完整藏文原文 · 德格版页 当前仅加载第 101 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱི་མཚན་ཉིད་གང་ཡིན་པ་དེ་ནི་སྟོང་པ་ཉིད་དོ། །སྟོང་པ་ཉིད་གང་ཡིན་པ་དེ་ལ་དེ་བཞིན་གཤེགས་པ་མེད་དོ། །དེ་བཞིན་གཤེགས་པའི་མཚན་ཉིད་མེད་དོ། །ཤ་ར་དྭ་ཏིའི་བུས་སྨྲས་པ། རིགས་ཀྱི་བུ་གལ་ཏེ་དེ་བཞིན་གཤེགས་པ་མཚན་ཉིད་མེད་པ་ཡིན་
D946.101.0024a01.01ན། དེ་ལ་ཇི་ལྟར་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་ཞིང་དེ་བཞིན་གཤེགས་པ་ཞེས་བསྟན་ཅིང་དཔེ་བྱད་བཟང་པོ་བརྒྱད་ཅུས་སྐུ་ལེགས་པར་བརྒྱན། ཇི་ལྟར་དེ་བཞིན་གཤེགས་པའི་སྐུ་གསུམ་རྣམ་པར་གཞག་པར་བལྟ། ཇི་ལྟར་དེ་བཞིན་གཤེགས་པ་བླ་ན་མེད་པ་
D946.101.0024a02.01ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས། གསང་བ་པའི་བདག་པོ་ལག་ན་རྡོ་རྗེས་སྨྲས་པ། བཙུན་པ་ཤ་ར་དྭ་ཏིའི་བུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཞེས་བྱ་བ་དེ་ནི་ཀུན་རྫོབ་ཀྱི་བརྡའི་ཚིག་གོ། །བརྒྱན་ཅེས་བྱ་བ་དེ་ནི་སྤྲོས་པའི་ཡི་གེ་དང་
D946.101.0024a03.01སྒྲའོ། །དཔེ་བྱད་བཟང་པོ་ཞེས་བྱ་བ་དེ་ནི་སྒྱུ་མ་དང་རྨི་ལམ་གྱི་ངོ་བོ་ཉིད་ཀྱི་མཚན་ཉིད་དོ། །ཡང་དག་པར་རྫོགས་པའི་བྱང་ཆུབ་ཅེས་བྱ་བ་དེ་ནི་ནམ་མཁའི་ངོ་བོ་ཉིད་ཀྱི་མཚན་ཉིད་དོ། །སྐུ་གསུམ་རྣམ་པར་གཞག་པ་ཞེས་བྱ་བ་དེ་ནི་ཚོགས་གཉིས་ཀྱིས་སྤྲུལ་པའི་མཚན་ཉིད་དོ། །བཙུན་
D946.101.0024a04.01པ་ཤ་ར་དྭ་ཏིའི་བུ་ཡང་འདི་ནི་དེ་བཞིན་གཤེགས་པའི་སྐུའི་གསང་བའི་ཡུལ་ཏེ། དེ་ལ་སྐུའི་གསང་བ་ཞེས་བྱ་བ་དེ་ནི་བསོད་ནམས་ཆེན་པོའི་རྒྱུ་མཐུན་པའི་མཚན་ཉིད་དོ། །བསོད་ནམས་ཀྱི་རྒྱུ་མཐུན་པ་གང་ཡིན་པ་དེ་དེ་བཞིན་གཤེགས་པའི་རྫོགས་པར་ལོངས་སྤྱོད་པའི་སྐུ་སྟེ། འདི་
D946.101.0024a05.01ཡང་དེ་བཞིན་གཤེགས་པའི་སྐུའི་ཕྲིན་ལས་དང་སྐུའི་གསང་བའོ། །བཙུན་པ་ཤ་ར་དྭ་ཏིའི་བུ་གསུང་ཞེས་བྱ་བ་དེ་ནི་ཀུན་རྫོབ་དང་དོན་དམ་པ་གཉིས་ཀྱི་མཚན་ཉིད་དོ། །ཀུན་རྫོབ་དང་དོན་དམ་པ་གཉིས་ཀྱི་མཚན་ཉིད་གང་ཡིན་པ་དེ་དེ་བཞིན་གཤེགས་པའི་སྤྲུལ་པའི་སྐུའོ། །རྟེན་ཅིང་
D946.101.0024a06.01འབྲེལ་བར་འབྱུང་བ་ཆད་པ་མེད་པ་དང་། རྟག་པ་མེད་པར་འཇུག་པ་ཐུགས་སུ་ཆུད་པ། ཡིད་ཀྱི་རྣམ་པར་ཤེས་པའི་ལམ་གྱིས་འཇུག་པ། བསམ་གཏན་གོམས་པར་བྱ་བར་ཤེས་པར་བྱ་བ་སྟེ། དམིགས་པ་མེད་པ། ཀུན་ནས་ཉོན་མོངས་པ་དང་། རྣམ་པར་བྱང་བས་
D946.101.0024a07.01