完整藏文原文 · 德格版页 当前仅加载第 99 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་བཅས་ཀྱི། །སྐུ་མདོག་འགྱུར་མེད་མེ་ལོང་གཟུགས་བརྙན་བཞིན། །གསལ་ཞིང་རྟོག་མེད་སྣང་བ་མ་འགགས་པ། །སྐུ་ལྔ་ལྷུན་གྲུབ་རྫོགས་པའི་དངོས་གྲུབ་གསོལ། །གསུང་མཆོག་འགག་མེད་བྲག་ཆ་སྒྲ་བརྙན་བཞིན། །སྙན་དང་
D844.099.0274a01.01མི་སྙན་གྲག་སྟོང་ཚངས་པའི་གསུང་། །གསུང་དབྱངས་ནམ་མཁའི་མཐས་ཁྱབ་དངོས་གྲུབ་གསོལ། །ཐུགས་མཆོག་སྤྲོས་བྲལ་བསམ་འདས་ཆོས་ཀྱི་དབྱིངས། །མི་རྟོག་བདེ་ཆེན་ཐབས་དང་ཤེས་རབ་དང་། །རྩོལ་མེད་མི་གཡོ་མཆོག་གི་དངོས་གྲུབ་གསོལ། །ཡོན་ཏན་བརྗོད་
D844.099.0274a02.01ཀྱིས་མི་ལང་སྣ་ཚོགས་ཡོད། །འདས་དང་མ་འདས་མཆོག་དང་ཐུན་མོང་གི། །གྲུབ་པ་བརྒྱད་དང་མཐར་ཐུག་དངོས་གྲུབ་གསོལ། །འཇིགས་པ་བརྒྱད་སོགས་ཞི་དང་འབྱོར་བ་རྒྱས། །ལོག་ལྟ་མོས་པའི་ཚུལ་གྱིས་དབང་དུ་སྡུད། །མངོན་སྤྱོད་དགྲ་བགེགས་འདུལ་བའི་
D844.099.0274a03.01དངོས་གྲུབ་གསོལ། །བཛྲ་སརྦ་དུཥྚན་ཨ་ཏ་ན་ཡ་ཨེ་ཛ་ཀཱ་ཡ་སིདྡྷི། བ་ཀ་སིདྡྷི། ཙིཏྟ་སིདྡྷི། གུ་ཎ་སིདྡྷི། ཀརྨྨ་སིདྡྷི། ཧཱུྃ་ཧཱུྃ་ཧཱུྃ། བཅོམ་ལྡན་དཔལ་ཆེན་དྲེགས་པ་ཀུན་འདུལ་ནི། །དབུ་དགུ་ཕྱག་ནི་{བཅྭ་,བཅོ་}བརྒྱད་དེ། །སྐུ་མདོག་མཐིང་ནག་ཁྲོ་ཞིང་རྔམ། །གཡས་ཀྱི་ཞལ་
D844.099.0274a04.01གསུམ་སྨུག་ནག་བག་བགྲད། །གཡོན་གྱི་ཞལ་གསུམ་ཁམ་ནག་གཙིགས། །དབུ་སྐྲ་རལ་བ་མེ་དཔུང་འབར། །སྤྱན་དགུ་སྡང་མིག་བཟློག་ཅིང་བགྲད། །ཤངས་ནས་སྲིད་པའི་རླུང་ནག་འཐོར། །སྙན་ནས་སྟོང་གསུམ་འབྲུག་སྒྲ་འདིར། །སྨ་ར་ཨག་ཚོམ་མེ་ལྟར་འབར། །
D844.099.0274a05.01མཆེ་གཙིགས་སྲིད་གསུམ་རྩ་བ་གཅོད། །ཕྱག་དགུ་གཡས་གཡོན་དང་པོ་ཡིས། །རྡོ་རྗེ་ཐོད་ཁྲག་དཀྲུག་ཅིང་གསོལ། །གཡས་ཀྱི་ཕྱག་བརྒྱད་འོག་མ་ན། །དྲེགས་པའི་ལྷ་བརྒྱད་བསྒྲལ་བ་ཡི། །གཡང་གཞི་མགོ་བོར་བཅས་ཏེ་བསྣམས། །གཡོན་གྱི་ཕྱག་བརྒྱད་
D844.099.0274a06.01འོག་མ་ན། །ཀླུ་ཆེན་བརྒྱད་ཀྱི་བྷན་དྷ་རུ། །དྲེགས་པའི་སྙིང་ཁྲག་བཀང་ནས་གསོལ། །དཔའ་བོའི་ཆས་བརྒྱད་སྐུ་ལ་རྫོགས། །ཞབས་བརྒྱད་བརྐྱང་བསྐུམ་དོར་སྟབས་ཀྱིས། །ཁམས་གསུམ་བདག་པོ་སྡེ་བཞི་མནན། །ཡུམ་ཆེན་ཁམས་གསུམ་སྤྱི་འདུལ་མ། །ཞལ་
D844.099.0274a07.01