完整藏文原文 · 德格版页 当前仅加载第 99 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུའི་མཐུན་རྫས་ནི། །རང་གི་གདན་ནམ་བཞོན་པ་ཡི། །སྲོག་ཆགས་གཟུགས་ནི་ལྔ་འམ་བཅུ། །བརྒྱ་འམ་སྟོང་ངམ་གྲུབ་ཚད་བྱ། །སྐྱེས་པ་བུད་མེད་གླང་ཆེན་རྟ། །བན་གླང་ར་ལུག་བྱ་ར་ཁྱི། །ལོངས་སྤྱོད་སྐོང་རྫས་སྔར་བཞིན་ནོ། །སྡེ་བརྒྱད་ཕལ་པ་ཀུན་ལ་ནི། །
D844.099.0277b01.01ཤེས་ལྡན་མི་དང་བྱོལ་སོང་སྟེ། །འདབ་ཆགས་གཅན་གཟན་{རི་དགས་,རི་དྭགས་}དང་། །ས་ཆུར་གནས་དང་དུད་འགྲོ་ཚོགས། །མཐོང་ཐོས་དྲན་པ་རྣམས་ཀྱི་གཟུགས། །ཇི་ལྟར་ནུས་པའི་གྲངས་ཀྱིས་བསྐོར། །འདི་དག་བསྐང་བའི་ཡོ་བྱད་ནི། །འགྲོ་བའི་གླུད་དུ་འབུལ་བ་ནི། །རིན་ཆེན་ངར་མི་རྒྱན་
D844.099.0277b02.01ལྡན་དང་། །ནམ་མཁའ་སེམས་ཀྱི་གཟུགས་བརྙན་དང་། །སྐུ་གསུང་ཐུགས་ལྡན་རྒྱང་བུ་དང་། །ཤིང་གླུད་ཡུལ་མཁར་མཚོན་པ་དང་། །སྐྱེས་པ་བུད་མེད་ཆ་བྱད་དང་། །རྒྱལ་མཚན་བ་དན་རུ་མཚོན་རྣམས། །དྲེགས་པ་སོ་སོའི་སྐུ་མདོག་དང་། །མཐུན་པ་གྲངས་མཉམ་གནས་
D844.099.0277b03.01སུ་དགོད། །མཆོད་གཏོར་བཤོས་ཆ་མར་མེ་དང་། །གླིང་ཚད་ཆུང་ངུ་དེ་བཞིན་ནོ། །བཟློག་བསད་དྲག་པོ་ཟོར་གྱི་རྫས། །སྦྱིན་པའི་ས་ལ་ཟོར་ཕོར་དུ། །གྲུ་གསུམ་མཉམ་བྱས་དུག་ཁྲག་དང་། །ཐུན་རྫས་སྣ་ཚོགས་སྩལ་བ་དང་། །གདུག་པའི་ཤིང་གི་རྩང་ཕུར་དང་། །བྷན་
D844.099.0277b04.01དྷ་དུག་ཐུན་གཏོར་མར་བཅས། །བཞི་བརྒྱད་བཅུ་དྲུག་སུམ་ཅུ་གཉིས། །ཅི་རིགས་སྦྱར་ཏེ་མཛེས་པར་དགོད། །སྟེང་དུ་ཞིང་ལྤགས་གཡང་གཞི་འམ། །དར་ནག་ཚོན་སྐུད་གདུགས་ཀྱིས་དབུབ། །ཐ་མར་རས་བཟང་ཡོལ་བས་བྲེ། །དེ་ནས་རྡོ་རྗེ་འཛིན་པ་ཡིས། །གཙོ་ཆེན་བསྐྱེད་
D844.099.0277b05.01ཅིང་རྫོགས་པ་དང་། །དྲགས་པ་མཆོད་བསྟོད་མཉེས་བྱས་ནས། །གཟུགས་བརྙན་མཐུན་རྫས་སྔོ་བ་ནི། །རྣལ་འབྱོར་ཏིང་འཛིན་ང་རྒྱལ་བསར། །བདུད་རྩི་མཆོད་སྐྱེམས་རཀྟ་སྦྲེང་། །ཤ་ཆེན་སྤོས་ཀྱི་དྲི་བསུང་འབུལ། །རྔ་ཆེན་གླིང་བུ་རོལ་མོ་སྒྲ་ཆེན་བསྒྲགས། །མདའ་ཆེན་
D844.099.0277b06.01བ་དན་ནག་པོས་གཡབ། །ཧཱུཾ་ང་ནི་དཔལ་ཆེན་ཧེ་རུ་ཀ། །གདུལ་དཀའ་མ་ལུས་འདུལ་བར་བྱེད། །འཇིག་རྟེན་དྲེགས་པ་ཟས་སུ་ཟ། །ཁམས་གསུམ་སྲིད་གསུམ་ང་ཡི་དབང་། །སྣང་སྲིད་འཁོར་འདས་ང་ཡི་བྲན། །ང་ཡི་བཀའ་བཞིན་འདིར་འདུས་ཤིག །ཉོན་མོངས་
D844.099.0277b07.01