完整藏文原文 · 德格版页 当前仅加载第 101 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན་བཅོམ་ལྡན་འདས་ཀྱི་སྤྱན་སྔར་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་ཐམས་ཅད་ཀྱི་མདུན་དུ་དམ་ཚིག་གང་བཅས་པ་དེ་རྗེས་སུ་བསྐྱང་དུ་གསོལ། རྗེས་སུ་བསྐྱང་དུ་
D946.101.0019b01.01གསོལ། གཤེགས་སུ་གསོལ། མྱུར་དུ་གཤེགས་སུ་གསོལ། བདག་གི་ལས་རྣམས་མྱུར་བ་མྱུར་བར་བསྒྲུབ་ཏུ་གསོལ། སྐྲག་པར་བྱེད་པ། རྡོ་རྗེ་འཛིན་པ་ལག་ན་རྡོ་རྗེ་ལ་ཕྱག་འཚལ་ལོ། །ཧུ་རུ་ཧུ་རུ། གྲུབ་པ་དྲག་པོ་ལག་ན་རྡོ་རྗེ་བཀའ་སྩོལ་ཅིག་སྭཱ་ཧཱ། ཤིན་ཏུ་གྲུབ་
D946.101.0019b02.01པར་བྱེད་པ་ལ་སྭཱ་ཧཱ། རྡོ་རྗེ་ཆེན་པོ་ལ་སྭཱ་ཧཱ། རྡོ་རྗེ་ཕུར་བ་ལ་སྭཱ་ཧཱ། རྡོ་རྗེ་འཇོམས་པ་ལ་སྭཱ་ཧཱ། རྡོ་རྗེས་བྱིན་གྱིས་བརླབས་པ་ལ་སྭཱ་ཧཱ། རྡོ་རྗེ་ཀཱི་ལི་ཀཱི་ལ་ལ་སྭཱ་ཧཱ། དྲག་པོ་ཀཱི་ལི་ཀཱི་ལ་ལ་སྭཱ་ཧཱ། དམར་པོ་ཀཱི་ལི་ཀཱི་ལ་ལ་སྭཱ་ཧཱ། བྱིས་པ་ཀཱི་ལི་ཀཱི་ལ་ལ་སྭཱ་ཧཱ། སངས་རྒྱས་ཐམས་
D946.101.0019b03.01ཅད་ཀྱིས་བྱིན་གྱིས་བརླབས་པ་ལ་སྭཱ་ཧཱ། བདག་གི་གནོད་པ་དང་། ནང་འགོ་བ་ཐམས་ཅད་དང་། རིམས་ཐམས་ཅད་མེད་པར་མཛོད་ཅིག་སྭཱ་ཧཱ། དེ་ནས་རྡོ་རྗེ་ཁྲོ་བོ་ཆེན་པོས་འདི་སྐད་སྨྲས་པ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་
D946.101.0019b04.01ཏེ། ཕྱོགས་དང་ཕྱོགས་མཚམས་ཐམས་ཅད་དང་དེ་བཞིན་དུ་བར་སྣང་ལ་རྡོ་རྗེའི་སྐར་མདའ་ཆེན་པོའི་བེ་ཅོན་འབབ་པར་སྣང་ངོ་། །གནམ་གྲུམ་པའི་སྒྲ་ཆེན་པོ་ཡང་གྲག་གོ། །ཀུན་ནས་ས་ཆེན་པོ་འདི་གྲུམ་པར་ཀུན་དུ་སྣང་ངོ་། །ས་ཆེན་པོའི་སེར་ཀ་དེ་དག་ནས་ཡན་ལག་
D946.101.0019b05.01བརྒྱད་དང་ལྡན་པའི་ཆུའི་རྒྱུན་གྱེན་དུ་བྱུང་ངོ་། །ཆུའི་རྒྱུན་དེ་དག་གིས་རྣམ་པར་འཇིག་པའི་དུས་ཀྱི་ཆུ་བཞིན་དུས་ཆེན་པོ་ཐམས་ཅད་ཀུན་དུ་གང་བར་སྣང་ངོ་། །གང་དག་སའི་འོག་ན་གནས་པའི་ཀླུ་ཆེན་པོ་དང་། ལྷ་ཆེན་པོ་དང་ལྷ་མ་ཡིན་ཆེན་པོ་དེ་དག་ཐམས་ཅད་ཀྱང་སའི་
D946.101.0019b06.01འོག་ནས་འཐོན་ཅིང་རི་རབ་ཀྱི་དྲུང་དུ་འཐོན་ཏེ་གྱེན་དུ་བྱུང་ནས་བཅོམ་ལྡན་འདས་ལ་སྐྱབས་སུ་དོང་ངོ་། །དེ་ནས་དྲག་ཤུལ་ཅན་དྲག་ཤུལ་གྱི་སེམས་དང་ལྡན་པ། སྡང་བ་ཅན་སྡང་བའི་སེམས་དང་ལྡན་པའི་འབྱུང་པོ་དང་། བགེགས་དང་ལོག་འདྲེན་གང་དག་འཁོད་པ་དེ་དག་
D946.101.0019b07.01