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་སེམས་རྣམ་པར་གཡེང་
D10.030.0292a06.01བར་མི་བྱེད་དེ། རབ་འབྱོར་དེ་ལྟར་ཉེ་བར་རྟོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་སེམས་ཅན་དེ་དག་ཉིད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་
D10.030.0292a07.01