完整藏文原文 · 德格版页 当前仅加载第 26 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་དག་པར་རྫོགས་པའི་སངས་རྒྱས་རྒྱན་གྱི་རྒྱལ་པོ་ཞེས་བྱ་བ་ཤ་སྟག་འཇིག་རྟེན་དུ་འབྱུང་བར་འགྱུར་རོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུ་དང་། ཚེ་དང་ལྡན་པ་མཽད་གལ་ཆེན་པོའི་བུ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་
D9.026.0082a01.01པ་ཤེས་པའི་བུ་གང་པོ་དང་། ཚེ་དང་ལྡན་པ་འོད་སྲུངས་ཆེན་པོ་དང་། དགེ་སློང་གཞན་དག་ཀྱང་ཀུན་གྱིས་མངོན་པར་ཤེས་པ་ཤིན་ཏུ་མང་བ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་མང་བ་དག་དང་། དགེ་སློང་དང་། དགེ་སློང་མ་དང་། དགེ་བསྙེན་
D9.026.0082a02.01དང་། དགེ་བསྙེན་མ་ཤིན་ཏུ་མང་བ་དག་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་སྟེ། ཤེས་རབ་ཀྱི་ཕ་རོལ་དུ་ཕྱིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་ཆེན་པོའོ། །བཅོམ་ལྡན་
D9.026.0082a03.01འདས་འདི་ལྟ་སྟེ། ཤེས་རབ་ཀྱི་ཕ་རོལ་དུ་ཕྱིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་དུ་ཕྱིན་པ་ཡངས་པའོ། །ཕ་རོལ་དུ་ཕྱིན་པ་འདི་ནི་དམ་པའོ། །ཕ་རོལ་དུ་ཕྱིན་པ་འདི་ནི་རབ་པོ། །ཕ་རོལ་དུ་ཕྱིན་པ་འདི་ནི་ཕུལ་ལོ། །ཕ་རོལ་དུ་ཕྱིན་པ་
D9.026.0082a04.01འདི་ནི་མཆོག་གོ། །ཕ་རོལ་དུ་ཕྱིན་པ་འདི་ནི་གྱ་ནོམ་པའོ། །ཕ་རོལ་དུ་ཕྱིན་པ་འདི་ནི་བཟང་པོའོ། །ཕ་རོལ་དུ་ཕྱིན་པ་འདི་ནི་བླ་ན་མ་མཆིས་པའོ། །ཕ་རོལ་དུ་ཕྱིན་པ་འདི་ནི་ལྟག་ན་མ་མཆིས་པའོ། །ཕ་རོལ་དུ་ཕྱིན་པ་འདི་ནི་མཉམ་པ་མ་མཆིས་པའོ། །ཕ་རོལ་དུ་
D9.026.0082a05.01ཕྱིན་པ་འདི་ནི་མི་མཉམ་པ་དང་མཉམ་པའོ། །ཕ་རོལ་དུ་ཕྱིན་པ་འདི་ནི་འདྲ་བ་མ་མཆིས་པའོ། །ཕ་རོལ་དུ་ཕྱིན་པ་འདི་ནི་མཚུངས་པ་མ་མཆིས་པའོ། །ཕ་རོལ་དུ་ཕྱིན་པ་འདི་ནི་ནམ་མཁའ་འོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་
D9.026.0082a06.01རྣམས་ཀྱི་ཕ་རོལ་དུ་ཕྱིན་པ་འདི་ནི་རང་གི་མཚན་ཉིད་སྟོང་པ་ཉིད་དོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་ནི་ཆོས་ཐམས་ཅད་སྟོང་པ་ཉིད་དོ། །བཅོམ་ལྡན་འདས་བྱང་ཆུབ་སེམས་དཔའ་སེམས་
D9.026.0082a07.01