完整藏文原文 · 德格版页 当前仅加载第 30 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱི་དྲུང་དུ་བདུད་སྡིག་ཅན་ཐོ་འཚམ་པའི་བསམ་པས་མཆི་བར་འགྱུར་ལགས་སམ། བཅོམ་
D10.030.0242b01.01ལྡན་འདས་ཀྱིས་བཀའ་སྩལ་པ། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱི་དྲུང་དུ་བདུད་སྡིག་ཅན་ཐོ་འཚམ་པའི་བསམ་པས་འོང་བ་མ་ཡིན་ཏེ། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་ཁ་ཅིག་གི་དྲུང་དུ་ནི་བདུད་སྡིག་ཅན་
D10.030.0242b02.01ཐོ་འཚམ་པའི་བསམ་པས་འོང་བར་འགྱུར་རོ། །ཁ་ཅིག་གི་དྲུང་དུ་ནི་འོང་བར་མི་འགྱུར་རོ། །ཀུན་དགའ་བོས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟ་བུ་དག་གི་དྲུང་དུ་བདུད་སྡིག་ཅན་ཐོ་འཚམ་པའི་བསམ་པས་མཆི་བར་འགྱུར་
D10.030.0242b03.01ལ། ཇི་ལྟ་བུ་དག་གི་དྲུང་དུ་ནི་མཆི་བར་མི་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སྔོན་གྱི་མཐར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བཤད་པ་ན། སེམས་མོས་པར་མ་གྱུར་པ་
D10.030.0242b04.01དེ་དག་གི་དྲུང་དུ་ནི་བདུད་སྡིག་ཅན་ཐོ་འཚམ་པའི་བསམ་པས་འོང་བར་འགྱུར་རོ། །ཀུན་དགའ་བོ་གཞན་ཡང་བྱང་ཆུབ་སེམས་དཔའ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བཤད་པ་ན། འདི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནམ་འོན་ཏེ་འདི་ཤེས་རབ་ཀྱི་ཕ་རོལ་ཏུ་ཕྱིན་པ་
D10.030.0242b05.01མ་ཡིན་སྙམ་དུ་ཐེ་ཚོམ་ཟ་བར་གྱུར་ན། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་དྲུང་དུ་ཡང་བདུད་སྡིག་ཅན་ཐོ་འཚམ་པའི་བསམ་པས་འོང་བར་འགྱུར་རོ། །ཀུན་དགའ་བོ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་བཤེས་གཉེན་
D10.030.0242b06.01དག་དང་བྲལ་བར་གྱུར་ན། དེས་དགེ་བའི་བཤེས་གཉེན་དག་མི་མཐོང་བས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མི་ཐོས་སོ། །མ་ཐོས་ན་མི་ཤེས་པས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བསྒོམ་པར་བྱ་ཞེས་དེ་བཞིན་ཉིད་དུ་སྒྲུབ་པར་མི་བྱེད་དོ། །ཀུན་དགའ་བོ་
D10.030.0242b07.01