完整藏文原文 · 德格版页 当前仅加载第 12 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རེ་ཞིག་དགེ་སློང་གིས་སྨྱོན་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང་། ཚོར་བས་ཉམ་ཐག་པ་དང་། གླེན་པ་དང་། འོན་པ་དང་། གཉིད་ཀྱིས་ལོག་པ་དང་། ཕྱག་
D7.012.0074a01.01ལས་ཁོམ་པ་དང་། རབ་ཏུ་མྱོས་པ་དང་། སྙོམས་པར་ཞུགས་པ་དང་། འགྲོ་བ་གཞན་དུ་གནས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ།། །།སྡོམ་ལ། སྐད་དང་ལུས་དང་དབེན་པ་ཉིད། །དེ་བཞིན་བཞི་མཚན་མཚན་དང་
D7.012.0074a02.01ནི། །དེ་བཞིན་བསྐོས་དང་བདག་ཉིད་དང་། །དེ་བཞིན་ཟ་མ་དགེ་སློང་མ། །བཙུན་པ་རེ་ཞིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་གང་ཟག་དབུས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་
D7.012.0074a03.01མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་གང་ཟག་མཐའ་འཁོབ་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ་གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་
D7.012.0074a04.01པས་མཐའ་འཁོབ་པའི་སྐད་དུ་གང་ཟག་དབུས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་གང་ཟག་མཐའ་འཁོབ་པ་ལ་གནས་ངན་
D7.012.0074a05.01ལེན་གྱི་ལྟུང་བ་བརྗོད་པར་བགྱིད་ལ། གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཞིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་
D7.012.0074a06.01བྱས་སོ། །བཙུན་པ་རེ་ཞིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་དབེན་པ་ལ་མི་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས།
D7.012.0074a07.01