完整藏文原文 · 德格版页 当前仅加载第 12 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་
D7.012.0044a01.01ལགས། ཉེས་བྱས་སོ།། །།སྡོམ་ལ། ཕོ་ཉ་ཡི་གེ་ལག་བརྡ་དང་། །གཞན་ལ་སྙད་འདོགས་བརྒྱུད་པ་དང་། །སྨྱོན་པ་དང་ནི་སེམས་འཁྲུགས་དང་། །ཚོར་བ་འོན་པ་གླེན་པའོ། །བཙུན་པ་རེ་ཞིག་དགེ་སློང་གིས་ཕོ་ཉ་ལས་སྲིན་བལ་གྱི་སྟན་སར་པ་བགྱིད་དུ་སྩོལ་ན་ཅིར་འགྱུར་
D7.012.0044a02.01ལགས། ཉེས་བྱས་སོ། །དེ་བཞིན་དུ་ཡི་གེ་དང་། ལག་བརྡ་དང་། གཞན་ལ་སྙད་འདོགས་པ་དང་། བརྒྱུད་པ་དང་། སྨྱོན་པ་དང་། སེམས་འཁྲུགས་པ་དང་། ཚོར་བས་ཉམ་ཐག་པ་དང་། འོན་པ་དང་གླེན་པ་ལ་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་སྲིན་བལ་
D7.012.0044a03.01གྱི་སྟན་བྱེད་དུ་བཅུག་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་དང་། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་
D7.012.0044a04.01འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལུག་བལ་ནག་པོ་འབའ་ཞིག་གི་སྟན་སར་པ་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་སྲིན་བལ་གྱི་སྤང་བའི་ལྟུང་བྱེད་ལ་
D7.012.0044a05.01ཇི་ལྟ་བར་བལ་ནག་པོ་འབའ་ཞིག་པའི་ལྟུང་བྱེད་ལ་ཡང་དེ་ཁོ་ན་བཞིན་དུ་རྒྱས་པར་བརྗོད་དོ། །དེ་ལ་ཐ་དད་དུ་བྱ་བ་ཅི་ཞིག་ཡོད་ཅེ་ན། བཞི་ཚན་ལ་ལུག་བལ་ནག་པོ་འབའ་ཞིག་ལ་ནག་པོ་འབའ་ཞིག་པར་འདུ་ཤེས་པས་སྟན་སར་པ་བགྱིད་དུ་སྩོལ་ན་ཞེས་བཞི་ཚན་དུ་བྱའོ། །སངས་
D7.012.0044a06.01རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་སྟན་སར་པ་བྱེད་པས་ཆ་གཉིས་ནི་ལུག་བལ་ནག་པོ་འབའ་ཞིག་ལས་གཞུག་པར་བྱ། གསུམ་པ་ནི་དཀར་པོ་ལས། བཞི་པ་ནི་འཁོབ་བལ་ལས་གཞུག་པར་བྱའོ། །
D7.012.0044a07.01