完整藏文原文 · 德格版页 当前仅加载第 99 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
དབབ་པའོ། །ནཱ་ག་གྲ་ཧེ་བི་ཙ་ཡ་ཕྲོྃ་ཕྲོྃ་ཧྲིལ་ཧྲིལ། ཤར་ཤར། རྃ་ན་ཙག་ནེ་ཕྲོྃ་ཧྲིལ་ཤར་ཤར་ཕོབ་ཕོབ། དྲག་པོས་བཟློག་ཅིང་བསྟབ་པའོ། །མ་ཧཱ་ཤཱནྟིཾ་བུཥྚེཾ་ཝ་ཤྱཾ་ཀུ་རུ་མཱ་ར་ཡ་ཛ་ཡ་ཀརྨ་མ་ལི་ཨ་མུ་ཀི་སིདྡྷི་སུ་སིདྡྷི་ཀ་ར་སྭ་སྟི་སྭཱ་ཧཱ། །
D844.099.0285a01.01ཕྲིན་ལས་ཐམས་ཅད་རབ་སྒྲུབ་པའི། །མཐུན་པའི་རྫས་དང་ཏིང་འཛིན་གྱིས། །ལས་ཀྱི་ཁྱད་པར་སོ་སོར་དབྱེ། །གནས་སྒྱུར་དང་ནི་གྲུབ་པའི་མཐའ། །སྙིང་རྗེ་བྱམས་པས་རབ་སྐུལ་ཞིང་། །ཀུན་དུ་ཁྱབ་པའི་མཆོད་སྦྱིན་བྱ། །ཞི་དང་རྒྱས་དང་དབང་དུ་བྱ། །དྲག་པོས་བསྒྲལ་
D844.099.0285a02.01ཞིང་ཚར་གཅོད་པའི། །ལས་ཀུན་རང་གཞན་དོན་དུ་སྤྱད། །འཇིག་རྟེན་གནས་ཤིང་སྲོག་དང་སྙིང་། །ཡི་གེ་གསལ་བར་རང་འབྱུང་གནས། །མངོན་དུ་རྒྱུ་བ་ཐུགས་ཀ་སྟེ། །རིང་ཐུང་ཕོ་མོ་ཁྲག་དང་དུས། །ཆགས་སྡང་སྙིང་སྲོག་སྙིང་རྗེ་གཙེར། །རྡོ་རྗེ་པདྨ་རླུང་
D844.099.0285a03.01དང་གནས། །ཐབས་དང་ཤེས་རབ་ཆོས་ཅན་དང་། །ཆོས་ཉིད་ལས་དང་འབྲས་བུ་ཡིས། །མི་འཚང་གནད་འཚང་བོང་དང་དྲང་། །གྲོགས་དང་ལྡན་པས་ལས་ལ་སྦྱར། །ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་རྣམས་ཀྱི་ལས་སྣ་ཚོགས་ཀྱི་
D844.099.0285a04.01རྩ་བའི་སྙིང་པོ་གནད་ཀྱི་ལེའུ་སྟེ་བརྒྱད་པའོ།། །།དེ་ནས་ཡང་དག་བཤད་བྱ་བ། །འཇིག་རྟེན་དྲེགས་པའི་གཙོ་ཆེན་རྣམས། །ཚུལ་བཞིན་རབ་ཏུ་བསྒྲུབ་པ་ཡིས། །གྲུབ་ཅིང་ཉེ་བའི་རྟགས་རྣམས་ནི། །ཉམས་དང་རྦད་རྟགས་རྨི་ལམ་རྟགས། །འདི་ལ་
D844.099.0285a05.01སོ་སོར་འབྱུང་འགྱུར་ཏེ། །དགའ་ཞིང་མདངས་ལྡན་སྟོབས་རྙེད་དང་། །བདེ་དང་རྟོགས་པ་སྤྲོ་བསྐྱེད་ཅིང་། །མངོན་རྒྱུ་ཡིད་ཀྱིས་གདེང་ཐོབ་ཀྱིས། །ཉམ་ང་བག་ཚ་དོགས་མེད་ཅིང་། །ནུས་ལྡན་ཕྲིན་ལས་མཐར་ཕྱིན་རྟོགས། །འདི་དག་ལ་སོགས་རིམ་
D844.099.0285a06.01པར་འབྱུང་། །ལུས་འཇམ་དབུགས་ཀྱིས་མི་གནོད་ཅིང་། །ཡང་ཞིང་བརྟན་ལ་ཁྱད་པར་དགའ། །ནད་དང་གདོན་གྱིས་བརྫི་མི་ནུས། །འབྱུང་བའི་ནུས་པས་མི་སྐྱོད་ཅིང་། །ཁ་དོག་དང་ལྡན་སྡུག་ཅིང་མཛེས། །འདི་ལ་སོགས་པ་ལུས་འབྱུང་གདའ། །
D844.099.0285a07.01