完整藏文原文 · 德格版页 当前仅加载第 101 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་དང་། བ་དན་དང་། དཔག་བསམ་གྱི་ཤིང་ལྗོན་པ་དང་། རིན་པོ་ཆེ་དང་། མུ་ཏིག་གི་རྒྱན་ཕྲེང་དང་། མེ་ཏོག་པདྨ་དང་། ཀུ་མུ་ད་དང་། ཨུཏྤལ་དང་། དྲི་མཆོག་དང་། སྣ་མའི་མེ་ཏོག་དང་། པ་རི་ཥ་ཀ་དང་། པ་རི་ཥ་ཀ་ཆེན་པོ་དང་། བཏང་བཟུང་དང་། བཏང་བཟུང་
D946.101.0027b01.01ཆེན་པོ་དང་། མན་དཱ་ར་བ་དང་། མན་དཱ་ར་བ་ཆེན་པོ་དང་། མཉྫུ་ཥ་ཀ་དང་། མཉྫུ་ཥ་ཀ་ཆེན་པོ་དང་། ཀུན་ནས་སྐྱེས་དང་། ཀུན་ནས་སྐྱེས་ཆེན་པོའི་མེ་ཏོག་གི་ཆར་གྱི་སྤྲིན་ཀུན་ནས་མངོན་པར་བབ་པོ། །སྤོས་ཆུའི་ཆར་གྱི་སྤྲིན་ཡང་མངོན་པར་བབ་པོ། །དེ་ནས་ཚངས་པ་དང་།
D946.101.0027b02.01ཁྱབ་འཇུག་དང་། དབང་ཕྱུག་ཆེན་པོ་དང་། བརྒྱ་བྱིན་དང་། འཇིག་རྟེན་སྐྱོང་བ་དང་། གནོད་སྦྱིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མ་མོའི་གདོན་གྱི་ཚོགས་དང་། འབྱུང་པོ་དང་། བརྗེད་བྱེད་དང་། སྐེམ་བྱེད་དང་། སྒྲུབ་པ་དང་།
D946.101.0027b03.01སྦྲུལ་འཛིན་བཅས་དང་། གནོན་པོ་དང་། མ་མོ་དང་། {ཡི་དགས་,ཡི་དྭགས་}དང་། ཤ་ཟ་དང་། བྲམ་ཟེའི་སྲིན་པོ་དང་། མཁའ་འགྲོ་མ་དང་། ཕྱོགས་དང་ཕྱོགས་མཚམས་དང་། མཁར་དང་རི་དང་། སའི་ལྷ་ལ་སོགས་པ་སྡང་བ་གདོན་བགེགས་དང་། ལོག་འདྲེན་ཐམས་
D946.101.0027b04.01ཅད་དང་། དེ་མ་ཡིན་པ་གཞན་ཡང་ལྷ་དང་། མི་དང་མི་མ་ཡིན་པ་དག་བླ་གོས་རྣམས་ཕྲག་པ་གཅིག་ཏུ་གཟར་ཏེ་བུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D946.101.0027b05.01བཅོམ་ལྡན་འདས་གང་གིས་བདག་ཅག་གཟིར་ཅིང་ཉེ་བར་གཟིར་བས་རིག་སྔགས་འཆང་ཐམས་ཅད་དངོས་གྲུབ་སྩོལ་བ་དང་། དམ་ཚིག་ཐམས་ཅད་དུ་འཇུག་པ་ལ་ཡང་དག་པར་གནང་བར་བགྱིད་པར་འགྱུར་བ་རང་གི་སྙིང་པོ་འདི་བདག་ཅག་ལ་བསྟན་དུ་གསོལ། དེ་ནས་
D946.101.0027b06.01བཅོམ་ལྡན་འདས་ཀྱིས་ཚངས་པ་ལ་སོགས་པ་ལྷའི་ཚོགས་དེ་དག་ལ་ལེགས་སོ་ཞེས་བྱ་བ་བྱིན་ཏེ། གྲོགས་པོ་དག་གང་གི་ཕྱིར་ཁྱེད་ཅག་འདི་ལྟར་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་ནི་ལེགས་སོ་ལེགས་སོ། །དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་
D946.101.0027b07.01