完整藏文原文 · 德格版页 当前仅加载第 101 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་ཀུན་དུ་འབར་རབ་ཏུ་འབར་ཞིང་། ཀུན་དུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་དག་གིས་རང་རང་གི་ལུས་ཀུན་དུ་རྣམ་པར་འཇོམས་པར་ཤེས་ཏེ། དེ་དག་སྡུག་བསྔལ་ནི་བཟད་ཅིང་དྲག་ལ་རྩུབ་པས་ཉེན་ནས་ཧ་ཧ་ཞེས་བྱ་བའི་ངུ་སྐད་འཐོན་ཏེ་ཚིག་འདི་
D946.101.0020a01.01སྐད་ཅེས་ཀྱང་སྨྲས་སོ། །གསང་བ་པའི་བདག་པོ་བདག་ཅག་སྐད་ཅིག་གིས་སྲོག་ཀྱང་མ་མཆིས་པར་འགྱུར་དུ་བགྱིད་ན་འཇིགས་པ་ཆེན་པོར་ལྷུང་བ་འདི་ལས་ཡོངས་སུ་བསྐྱབ་ཏུ་གསོལ། བགེགས་དང་ལོག་འདྲེན་རྣམས་ཇི་ལྟ་བ་དེ་བཞིན་དུ་གཞན་འཇིག་རྟེན་གྱི་ཁམས་གཞན་
D946.101.0020a02.01ཐམས་ཅད་ན་གནས་པ་དང་། རི་དང་། ཆུ་བོ་དང་། ལྟེང་ཀ་དང་། རྫིང་དང་། དུར་ཁྲོད་དང་། ཤིང་དང་། ཐིབས་པོ་དང་། ཁྲོན་པ་རྙིང་བ་དང་། བཏུང་ཆུ་དང་། ལམ་གྱི་བཞི་མདོ་དང་། སུམ་མདོ་དང་། གཙུག་ལག་ཁང་ཞིགས་པ་དང་། གནས་དང་། ལྷ་ཁང་ན་
D946.101.0020a03.01གནས་པ་དག་ཐམས་ཅད་ཀྱིས་ཀྱང་གསང་བ་པའི་བདག་པོ་ལག་ན་རྡོ་རྗེ་འཇིགས་པ་ཆེན་པོར་ལྷུང་པ་འདི་ལས་ཡོངས་སུ་བསྐྱབ་ཏུ་གསོལ། ཡོངས་སུ་བསྐྱབ་ཏུ་གསོལ། ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་བཞིན་དུ་ལྷའི་ཁང་པ་ཐམས་ཅད་གཡོས། རབ་ཏུ་གཡོས་
D946.101.0020a04.01ཀུན་ཏུ་རབ་ཏུ་གཡོས་ཏེ། མོག་མོག་པོར་གྱུར་ཅིང་འོད་མེད་པར་ཀུན་དུ་སྣང་ངོ་། །བདུད་ཀྱི་ཁྱིམ་ཐམས་ཅད་ཀྱང་ཀུན་དུ་འབར། རབ་ཏུ་འབར་ཞིང་། ཀུན་དུ་རབ་ཏུ་མཆིང་ཅིང་འབར་ཏེ། མེ་ལྕེ་གཅིག་ཏུ་གྱུར་པར་སྣང་ངོ་། །གང་དག་བདུད་ཀྱི་རིས་ཀྱི་ལྷའི་བུ་དེ་དག་
D946.101.0020a05.01ཐམས་ཅད་ཀྱང་རྡོ་རྗེ་ཁྲོ་བོ་ཆེན་པོས་དངངས་སྐྲག་སྟེ་རང་རང་གི་མགོ་རྡོ་རྗེ་རྣམས་ཀྱིས་རྣམ་པར་འཇོམས་པ་མཐོང་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་གསང་བ་པའི་བདག་པོ་ལག་ན་རྡོ་རྗེ་
D946.101.0020a06.01ལ་སྐྱབས་སུ་དོང་ངོ་། །བདུད་སྡིག་ཅན་ཡང་ཤིན་ཏུ་སྡུག་བསྔལ་བའི་ཚོར་བས་ཉམ་ཐག་ཅིང་སྐྲག་ལ་ཞུམ་སྟེ་གནོད་པས་དངངས་ནས་སངས་རྒྱས་ལ་སྐྱབས་སུ་སོང་། ཆོས་ལ་སྐྱབས་སུ་སོང་། དགེ་འདུན་ལ་སྐྱབས་སུ་སོང་ངོ་། །གསང་བ་པའི་བདག་པོ་ལག་ན་རྡོ་རྗེ་ལ་
D946.101.0020a07.01