完整藏文原文 · 德格版页 当前仅加载第 99 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ལོ་ཀ་སྟོ་ཏྲ་པཱུ་ཛ་ཏནྟྲ་ནཱ་མ་ནོ་པི་ཀ་སནྟ་ཀྃ། བོད་སྐད་དུ། འཇིག་རྟེན་མཆོད་བསྟོད་སྒྲུབ་པ་རྩ་བའི་རྒྱུད་ཅེས་བྱ་བ(་,། )བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་
D844.099.0268a01.01ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་གསང་བ་ཆེན་པོ་རྡོ་རྗེ་འཛིན་པ། དུས་གསུམ་གྱི་སངས་རྒྱས་མ་ལུས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་ཕྲིན་ལས་མ་ལུས་པ་ཡང་དག་པར་བསྒྲུབ་པར་མཛད་པ།
D844.099.0268a02.01མཐུ་དང་། སྟོབས་དང་། མི་འཇིགས་པ་དང་། དབང་ཕྱུག་དང་། གཟུགས་ཀྱིས་འཇིགས་པར་བྱེད་པ། གཏུམ་པོ་དང་། དྲག་ཤུལ་ཅན་དང་། དྲེགས་པ་ཅན་དང་། སྟོབས་ཅན་དང་། བཟོད་པར་དཀའ་བདག་མྱུར་དུ་འདུལ་བར་བྱེད་པ། བདེ་བར་གཤེགས་
D844.099.0268a03.01པ་ཐམས་ཅད་ཀྱི་ཐུགས་ཀྱི་སྙིང་པོ་དེ་ཁོ་ན་ཉིད་ལས་ཕྱུང་བ། བྱང་ཆུབ་སེམས་དཔའ་སེམས་དཔའ་ཆེན་པོ་གཙོ་བོ་ས་ཆེན་པོ་མཐར་ཕྱིན་པ་ལ་རབ་ཏུ་ཞུགས་པ། འདོད་པའི་ཁམས་དང་གཟུགས་ཀྱི་ཁམས་སུ་གཏོགས་པའི་དབང་ཕྱུག་ལྷའི་རིགས་རྣམས་ཀྱི་
D844.099.0268a04.01བདག་པོ་ཆེན་པོ་ལྕང་ལོ་ཅན་གྱི་གནས་དང་རི་རབ་ཀྱི་གནས་ཀྱི་གནོད་སྦྱིན་རྣམས་ཀྱི་དེད་དཔོན་ཆེན་པོ་དེ། འོག་མིན་གྱི་གནས་ལྷའི་རྒྱལ་པོའི་ཁང་{བཟངས་,བཟང་}ན་བཞུགས་ཏེ། དུས་གསུམ་དུ་རྣམ་པར་བཞུགས་པའི་སངས་རྒྱས་རྣམས་ཀྱི་སྐུ་གསུང་ཐུགས་ཀྱི་རྣམ་པར་
D844.099.0268a05.01འཕྲུལ་པའི་འོད་ཟེར་སྣ་ཚོགས་བཀྱེ་ནས་ཚིག་འདི་སྐད་དུ་བསྐུལ་ཏེ། ཀྱེ་ཀྱེ་གསང་བདག་རྡོ་རྗེ་འཛིན། །ཁྱོད་ནི་སངས་རྒྱས་ཐམས་ཅད་ཀྱིས། །བསྟན་པ་དམ་པ་བསྲུང་བ་ཡི། །མཐུ་སྟོབས་བདག་པོར་དབང་བསྐུར་ཏེ། །དམ་ཚིག་ཆེན་པོ་དེ་གཟིགས་
D844.099.0268a06.01ལ། །སྐུ་གསུང་ཐུགས་ཀྱི་གསང་བ་ལས། །འཇིགས་བྱེད་འཇིགས་པར་བྱེད་པ་ཡི། །སྐུ་མཆོག་དྲག་པོའི་གསུང་དང་བཅས། །གཏུམ་པོའི་ཐུགས་ཀྱིས་ཤུགས་ཕྱུང་ལ། །གདུལ་དཀའ་མ་ལུས་འདུལ་བའི་ཕྱིར། །སྤྲུལ་པ་སྔ་འཕྲུལ་ཕྲིན་ལས་ཀྱིས། །
D844.099.0268a07.01