完整藏文原文 · 德格版页 当前仅加载第 12 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
པོའོ། །རྐུན་པོའོ་ཞེས་ཟེར་ཞིང་གསོད་དམ། འཆིང་ངམ། སྤྱུགས་ཀྱང་རུང་སྟེ། དགེ་སློང་མ་བྱིན་པ་དེ་ལྟ་བུར་ལེན་པ་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་བརྒྱད་བཅུ་པའི་ཚོགས་གཉིས་ཀར་བདག་ཉིད་གཏོགས་
D7.012.0004a01.01པར་བགྲངས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་བའི་ཉེས་བྱས་སུ་འགྱུར་རོ། །དེའི་སྐལ་པ་ཆོས་དང་མཐུན་པ་གང་ལས་ལགས། དང་པོ་ལས་སོ། །གལ་ཏེ་བླངས་ནས་བསྙོན་ན་ཅིར་འགྱུར་ལགས། ཤེས་བཞིན་དུ་{བརྫུན་,རྫུན་}སྨྲས་པས་ལྟུང་བྱེད་དུ་འགྱུར་རོ། །གང་གི་ཚེ་གྲུབ་པ་དེའི་ཚེ་ནི་རིན་ཐང་
D7.012.0004a02.01བརྩི་བར་བྱའོ། །བཙུན་པ་རེ་ཞིག་མི་རྣམས་ཀྱིས་རྒྱན་རྡོ་བཀོད་པར་གྱུར་ལ། དེ་ནས་དགེ་སློང་གིས་བརྐུ་སེམས་ཀྱིས་རྒྱན་རྡོ་རིན་ཆེན་པོ་ཞིག་རྔམས་ཆུང་ངུའི་གནས་ནས་གནས་གཞན་དུ་སྦེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་བརྐུ་སེམས་ཀྱིས་རྒྱན་རྡོ་རིན་ཆུང་ངུ་ཞིག་རྔམས་ཆེན་
D7.012.0004a03.01པོའི་གནས་ནས་གཞན་དུ་སྦེད་ན་ཅིར་འགྱུར་ལགས། མཐར་འགྱུར་རོ། །བཙུན་པ་དགེ་སློང་གིས་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར་ལགས། མཐར་འགྱུར་རོ། །རིན་ཐང་མེད་པའི་དངོས་པོ་གང་ཞེ་ན་གང་ཞིག་རིན་ཆེ་ཆེས་པ་ཉིད་ཀྱིས་རིན་ཐང་གདབ་པར་མི་ནུས་པའོ། །གང་
D7.012.0004a04.01ཞིག་ཆུང་ཆེས་པ་ཉིད་ཀྱིས་རིན་ཐང་གདབ་པའི་རིན་མི་ཆོག་པ་དེ་ཡང་རིན་ཐང་མེད་པ་ཡིན་ནོ། །དེ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་དངོས་པོ་ཞིག་རིན་མ་བརྩིས་པར་བརྐུས་ན་ཅིར་འགྱུར་ལགས། གལ་ཏེ་དངོས་པོ་ཡོངས་སུ་ཚང་ན་མཐར་འགྱུར་
D7.012.0004a05.01རོ། །ཇི་སྟེ་མ་ཚང་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཞིག་དགེ་སློང་གིས་བརྐུ་བར་སྦྱོར་བ་བགྱིས་པ་ལས་དེའི་མཚན་གྱུར་ཏེ་དགེ་སློང་མར་རེད་ནས་བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་དགེ་སློང་མས་བརྐུ་བར་སྦྱོར་བ་བགྱིས་པ་ལས་དེའི་མཚན་གྱུར་ཏེ། དགེ་སློང་དུ་རེད་ནས་
D7.012.0004a06.01བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཞིག་བསྙེན་པར་མ་རྫོགས་པས་བརྐུ་བར་སྦྱོར་བ་བགྱིས་ལ། བསྙེན་པར་མ་རྫོགས་པར་བརྐུས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཀར་བརྐུས་ན་ཅིར་འགྱུར་
D7.012.0004a07.01