完整藏文原文 · 德格版页 当前仅加载第 12 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་ཚན་ཉིད། །ཡོ་བྱད་རྣམས་དང་དགེ་སློང་མ། །བཙུན་པ་རེ་ཞིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་ཏུ་རྒྱུ་བ་རྣམས་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་
D7.012.0054a01.01ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་མུ་སྟེགས་ཅན་གྱི་སྣོད་བསླངས་ན་ཅིར་འགྱུར་ལགས། ཉེས་བྱས་སོ། །སྣོད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ།། །།
D7.012.0054a02.01འདུལ་བ་གཞུང་བླ་མ། བམ་པོ་བདུན་པ། བཙུན་པ་རེ་ཞིག་དགེ་སློང་གིས་ཟ་མ་ལས་ལྷུང་བཟེད་གཉིས་པ་བཙལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་མ་ནིང་དང་། མ་ནིང་མོ་དང་། མཚན་
D7.012.0054a03.01གཉིས་པ་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་བསླངས་པ་ལས་མཚན་གྱུར་
D7.012.0054a04.01ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་བསླངས་པ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས།
D7.012.0054a05.01སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་གིས་ལྷུང་བཟེད་སྤྱད་བཟོད་པ་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་འབྲང་ལས་ལྷུང་བཟེད་གཉིས་པ་བཙལ་བ་ལས་དེ་གཉི་ག་མཚན་གྱུར་ཏེ། མཚན་གྱུར་ནས་ཐོབ་ན་ཅིར་འགྱུར་ལགས། སྤང་
D7.012.0054a06.01བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་འབྲང་ཉེ་དུ་མ་ལགས་པས་ལྷུང་བཟེད་གཉིས་པ་བཙལ་བ་ལས་དེ་གཉི་གའི་མཚན་གྱུར་ཏེ། མཚན་གྱུར་ནས་ཐོབ་ན་ཅིར་འགྱུར་ལགས།
D7.012.0054a07.01