完整藏文原文 · 德格版页 当前仅加载第 12 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་པ་དང་། ཀུན་ཏུ་རྒྱུ་རྣམས་སམ། སྤུན་ནོར་བགོས་པ་རྣམས་ཀྱི་ཡིན་ནའོ། །བཙུན་པ་རེ་ཞིག་དགེ་སློང་གིས་མཚམས་ཀྱི་སླད་རོལ་ལ། མཚམས་ཀྱི་སླད་རོལ་དུ་འདུ་ཤེས་པ་ལས་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་
D7.012.0031a01.01རོ། །མཚམས་ཀྱི་ནང་ལ་མཚམས་ཀྱི་སླད་རོལ་དུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མཚམས་ཀྱི་སླད་རོལ་ན་མཚམས་ཀྱི་ནང་དུ་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །
D7.012.0031a02.01བཙུན་པ་རེ་ཞིག་དགེ་སློང་གིས་མཚམས་ཀྱི་ནང་དུ་ཆོས་གོས་བཞག་སྟེ། མཚམས་ཀྱི་སླད་རོལ་དུ་སྐྱ་རེངས་འཆར་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཞིག་དགེ་སློང་མ་ཞིག་གིས་མཚམས་ཀྱི་སླད་རོལ་དུ་སྐྱ་
D7.012.0031a03.01རེངས་འཆར་བར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་གང་གི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཉེ་བ་འཁོར་དགེ་སློང་གིས་ནི་དགེ་སློང་གི་མདུན་དུ་ཆོས་གོས་བྱིན་གྱིས་བརླབ་
D7.012.0031a04.01པར་བྱའོ། །བཙུན་པ་དགེ་སློང་མས་གང་གི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཉེ་བ་འཁོར་དགེ་སློང་མས་ནི་དགེ་སློང་མའི་མདུན་དུ་ཆོས་གོས་བྱིན་གྱིས་བརླབ་པར་བྱ་སྟེ། དབྱུང་བ་དང་རུང་བར་བྱ་བ་ཡང་དེ་བཞིན་དུ་བྱའོ། །བཙུན་པ་རེ་ཞིག་བསླབ་པ་སྩལ་པ་ཆོས་གོས་མ་
D7.012.0031a05.01མཆིས་པར་མཚམས་ཀྱི་སླད་རོལ་དུ་སྐྱ་རེངས་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་ཏེ། དེ་བཞིན་དུ་དགེ་སློང་མ་ལ་ནི་ཆོས་གོས་ལྔས་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང་། དགེ་ཚུལ་དང་། དགེ་ཚུལ་མ་རྣམས་ལ་ནི་ཉེས་པ་མེད་དོ། །
D7.012.0031a06.01སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ།། །།སྡོམ་ལ། སེམས་འཁྲུགས་པ་དང་དུས་ལས་འདས། །དེ་བཞིན་རུང་བ་ཉིད་དང་ནི། །མི་རུང་བ་དང་གདིང་བ་དང་། །ཚད་དང་བཞི་ཚན་དག་དང་མཚན། །སངས་རྒྱས་བཅོམ་ལྡན་འདས་ལ་ཚེ་
D7.012.0031a07.01