完整藏文原文 · 德格版页 当前仅加载第 26 函德格 372b 版页；藏文 NFD、目录标记与异常页序保留在来源切片中，重复版页行以稳定序号区分。
དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་བྱེད་ཅིང་། སྦྱིན་བདག་ཏུ་གྱུར་པ་དགེ་སྦྱོང་དང་། བྲམ་ཟེ་དང་། ཕོངས་པ་དང་། ལྟོགས་པ་དང་། འདྲོན་པ་དང་། སློང་བ་ཟས་འདོད་པ་ལ་ནི་ཟས་སྐོམ་དང་། ཐེག་པ་དང་གོས་དང་། མེ་ཏོག་དང་ཕྲེང་བ་དང་
D9.026.0372b01.01སྤོས་དང་བྱུག་པ་དང་གནས་དང་མལ་སྟན་དང་ཡོ་བྱད་དང་སྨན་དང་མིའི་ཡོ་བྱད་གཞན་གང་ཅི་ཡང་རུང་བའི་བར་དུ། ཡོངས་སུ་གཏོང་སྟེ། བུ་ཕོ་འདོད་པ་ལ་ནི་བུ་ཕོ་ཡོངས་སུ་གཏོང་བུ་མོ་འདོད་པ་ལ་ནི་བུ་མོ། ཆུང་མ་འདོད་པ་ལ་ནི་ཆུང་མ། རྒྱལ་སྲིད་འདོད་
D9.026.0372b02.01པ་ལ་ནི་རྒྱལ་སྲིད། མགོ་འདོད་པ་ལ་ནི་མགོ། ཡན་ལག་དང་ཉིང་ལག་འདོད་པ་ལ་ནི་ཡན་ལག་དང་ཉིང་ལག །ཤ་དང་ཁྲག་དང་རྐང་འདོད་པ་ལ་ནི་ཤ་དང་ཁྲག་དང་རྐང་ཡོངས་སུ་གཏོང་སྟེ། དེ་ཡང་གནས་ཤིང་ཡོངས་སུ་གཏོང་ལ། དེ་འདི་སྙམ་དུ་བདག་ནི་
D9.026.0372b03.01ཡོངས་སུ་གཏོང་བའོ། །འདི་ནི་ལེན་པའོ། །འདི་ནི་སྦྱིན་པའོ། །བདག་ནི་སེར་སྣ་མེད་པའོ། །བདག་ནི་སྦྱིན་པའི་བདག་པོའོ། །བདག་ནི་བདོག་པ་ཐམས་ཅད་གཏོང་བའོ། །བདག་ནི་སངས་རྒྱས་ཀྱི་བཀའ་བཞིན་དུ་བྱེད་པའོ། །བདག་ནི་སྦྱིན་པའི་ཕ་
D9.026.0372b04.01རོལ་ཏུ་ཕྱིན་པ་ལ་སྤྱོད་པའོ་ཞེས་ཟེར་ཏེ་སྦྱིན་པ་དེ་བྱིན་ནས་ཀྱང་དམིགས་པའི་ཚུལ་གྱིས། སེམས་ཅན་ཐམས་ཅད་དང་ཐུན་མོང་དུ་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོ་ཞིང་། བདག་གི་སྦྱིན་པའི་འབྲས་བུ་འདིས་སེམས་
D9.026.0372b05.01ཅན་འདི་དག་ཚེ་འདི་ཉིད་ལ་བདེ་བ་དང་ཉེ་བར་ལེན་པ་མེད་པར། ཡོངས་སུ་མྱ་ངན་ལས་འདས་པར་གྱུར་ཅིག་ཅེས་ཡོངས་སུ་བསྔོ་སྟེ། དེ་ཆགས་པ་གསུམ་ལ་ཆགས་ཤིང་། སྦྱིན་པ་དེ་ཡོངས་སུ་གཏོང་ངོ་། །གསུམ་གང་ཞེ་ན། འདི་ལྟར་བདག་
D9.026.0372b06.01དུ་འདུ་ཤེས་པ་དང་གཞན་དུ་འདུ་ཤེས་པ་དང་སྦྱིན་པར་འདུ་ཤེས་པ་འདི་གསུམ་ལ་ཆགས་ནས། སྦྱིན་པ་དེ་དག་ཡོངས་སུ་གཏོང་སྟེ། འདི་ནི་འཇིག་རྟེན་པའི་སྦྱིན་པའི་ཕ་རོལ་དུ་ཕྱིན་པ་ཞེས་བྱའོ། །ཅིའི་ཕྱིར་འཇིག་རྟེན་པའི་སྦྱིན་པའི་ཕ་རོལ་དུ་ཕྱིན་པ་
D9.026.0372b07.01