完整藏文原文 · 德格版页 当前仅加载第 101 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་དང་། དཀོན་མཆོག་གསུམ་ལ་སྐྱབས་སུ་འགྲོ་བར་འགྱུར་བར་དེ་བཞིན་གཤེགས་པའི་དམ་ཚིག་འཛིན་དུ་ཆུག་ཤིག །རིགས་ཀྱི་བུ་དག་འདི་དག་ལ་མི་འཇིགས་པ་ཡང་བྱིན་ཅིག་དང་། དེ་སེམས་ཅན་ཐམས་ཅད་ཀྱི་དོན་དང་། ཕན་པ་དང་བདེ་བ་དང་།
D946.101.0022a01.01མྱ་ངན་ལས་འདས་པ་བླ་ན་མེད་པ་ཡང་ཐོབ་པར་འགྱུར་རོ། །དེ་སྐད་ཅེས་སྨྲས་པ་དང་། ཁྲོ་བོ་ཆེན་པོ་རྡོ་རྗེ་ཁྲོ་བོ་དེ་དག་གིས་གསང་བ་པའི་བདག་པོ་ལག་ན་རྡོ་རྗེ་ལ་ལེགས་སོ། །ཞེས་ཏེ་ཚིག་ལ་མངོན་པར་དགའ་ནས་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
D946.101.0022a02.01ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་དེ་དག་ཐམས་ཅད་དང་། སྡང་བ་བགེགས་དང་། ལོག་འདྲེན་དང་། མ་མོ་དང་། {ཡི་དགས་,ཡི་དྭགས་}དང་། ཤ་ཟ་དང་། འབྱུང་པོ་དང་། གདོན་དང་། བརྗེད་བྱེད་དང་། སྲུལ་པོ་
D946.101.0022a03.01དང་། ལུས་སྲུལ་པོ་དང་། རོ་ལངས་དང་། མཁའ་འགྲོ་དང་། སྒྲུབ་པ་དང་། སྦྲུལ་འཛིན་བཅས་པ་ལ་སོགས་པ་དེ་དག་ཐམས་ཅད་དང་། གདོན་གྱི་ཚོགས་དེ་དག་ཐམས་ཅད་ཀྱིས་རྡོ་རྗེ་ཆེན་པོ་མང་པོ་འབབ་པས་དཀྲུགས་པའི་མཚོ་ཆེན་པོ་ཟབ་མོ་ཀློང་འཁྱིལ་པ། འུར་འུར་
D946.101.0022a04.01སྒྲ་འབྱུང་བ་ལྟ་བུར་དྲག་ཅིང་རྒྱུན་རིང་བའི་སྐད་གསང་མཐོན་པོས་འདི་སྐད་ཅེས་སྨྲས་སོ། །སྡང་བ་འབྱུང་པོ་དང་། གདོན་དང་། བགེགས་དང་། ལོག་འདྲེན་ལ་སོགས་པ་དྲག་ཤུལ་ཅན་དྲག་ཤུལ་གྱི་སེམས་དང་ལྡན་པ། སྡིག་པ་ཅན་སྡིག་པའི་སེམས་དང་ལྡན་པ། སྡང་བ་
D946.101.0022a05.01ཅན་སྡང་བའི་སེམས་དང་ལྡན་པ་ཁྱེད་ཐམས་ཅད་ཉོན་ཅིག །ཁྱེད་ཀྱིས་དེང་ཕན་ཆད་སེམས་ཅན་གང་དག་དེ་བཞིན་གཤེགས་པའི་བསྟན་པ་ལ་ཞུགས་པ་དག་དང་། དེ་ལ་སོགས་པ་གང་དག་གསང་སྔགས་སྒྲུབ་བམ། ཀློག་པ་དེ་དག་ལ་བགེགས་འབྱུང་བར་མི་བྱ་ཞིང་འཚོ་བར་མི་
D946.101.0022a06.01བྱ་སྟེ། སྒྲུབ་པ་དང་རྗེས་སུ་མཐུན་པར་སྟོབས་སྦྱིན་པར་བྱའོ། །སེམས་ཅན་གང་དག་དམ་ཚིག་ལ་མ་ཞུགས་པ་དེ་དག་ལ་བསྲུང་བར་བྱ། ཞི་བ་དང་བདེ་ལེགས་སུ་འགྱུར་བ་དང་། ཆད་པ་སྤང་བ་དང་། དུག་གཞིལ་བ་དང་། དུག་གསད་པ་དང་། རིག་སྔགས་འགྲུབ་པ་
D946.101.0022a07.01