完整藏文原文 · 德格版页 当前仅加载第 30 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་འདི་གཉིས་ལགས་ཏེ། གཉིས་གང་ཞེ་ན་འདི་ལྟ་སྟེ། འདུས་བྱས་ཀྱི་ཆོས་ཀྱི་ཆོས་ཉིད་དང་། འདུས་མ་བྱས་ཀྱི་ཆོས་ཀྱི་ཆོས་ཉིད་ལགས་སོ། །བཅོམ་ལྡན་འདས་དེ་ལ་འདུས་བྱས་ཀྱི་ཆོས་ཀྱི་ཆོས་ཉིད་གང་ལགས་ཞེ་ན། ནང་སྟོང་པ་ཉིད་འཚལ་བ་དང་། དངོས་
D10.030.0017b01.01པོ་མེད་པའི་ངོ་བོ་ཉིད་སྟོང་པ་ཉིད་འཚལ་བ་གང་ལགས་པའི་བར་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་འཚལ་བ་གང་ལགས་པ་དང་། དེ་བཞིན་གཤེགས་པའི་སྟོབས་བཅུ་འཚལ་བ་གང་ལགས་པ་དང་། མི་འཇིགས་པ་བཞི་འཚལ་བ་གང་ལགས་པ་དང་།
D10.030.0017b02.01སོ་སོ་ཡང་དག་པར་རིག་པ་བཞི་འཚལ་བ་གང་ལགས་པ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འཚལ་བ་གང་ལགས་པ་དང་། དགེ་བ་དང་མི་དགེ་བའི་ཆོས་རྣམས་འཚལ་བ་གང་ལགས་པ་དང་། ཟག་པ་དང་བཅས་པ་དང་། ཟག་པ་མ་མཆིས་པ་རྣམས་དང་།
D10.030.0017b03.01ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མ་མཆིས་པ་རྣམས་དང་། འཇིག་རྟེན་པ་དང་། འཇིག་རྟེན་ལས་འདས་པ་རྣམས་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་འཚལ་བའི་ཆོས་རྣམས་འཚལ་བ་གང་ལགས་པ་སྟེ། འདི་ནི་འདུས་བྱས་ཀྱི་ཆོས་ཀྱི་ཆོས་ཉིད་
D10.030.0017b04.01ཅེས་བགྱིའོ། །དེ་ལ་འདུས་མ་བྱས་ཀྱི་ཆོས་ཀྱི་ཆོས་ཉིད་གང་ལགས་ཞེ་ན། ཆོས་གང་ལ་སྐྱེ་བ་མ་མཆིས་པ་དང་། འགག་པ་མ་མཆིས་པ་དང་། གནས་པ་མ་མཆིས་པ་དང་། གནས་པ་ལས་གཞན་དུ་འགྱུར་བ་མ་མཆིས་པ་དང་། ཀུན་ནས་ཉོན་མོངས་པ་མ་
D10.030.0017b05.01མཆིས་པ་དང་། རྣམ་པར་བྱང་བ་མ་མཆིས་པ་དང་། འགྲིབ་པ་མ་མཆིས་པ་དང་། འཕེལ་བ་མ་མཆིས་པ་དང་། ཆོས་ཐམས་ཅད་ངོ་བོ་ཉིད་མ་མཆིས་པ་ཉིད་ཀྱི་བར་དག་ལགས་སོ། །ཆོས་ཐམས་ཅད་ངོ་བོ་ཉིད་མ་མཆིས་པ་ཉིད་ཀྱང་གང་ལགས་ཞེ་ན། ཆོས་
D10.030.0017b06.01ཐམས་ཅད་ནི་དངོས་པོ་མ་མཆིས་པའི་ངོ་བོ་ཉིད་ལགས་པས་འདི་ནི་འདུས་མ་བྱས་ཀྱི་ཆོས་ཀྱི་ཆོས་ཉིད་ཅེས་བགྱིའོ། །དེ་ནས་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་དེ་དེ་བཞིན་ནོ་དེ་དེ་བཞིན་ཏེ། འདས་པའི་དུས་ན་དེ་བཞིན་གཤེགས་
D10.030.0017b07.01